រុស្ស៊ី-អឺរ៉ុប

ជំនួបកំពូលសហភាពអឺរ៉ុប-រស្ស៊ី

ដោយ កែវ ឆាយា

អត្ថបទចុះផ្សាយកាលពីថ្ងៃទី 18/11/2009 កែប្រែលើកចុងក្រោយកាលពីថ្ងៃទី 18/11/2009 11:34 ម៉ោងសកល

ថ្ងៃនេះ ប្រធានាធិបតីរុស្ស៊ី លោក Dmitri Medvedev ចូលរូមដោយផ្ទាល់ក្នុងជំនួបកំពូល សហភាពអឺរ៉ុប-រុស្ស៊ី នៅក្រុង Stockholm រាជធានី Suède។ ជំនួបកំពូលលើកនេះ ជាលើកទី២៤ បើគិតពីលើកដំបូង ក្នុងឆ្នាំ ១៩៩៨ មក។ វាប្រព្រឹត្តទៅ ២ ដងក្នុង ១ឆ្នាំ ទោះបីកិច្ចព្រមព្រៀង ស្តីអំពីសហប្រតិបត្តិការ និងភាពជាដៃគូចុះក្នុងឆ្នាំ ១៩៩៧ រវាងសហភាពអឺរ៉ុបនិងសហព័ន្ធរុស្ស៊ី ដែលជាមូលដ្ឋាននៃជំនួបនេះ បានអស់សុពលភាព តាំងពីចុងឆ្នាំ ២០០៧ក្តី។ សហភាពអឺរ៉ុប ជាដៃគូពាណិជ្ជកម្មមួយធំចំបងរបស់រុស្ស៊ី។
សូមចុចខាងក្រោមដើម្បីស្តាប់ ៖

សេចក្តីរាយការណ៍របស់ កែវ ឆាយា ពីទីក្រុងម៉ូស្គូ

18/11/2009

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកប្រធានាធិបតីរុស្ស៊ី (រូបឆ្វេង)ចាប់ដៃលោកប្រធានគណៈកម្មការអឺរុប នៅចំពោះមុខនាយករដ្ឋមន្ត្រីស៊ុយអែត
(រូបថត :Reuters)

ធ្លាក់ទៅលើ២៧ប្រទេសសហភាពអឺរ៉ុប គឺមានដល់ទៅ ៥២,៣% នៃការផ្តោះប្តូរពាណិជ្ជកម្មរបស់រុស្ស៊ី។ រុស្ស៊ីលក់ទៅសហភាពអឺរ៉ុប គឺដល់ទៅ ៦៨,២% នៃថាមពលឥន្ធនៈ ដែលខ្លួននាំចេញទៅក្រៅ ព្រមទាំងលក់ទៅ គឺវត្ថុធាតុគីមី និងកសិផល។ រីឯសហភាពអឺរ៉ុបលក់មកឲ្យរុស្ស៊ី គឺគ្រឿងម៉ាស៊ីនគ្រឿងបរិភោគ គ្រឿងវាយនភណ្ឌ។

រុស្ស៊ីជាប់ចំណាត់ថ្នាក់លេខ ១ ខាងលក់ឧស្ម័ន និងលេខ ២ ខាងលក់ប្រេងកាតទៅឲ្យសហភាពអឺរ៉ុប។ រុស្ស៊ីធានាបាន ៣៣% នៃតម្រូវការសហភាពអឺរ៉ុបខាងប្រេងកាត និង៤៦% នៃតម្រូវការសហភាពនេះខាងឧស្ម័ន ព្រមទាំង២៧% នៃតម្រូវការសហភាពអឺរ៉ុបខាងអ៊ុយរ៉ានីញ៉ូមចម្រើនធាតុ និង១៧% នៃតម្រូវការសហភាពនេះខាងធ្យូងថ្ម។ បើនិយាយតែមុខទំនិញឧស្ម័នសុទ្ធដែលរុស្ស៊ីនាំចេញទៅក្រៅនោះ ៦៧%នៃបរិមាណសរុបនៃការនាំចេញនោះ គឺធ្លាក់ទៅលើសហភាពអឺរ៉ុបតែម្តង។

ទំហំផ្តោះប្តូរពាណិជ្ជកម្មរបស់រុស្ស៊ីជាមួយសហភាពអឺរ៉ុប គឺ១៦ដង ច្រើនជាងដែលរុស្ស៊ីធ្វើជាមួយសហរដ្ឋអាមេរិក។ ខាងពាណិជ្ជកម្មក្រៅប្រទេសរបស់សហភាពអឺរ៉ុប រុស្ស៊ី ជាប់លេខ ៣ គឺបន្ទាប់ពីសហរដ្ឋអាមេរិក និងមហាប្រទេសចិនដីគោក។ ទំហំផ្តោះប្តូរពាណិជ្ជកម្ម របស់រុស្ស៊ីជាមួយសហភាពអឺរ៉ុបក្នុងចន្លោះពីឆ្នាំ ២០០០ ដល់ ២០០៨ បានកើនឡើង ៣ ដង លុះ ទាល់តែក្នុងឆ្នាំមុន វាមានទឹកប្រាក់ដល់ជាង ២៧៨.០០០ លាន អឺរ៉ូ ដែលពីក្នុងនោះ ១០៥.០០០ លានអឺរ៉ូ គឺសហភាពអឺរ៉ុបលក់មកឲ្យរុស្ស៊ី និងជាង ១៧៣.០០០ លានអឺរ៉ូ គឺ រុស្ស៊ីលក់ទៅឲ្យសហភាពអឺរ៉ុប ដែលក្នុងនោះទឹកប្រាក់ភាគច្រើនដល់ទៅជាង ១១៨.០០០ លានអឺរ៉ូ គឺបានមកពីការលក់ឧស្ម័ន និងប្រេងកាត។ បើនិយាយពីទំហំវិនិយោគទុនវិញនោះក្នុងឆ្នាំមុន ទោះបីមានវិបត្តិហិរញ្ញវត្ថុក្តី ក៏ពីខាងសហភាពអឺរ៉ុប មានបោះទុនមកក្នុងសេដ្ឋកិច្ចរុស្ស៊ីដល់ ២១.៦០០ លានអឺរ៉ូ ផ្ទុយពីរុស្ស៊ីដែលបានបង្ខំចិត្តដកទុនខ្លួនចេញពីសហភាពអឺរ៉ុបមកវិញ៕