កូរ៉េខាងត្បូង-អាមេរិក

លទ្ធផលនៃទស្សនកិច្ចរបស់លោកអូបាម៉ានៅកូរ៉េខាងត្បូង

ដោយ សេង ឌីណា

អត្ថបទចុះផ្សាយកាលពីថ្ងៃទី 19/11/2009 កែប្រែលើកចុងក្រោយកាលពីថ្ងៃទី 19/11/2009 12:46 ម៉ោងសកល

នៅថ្ងៃព្រហស្បតិ៍នេះ លោកអូបាម៉ា បានបញ្ចប់ទស្សនកិច្ចនៅប្រទេសកូរ៉េខាងត្បូង ហើយបានវិលត្រឡប់ទៅកាន់សហរដ្ឋអាមេរិកវិញហើយ។ លោកអូបាម៉ា និងលោក លី ម្យុងបាក់ ប្រធានាធិបតីកូរ៉េខាងត្បូង បានព្រមព្រៀងគ្នាថានឹងសហការគ្នា ដើម្បីជំរុញឲ្យកូរ៉េខាងជើងវិលត្រឡប់មករកតុចរចា ៦ភាគីវិញ។ ការខ្វែងគំនិតគ្នា ជុំវិញកិច្ចព្រមព្រៀងពាណិជ្ជកម្ម ក៏ត្រូវបានប្រមុខដឹកនាំទាំងពីរលើកឡើងយកមកពិភាក្សាគ្នាផងដែរ។
សូមចុចខាងក្រោមដើម្បីស្តាប់ ៖

បទវិភាគរបស់ សេង ឌីណា

19/11/2009

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកអូបាម៉ា និងលោកលី ម្យុងបាក់ ប្រធានាធិបតីកូរ៉េខាងត្បូង ថ្ងៃព្រហស្បតិ៍ ទី១៩ វិច្ឆិកា ២០០៩
(រូបថត៖ Reuters)

លោកអូបាម៉ា និងលោក លី ម្យុងបាក់ បានសន្យាថា ប្រសិនបើកូរ៉េខាងជើងយល់ព្រមបោះបង់ចោលកម្មវិធីនុយក្លេអ៊ែរ អាមេរិក និងកូរ៉េខាងត្បូងនឹងផ្តល់ជំនួយសេដ្ឋកិច្ច ជួយឲ្យកូរ៉េខាងជើងមានភាពរុងរឿង។

ក្នុងពេលជាមួយគ្នា ប្រមុខដឹកនាំទាំងពីរក៏បានព្រមានកូរ៉េខាងជើងផងដែរថា ឲ្យបញ្ឈប់ការបង្ករឿង ដែលនាំឲ្យមានភាពតានតឹងក្នុងតំបន់។ លោកអូបាម៉ា បានបញ្ជាក់ថា លោកនឹងមិនអនុញ្ញាតឲ្យកូរ៉េខាងជើង ទាមទារអ្វីបានស្រេចនឹងចិត្ត តាមរយៈការបង្ករឿង បង្កើតភាពតានតឹងក្នុងតំបន់នោះទេ។ កូរ៉េខាងជើងគួរតែគិតគូរចរចាពីបញ្ហានុយក្លេអ៊ែរវិញ ដែលជាបញ្ហាគន្លឹះនៃវិបត្តិ។ បើសិនជាបញ្ហានុយក្លេអ៊ែរនេះដោះស្រាយរួច កូរ៉េខាងជើងនឹងស្គាល់ភាពរុងរឿង។

ឆ្លៀតក្នុងសន្និសីទកាសែត ក្រោយពីជួបជាមួយប្រធានាធិបតីកូរ៉េខាងត្បូង លោកអូបាម៉ា បានប្រកាសឲ្យដឹងថា លោក Stephen Bosworth ប្រេសិតពិសេសទទួលបន្ទុកកិច្ចការកូរ៉េ នឹងធ្វើដំណើរទៅកូរ៉េខាងជើង នៅថ្ងៃទី៨ ខែធ្នូ ខាងមុខនេះ ដើម្បីចរចាជាមួយកូរ៉េខាងជើង។

គួររំឭកថា កូរ៉េខាងជើងបានទាមទារចរចាទ្វេភាគីជាមួយអាមេរិកជាមុនសិន មុននឹងត្រឡប់មកចរចា ៦ភាគីវិញ។ លោកអូបាម៉ាធ្លាប់បានបញ្ជាក់ម្តងហើយ ម្តងទៀតថា ប្រេសិតពិសេសរបស់លោកនឹងមិនចរចាអំពីបញ្ហានុយក្លេអ៊ែរជាមួយកូរ៉េខាងជើងនោះទេ។ ការចរចាទ្វេភាគីរវាងអាមេរិក និងកូរ៉េខាងជើង គឺគ្រាន់តែ ដើម្បីនាំកូរ៉េខាងជើងឲ្យត្រឡប់មករកតុចរចា ៦ភាគីវិញតែប៉ុណ្ណោះ។

លោកអូបាម៉ា ទៅសួរសុខទុក្ខទាហានអាមេរិក ដែលកំពុងឈរជើងនៅកូរ៉េខាងត្បូង
(រូបថត៖ Reuters)

ក្រៅពីបញ្ហានុយក្លេអ៊ែរកូរ៉េខាងជើង លោកអូបាម៉ា និងលោកលី ម្យុងបាក់ ក៏បានជជែកគ្នាផងដែរ អំពីការខ្វែងគំនិតគ្នាជុំវិញកិច្ចព្រមព្រៀងពាណិជ្ជកម្ម ដែលអាមេរិក និងកូរ៉េខាងត្បូង បានចុះ កាលពីជាងពីរឆ្នាំមុន នៅពេលដែលលោកប៊ូស នៅជាប្រធានាធិបតីអាមេរិក។ រហូតមកទល់ពេលនេះ សភាប្រទេសទាំងពីរ នៅតែមិនទាន់ផ្តល់សច្ចាប័នលើកិច្ចព្រមព្រៀងនេះនៅឡើយ។ សភាអាមេរិកទាមទារឲ្យមានការចរចាឡើងវិញ លើចំណុចខ្លះ។ ក៏ប៉ុន្តែ ភាគីកូរ៉េខាងត្បូងបានបដិសេធ។

នៅព្រឹកមិញនេះ លោកលី ម្យុងបាក់ បានបន្ទន់ជំហរមកវិញបន្តិច ដោយបានលើកឡើងថា លោកនឹងយល់ព្រមចរចាឡើងវិញ លើចំណុចខ្លះៗ តាមការទាមទាររបស់អាមេរិក ក៏ប៉ុន្តែ នឹងមិនចរចាកិច្ចព្រមព្រៀងឡើងវិញទាំងអស់នោះទេ។

ចំណែកលោកអូបាម៉ាវិញ ក៏បានសន្យាដែរថានឹងខិតខំធ្វើយ៉ាងណាជំរុញឲ្យសភាអាមេរិកផ្តល់សច្ចាប័នលើកិច្ចព្រមព្រៀងពាណិជ្ជកម្មអាមេរិក-កូរ៉េខាងត្បូង ឲ្យបានឆាប់។ ក៏ប៉ុន្តែ លោកមិនបានសន្យា កំណត់ពេលវេលាជាក់លាក់នោះទេ។

គួរបញ្ជាក់ថា ក្នុងមួយឆ្នាំៗការដោះដូរទំនិញរវាងអាមេរិក និងកូរ៉េខាងត្បូង មានតម្លៃជាង ៨ម៉ឺនលានដុល្លារអាមេរិក។ ទំនាក់ទំនងពាណិជ្ជកម្មនេះ អាចនឹងកើនឡើងដល់ ១០ម៉ឺនលានដុល្លារ ប្រសិនបើកិច្ចព្រមព្រៀងពាណិជ្ជកម្មត្រូវសភាផ្តល់សច្ចាប័ន ហើយចូលជាធរមាន៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ