អាកាសធាតុ

កិច្ចប្រជុំចុងក្រោយមុនជំនួបកំពូលស្តីពីអាកាសធាតុនៅ Copenhague

ដោយ ប៉ិច សង្វាវ៉ាន

អត្ថបទចុះផ្សាយកាលពីថ្ងៃទី 18/11/2009 កែប្រែលើកចុងក្រោយកាលពីថ្ងៃទី 18/11/2009 13:52 ម៉ោងសកល

កិច្ចប្រជុំស្តីពីអាកាសធាតុនៃបណ្តារដ្ឋមន្ត្រីក្រសួងបរិស្ថាននៃប្រទេសសំខាន់ៗទាំង៤៤ នៅទីក្រុងCopenhague ប្រទេសដាណឺម៉ាកបានបិទបញ្ចប់ កាលពីថ្ងៃអង្គារម្សិលមិញហើយ។ កិច្ចប្រជុំនេះបានប្រព្រឹត្តធ្វើឡើង ដើម្បីត្រៀមរៀបចំជំនួបកំពូលស្តីពីអាកាសធាតុនៅ ទី ក្រុង Copenhague ដែលគ្រោងរៀបចំនៅថ្ងៃ៧ដល់១៨ធ្នូខាងមុខ។ គឺជាកិច្ចប្រជុំបិទជិត ប្រកបដោយការស្ថាបនា ដែលអនុញ្ញាតឲ្យបញ្ចេញឆន្ទៈមោះមុត ដើម្បីទទូលបានលទ្ឋផលល្អៗគ្រប់ផ្នែកវិស័យទាំងអស់ ក៏ប៉ុន្តែ គេកត់សំគាល់ឃើញ មានការដំឡើងសម្លេងដាក់គ្នានិងមានការចែកជាបក្សពួកដែរ។
សូមចុចខាងក្រោមដើម្បីស្តាប់ ៖

សេចក្តីរាយការណ៍របស់ ប៉ិច សង្វាវ៉ាន

18/11/2009

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

បដាទាមទារឲ្យសហរដ្ឋអាមេរិកជួយបន្ថយការបំពុលបរិស្ថាន
(រូបថត : Reuters)

កិច្ចប្រជុំស្តីពីអាកាសធាតុនៃបណ្តារដ្ឋមន្ត្រីនៃប្រទេសសំខាន់ៗទាំង៤៤ នៅទីក្រុងCopenhague កាលពីថ្ងៃអង្គារទី ១៧វិច្ឆិកា មិនមែនជាសន្និសីទ ដើម្បីធ្វើការសម្រេចចិត្តនោះទេ។ ជាកិច្ចប្រជុំមួយដែលតម្រូវឲ្យបណ្តាប្រទេសអ្នកមានសុខចិត្តយល់ព្រមកាត់បន្ថយការបញ្ចេញសាយភាយឧស្ម័នពុល ជាពិសេសប្រទេសចិន និងសហរដ្ឋអាមេរិកនេះតែម្តង ពីព្រោះប្រទេសទាំងពីរនេះ បញ្ចេញឧស្ម័នច្រើនជាងគេបំផុតនៅលើផែនដី។

បណ្តាអ្នកវិទ្យាសាស្ត្រទាំងឡាយមានអនុសាសន៍ផ្តាំឲ្យកម្រិតការកើនឡើងសីតុណ្ហភាពត្រឹមតែ២អង្សារ និងថែមទាំងផ្តាំឲ្យប្រទេសអភិវឌ្ឍនានាកាត់បន្ថយការបញ្ចេញផ្សែងពុលពី២៥% ទៅ៤០% ក្នុងឆ្នាំ២០២០ បើប្រៀបធៀបទៅនឹងឆ្នាំ១៩៩០។

សរអា និងចិនមិនទាន់បានសន្យាប្រាកដប្រជានៅឡើយ។ ម៉្លោះហើយជំនោរមិនជាក់ច្បាស់នេះបានភាយចេញមកក្នុងកិច្ចប្រជុំស្តីពីអាកាសធាតុពិភពលោកនេះ។ នៅក្នុងកិច្ចប្រជុំនេះ គេឮការបន្តឹងសម្លេងដាក់គ្នា និងមានការចែកជាក្រុមប្រទេស ឬ ចែកបក្សពួកស្រេចទៅហើយ។ ម្ខាង គឺប្រទេសបារាំង និងប្រទេសប្រេស៊ីល។ ម្ខាងទៀតគឺមាន សរអានិង បណ្តាប្រទេស forum សហប្រតិបត្តិការអាស៊ីប៉ាស៊ីហ្វិក។

សរអាមិនទាន់បានសន្យាពីការកាត់បន្ថយឧស្ម័នបំពុលបរិយាកាសនៅឡើយ ហើយចង់លើកការសម្រេចចិត្តរបស់ខ្លួនទៅថ្ងៃក្រោយវិញ ប៉ុន្តែសរអា ប្រហែលជាជួយប្រទេសក្រីក្រទាំងប៉ុន្មានដែលទទួលរងផលប៉ះពាល់នៃការឡើងកំដៅអាកាសធាតុ។

ចំណែកឯម្ខាងទៀត លោកប្រធានាធិបតីបារាំង Nicolas Sarkozy និងលោកប្រធានាធិបតីនៃប្រទេសប្រេស៊ីល Luiz Ignacio lula da Silvia បានបង្ហើបឲ្យដឹងអំពីគោលជំហររួមគ្នាក្នុងការចងសម្ព័ន្ធភាពជាមួយអាមេរិកខាងត្បូង អាហ្វ្រិក និងប្រទេសអាស៊ីមួយចំនួនធំ ហើយទុកឲ្យសរអា និងប្រទេសចិននៅដោយឡែកដាច់ពីគេឯង ដោយដាក់ឈ្មោះប្រទេសប្រទេសចិន និងសរអាដែលជាបញ្ចេញឧស្ម័នពុលច្រើនជាងគេហៅថា “G2” បង្ខំឲ្យប្រទេសទាំងពីរនេះសម្របសម្រួលខ្លួនតាមគេឯង៕