អាហ្វហ្កានិស្តង់

លោក ហាមីត កាហ្សៃ ទទួលតំណែងប្រធានាធិបតី អាណត្តិទី២

ដោយ ប៉ិច សង្វាវ៉ាន

អត្ថបទចុះផ្សាយកាលពីថ្ងៃទី 19/11/2009 កែប្រែលើកចុងក្រោយកាលពីថ្ងៃទី 20/11/2009 07:55 ម៉ោងសកល

លោកហាមីតកាហ្សៃ (HamidKarzaï)បានទទួលការតែងតាំងជាប្រធានាធិបតីនៃប្រទេសអាហ្វហ្គានីស្តង់ក្នុងអាណត្តិថ្មីរយៈពេល៥ឆ្នាំទៀត នៅក្រោមក្រសែភ្នែកដ៏យកចិត្តទុកដាក់បំផុតនៃអ្នកនយោបាយបរទេសដែលជាថ្នាក់ដឹកនាំប្រទេសនានា។

សហគមន៍អន្តរជាតិរង់ចាំអ្វីៗច្រើនណាស់ ពីលោក ហាមីត កាហ្សៃ គឺមិនមែនចំាមុខមាត់ដ៏សម្បើម ដែលបានពីការជាប់ឆ្នោតជាថ្មីទេ ប៉ុន្តែគឺចាំមើលលោកបង្ហាញសក្ខីកម្មក្នុងការប្រយុទ្ឋប្រឆាំងនឹងអំពើពុករលួយនិងការប្រយុទ្ឋទប់ទល់នឹងពួកតាលីបង់។ ចំណែកឯប្រជាជនអាហ្វហ្គានីស្តង់វិញសឹងតែបាត់បង់សេចក្តីសង្ឃឹមអស់ទៅហើយ។ ពួកគេគ្មានរង់ចាំអ្វីជាដុំកំភួនទេ។
សូមចុចខាងក្រោមដើម្បីស្តាប់ ៖

សេចក្តីរាយការណ៍របស់ ប៉ិច សង្វាវ៉ាន

19/11/2009

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោក Hamid Karaï ក្នុងពិធីស្បថចូលកាន់តំណែងអាណត្តិទីពីរ ថ្ងៃទី ១៩ វិច្ឆិកា ២០០៩
(រូបថត : Reuters)

ប្រជាជនអាហ្វហ្គានីស្តង់មានការខកចិត្តផង និងភ្ញាក់ខ្លួនផង។ ពីព្រោះប្រជាជនទាំងនេះបានរង់ចាំច្រើនណាស់ តាំងពីរបបតាលីបង់រលំធ្លាក់ កាលពីចុងឆ្នាំ២០០១។ ពួកគេសង្ឃឹមថា ប្រទេសអាហ្វហ្គានីស្តង់ មុខជារីកចំរើនខាងវិស័យសេដ្ឋកិច្ច និងមានការធានាសន្តិសុខគ្រប់គ្រាន់ ប៉ុន្តែ៨ឆ្នាំក្រោយមក ប្រទេសអាហ្វហ្គានីស្តង់នៅតែជាប្រទេសមួយដ៏ក្រីក្របំផុតក្នុងពិភពលោក។ អ្នកគ្មានការងារធ្វើមានចំនួន៥០%នៃចំនួនប្រជាជនទាំងអស់។ ម៉្យាងទៀត លក្ខណៈសន្តិសុខក៏កាន់តែថយចុះដុនដាបទៅៗជាលំដាប់។

មើលទៅ បើសិនជាមានការបោះឆ្នោតជ្រើសរើសប្រធានាធិបតីជុំទី២ដូចបានគ្រោងទុកប្រហែលជាមានប្រជាជនអាហ្វហ្គានីស្តង់តិចណាស់ដែលបានទៅបោះឆ្នោត។ ក្នុងជុំទី១ កាលពីថ្ងៃទី២០សីហាកន្លងទៅ អ្នកដែលបានចូលរួមបោះឆ្នោតមានចំនួនតិចតួចស្តួចស្តើងណាស់ គឺមានមិនដល់៤០%ផង។ ទាំងនេះច្បាស់ជាជាប់ទាក់ទងនឹងបញ្ហាសន្តិសុខ សូម្បីតែនៅក្នុងតំបន់នានាដែលមានសន្តិសុខគ្រប់គ្រាន់ពិតប្រាកដដូចជានៅទីក្រុងកាប៊ូល ក៏ក្នុងចំណោមមនុស្ស២នាក់ មានតែម្នាក់ប៉ុណ្ណោះបានទៅបោះឆ្នោត។

ថ្ងៃនេះ បើមាននរណាសួរថា តើពួកគេពេញចិត្តទេដែលលោក ហាមីត កាហ្សៃ បានជាប់ឆ្នោតជាប្រធានាធិបតីជាថ្មី ប្រជាជនអាហ្វហ្គានីស្តង់ជាច្រើនមុខជាឆ្លើយថា យ៉ាងហោចណាស់ ក៏ប្រធានាធិបតីបច្ចុប្បន្នមានទ្រព្យសម្បត្តិសម្បូណ៌ហូរហៀទៅហើយ នៅទីបំផុត ប្រហែលជាអាចគិតគូរដល់ប្រទេសជាតិម្តង៕

ទាក់ទងនឹងប្រធានបទនេះ