អ៊ីស្រាអែល

អ៊ីស្រាអែលផ្គើនអាមេរិកដោយចាប់សង់លំនៅដ្ឋាន៩០០រយខ្នងនៅទីក្រុងJérusalem

ដោយ គឹម ឡាផានី

អត្ថបទចុះផ្សាយកាលពីថ្ងៃទី 18/11/2009 កែប្រែលើកចុងក្រោយកាលពីថ្ងៃទី 18/11/2009 13:08 ម៉ោងសកល

កាលពីម្សិលមិញរដ្ឋមន្ត្រីក្រសួងមហាផ្ទៃ អ៊ីស្រាអែលបានអនុញ្ញាតឲ្យសង់លំនៅដ្ឋាន៩០០រយខ្នងជាបន្ថែមទៀតនៅសង្កាត់ប៉ែកខាងកើតនៃទីក្រុងJérusalem។ ព្រឹត្តិការណ៍នេះកើតមានឡើងចំពេលដែលសហគមន៍អន្តរជាតិជាពិសេសអាមេរិកកំពុងដាក់សម្ពាធ អ៊ីស្រាអែលឲ្យបញ្ឈប់រាល់នយោបាយអាណានិគមកិច្ចនៅក្នុងទឹកដី ប៉ាឡេស្ទីន។ដោយមិនបង្អង់ Washington និងអង្គការសហប្រជាជាតិ បានបញ្ចេញប្រតិកម្មសំដែងការស្រឡាំងកាំង និងថ្កោលទោសការសម្រេចចិត្តនេះ។
សូមចុចខាងក្រោមដើម្បីស្តាប់ ៖

បទវិភាគរបស់ គីម ឡាផានី

18/11/2009

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

សង្កាត់ ប៉ែកខាងកើត ទីក្រុងJérusalem
(រូបថត : AFP)

ដោយមកពីសណុំរឿងអាណានិគមកិច្ចហ្នឹងហើយបានជាដំណើរស្វែងរកសន្តិភាពនៅដើមបូព៌ាបានរាំងស្ទះមិនចេះចប់។ ជាពិសេសចំណុចខ្សោយនៃកិច្ចចរចារជាចុងក្រោយរវាងភាគីប៉ាឡេស្ទីន និង អ៊ីស្រាអែលស្ថិតនៅលើការកាត់ចែកទីក្រុង Jérusalem នេះតែម្តង។ ព្រោះទីក្រុង Jérusalemជាប្រភពនៃសាសនា៣ដ៏សំខាន់របស់មនុស្សលោក។ នៅទីក្រុងដ៏ពិសិដ្ឋនេះ ជាទីដែលព្រះយេស៊ូនៃគ្រិស្តសាសនាបានចាប់កំណើត - ព្យាការី Mohamet ក៏បានទទួលសារពីព្រះ Allah ឲ្យបង្កើតសាសនាអ៊ីស្លាមនៅទីក្រុងJérusalem នេះ។ ចំណែកឯ សាសនា ជនជាតិ Juif ហៅថា Judaisma បានកសាងវិហារសាសនាលើកទីមួយនៅទីក្រុង Jerusalem នេះដែរ។ ហេតុដូច្នេះហើយបានជាប៉ាឡេស្ទីន និង អ៊ីស្រាអែលចង់ក្តាប់យកទីក្រុងនេះនៅក្នុងរាល់កិច្ចចរចា។

សង្កាត់ដែលអាជ្ញាធរ អ៊ីស្រាអែលទើបសង់លំនៅដ្ឋានចំនួន៩០០ជាបន្ថែម ស្ថិតនៅប៉ែកខាងកើត នៃទីក្រុងJérusalem ហៅថា GILO។ ក្នុងខណៈនេះសង្កាត់ Gilo មានបណ្តាជនអ៊ីស្រាអែល ប្រហែលជា១៨ម៉ឺននាក់ និងបណ្តាជន ប៉ាឡេស្ទីន២៧ម៉ឺននាក់។ តាមការពិត សង្កាត់ Gilo ជារបស់ បណ្តាជន ប៉ាឡេស្ទីន ដែលអាជ្ញាធរ អ៊ីស្រាអែលចូលកាន់កាប់នឹងក្តាប់យក នាឱកាសសង្គ្រាមកាលពីឆ្នាំ១៩៦៧។ការចូលកាន់កាប់ដែលសហគមន៍អន្តរជាតិមិនទទួលស្គាល់ជាផ្លូវការរហូតមកទល់ពេលនេះទៀត។ ហេតុដូច្នេះហើយបានជាការសង់លំនៅដ្ឋានជាបន្ថែម ដល់ទៅ៩០០ខ្នងទៀតនៅក្នុងសង្កាត់នៃទីក្រុងJérusalem ប៉ែកខាងកើត ត្រូវបានសហគមន៍អន្តរជាតិចាត់ទុកជាការផ្គើនមួយរបស់ អាជ្ញាធរ អ៊ីស្រាអែល។

ជាពិសេសអាមេរិកបានដឹងជាមុននូវគំរោងបន្តនយោបាយអាណានិគមកិច្ចរបស់អាជ្ញាធរ អ៊ីស្រាអែលតាំងពីថ្ងៃចន្ទដើមសប្តាហ៍នេះ។ មួយថ្ងៃបន្ទាប់មក អាមេរិកបានប្រមាននាយករដ្ឋមន្ត្រី Netanyahu ថា គំរោងសង់លំនៅជាបន្ថែមនៅក្នុងសង្កាត់ទីក្រុងJerusalemអាចជាគ្រោះថ្នាក់បង្កឲ្យទំនាក់ទំនងជាមួយភាគីប៉ាឡេស្ទីនកាន់តែដុនដាន និងជំរុញឲ្យដំណើរស្វែងរកសន្តិភាពនៅដើមបូព៌ារាំងស្ទះជាថ្មីម្តងទៀត។ នៅថ្ងៃនេះបន្ទាប់ពីបានដឹងថា អាជ្ញាធរ អ៊ីស្រាអែល បានប្រកាសអនុវត្តគំរោងសាងសង់ដោយមិនរអែង អ្នកនាំពាក្យប្រធានាធិបតី Barack Obama បានបញ្ចេញប្រតិកម្មជាការស្រឡាំងកាំងនិយាយលែងចេញនិងបានតែប្រកាសចោទ អ៊ីស្រាអែលថាជាអ្នកយកជើងរាទឹកឲ្យដល់ការខំប្រឹងប្រែងដើម្បីសន្តិភាព របស់អាមេរិក។

អាជ្ញាធរប៉ាឡេស្ទីន ជាមួយអង្គការសហប្រជាជាតិបានប្រកាសថ្កោលទោសគំរោងសាងសង់នេះដោយខ្លាំងក្លានិងបញ្ជាឲ្យអាជ្ញាធរ អ៊ីស្រាអែលបញ្ឈប់នយោបាយអាណានិគមកិច្ចជាបន្ទាន់។

នៅចំពោះមុខការស្រែកថ្កោលទោសពីគ្រប់ទឹសទីនេះ នាយករដ្ឋមន្ត្រី Netanyahuបានឆ្លើយដោះសាថាសង្កាត់ GILO ស្ថិតនៅក្នុងទីក្រុងJérusalem ដែលគ្រប់គ្រងដោយ អាជ្ញាធរ អ៊ីស្រាអែលតាំងពីឆ្នាំ១៩៦៧។ ចៅហ្វាយក្រុង Jérusalem លោក Nir Barkat បាន ចោទអាមេរិកនិងសហគមន៍អន្តរជាតិថា ជាអ្នកប្រកាន់ពូជសាសន៍។ នៅក្នុងសេចក្តីប្រកាសចុះផ្សាយនៅថ្ងៃនេះអាជ្ញាធរ អ៊ីស្រាអែលបានសន្និដ្ឋានថា "ច្បាប់

អ៊ីស្រាអែល ទាក់ទងទីក្រុង Jérusalem គ្មានការប្រកាន់ ពូជសាសន៍ រវាងបណ្តាជន Juif បណ្តាជនអ៊ីស្លាម ឬ បណ្តាជនគ្រិស្តសាសនាឡើយ។ ការបង្ខាំងមិនឲ្យសង់លំនៅដ្ឋានដោយមកពីមូលហេតុសាសនាចាត់ទុកជារឿងខុសច្បាប់ទោះបីជានៅអាមេរិកនិងនៅគ្រប់ប្រទេសក្នុងពិភពលោកក្តី ”។

ហេតុអ្វីបានជា អ៊ីស្រាអែល ហ៊ានផ្គើនសហគមន៍អន្តរជាតិជាពិសេសអាមេរិកដែលជាប្រទេសបក្សសម្ព័ន្ធដ៏សំខាន់របស់ខ្លួន ?

ចម្លើយ ដែលមិនគួរឲ្យឆ្ងល់ព្រោះប្រវត្តិសង្គ្រាមនៅដើមបូព៌ាបានឲ្យដឹងថា អ៊ីស្រាអែលតែងតែបន្តឹងឥរិយាបថមិនដែលខ្លាចសហគមន៍អន្តរជាតិម្តងណាឡើយ។ កម្លាំង ពុះពារគ្រប់ឧបសគ្គ របស់ អ៊ីស្រាអែល ដោយទីពឹងខ្លួន ឯង ស្ថិតនៅលើការរួបរួមគ្នា និងកម្លាំងស្នេហាជាតិរបស់បណ្តាជនJuif ទាំងនៅក្នុងប្រទេសទាំងនៅក្រៅប្រទេស ដែលគ្មានប្រទេសណាអាចប្រដូចបានឡើយ។ កាលពីមុន អ៊ីស្រាអែលធ្លាប់បានអាមេរិកជាអ្នកជួយការពារ។ ជាមួយរដ្ឋបាល ថ្មីបស់ប្រធានាធិបតី barack Obama ដែលសម្រេចចិត្តឈប់កាន់ជើង អ៊ីស្រាអែល ក៏អ៊ីស្រាអែលនៅតែមិនញញើតទៀត។ នៅចំពោះមុខកត្តាអស់ទាំងនេះគេមានតែសន្និដ្ឋានថាដំណើរស្វែងរកសន្តិភាពនៅដើមបូព៌ាច្បាស់ជានៅរាំងស្ទះជាថ្មី។

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ