អៀរ៉ង់-នុយក្លេអ៊ែរ

បន្ថែមទណ្ឌកម្មលើអៀរ៉ង់៖ តើអាចធ្វើទៅរួចដែរឬទេ?

ដោយ សេង ឌីណា

អត្ថបទចុះផ្សាយកាលពីថ្ងៃទី 16/02/2010 កែប្រែលើកចុងក្រោយកាលពីថ្ងៃទី 16/02/2010 13:06 ម៉ោងសកល

អស់រយៈពេលប៉ុន្មានសប្តាហ៍មកហើយ ដែលបណ្តាប្រទេសលោកខាងលិច នាំគ្នានិយាយអំពីការដាក់ទណ្ឌកម្មបន្ថែមលើអៀរ៉ង់ ក្រោយពីអៀរ៉ង់បដិសេធមិនព្រមទទួលយកសំណើកិច្ចព្រមព្រៀង ដោះស្រាយបញ្ហានុយក្លេអ៊ែរ។ ប៉ុន្មានថ្ងៃចុងក្រោយនេះ សហរដ្ឋអាមេរិកបានបង្កើនកិច្ចខិតខំប្រឹងបន្ថែមទៀត ដើម្បីជំរុញឲ្យសេចក្តីសម្រេចដាក់ទណ្ឌកម្មនេះ ចេញរួចឆាប់ៗ។ ប៉ុន្តែ ចិន ដែលមានសិទ្ធិវ៉េតូក្នុងក្រុមប្រឹក្សាសន្តិសុខអ.ស.ប. ទាមទារឲ្យបន្តចរចាជាមួយអៀរ៉ង់តទៅទៀត។

សូមចុចខាងក្រោម ដើម្បីស្តាប់៖

បទវិភាគរបស់ សេង ឌីណា

16/02/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកស្រីគ្លីនតុន និងព្រះចៅអាប់ឌុឡា នៃប្រទេសអារ៉ាប៊ី សាអ៊ូឌីត
(រូបថត៖ Reuters)

ប្រទេសលោកខាងលិច តាមរយៈទីភ្នាក់ងារថាមពលបរមាណូអន្តរជាតិ (AIEA) បានដាក់សំណើកិច្ចព្រមព្រៀងមួយ ទៅឲ្យអៀរ៉ង់ ដើម្បីបញ្ចប់វិបត្តិនុយក្លេអ៊ែរ។ យោងតាមសំណើនេះ ប្រទេសរុស្ស៊ី និងបារាំង សុខចិត្តទទួលចម្រើនធាតុ (បន្សុទ្ធ) ធាតុអ៊ុយរ៉ាញ៉ូមឲ្យអៀរ៉ង់យកទៅប្រើ ក្នុងវិស័យស៊ីវិល។ ជាថ្នូរមកវិញ អៀរ៉ង់ត្រូវតែបញ្ឈប់រាល់សកម្មភាពចម្រើនធាតុអ៊ុយរ៉ាញ៉ូមរបស់ខ្លួនទាំងអស់។

អៀរ៉ង់បានច្រានចោលសំណើនេះ ហើយព្រមទាំងបានប្រកាសសាងសង់មជ្ឈមណ្ឌលនុយក្លេអ៊ែរចំនួន ១០បន្ថែមទៀត នៅឆ្នាំ២០១១។

ប្រឈមនឹងឥរិយាបថគឃ្លើនបែបនេះ ប្រទេសលោកខាងលិច ក៏បានសម្រេចថានឹងដាក់ទណ្ឌកម្មលើអៀរ៉ង់បន្ថែមទៀត។ គួររំឭកថា កន្លងមក ក្រុមប្រឹក្សាសន្តិសុខអ.ស.ប. បានដាក់ទណ្ឌកម្មលើអៀរ៉ង់ចំនួន ៣លើករួចមកហើយ ក៏ប៉ុន្តែ ដូចជា គ្មានប្រសិទ្ធិភាពទាល់តែសោះ។

ទណ្ឌកម្មលើកទី៤ នេះ គេចង់សំពងចំចំណុចសំខាន់របស់អៀរ៉ង់ គឺប្រេង។ គួរបញ្ជាក់ថា អៀរ៉ង់ ថ្វីដ្បិតតែជាប្រទេសសម្បូរប្រេងឆៅ ក៏ប៉ុន្តែ មិនមានសមត្ថភាព ក្នុងការចម្រាញ់ប្រេង ដើម្បីប្រើប្រាស់គ្រប់គ្រាន់ នៅក្នុងប្រទេសនោះទេ។ ផលិតផលប្រេង ប្រមាណជាជិតពាក់កណ្តាល បានមកពីការនាំចូលពីបរទេស។ ហេតុដូច្នេះហើយបានជាសហរដ្ឋអាមេរិ និងសម្ព័ន្ធមិត្តចង់ហាមឃាត់ការនាំផលិតផលប្រេង ចូលទៅក្នុងប្រទេសអៀរ៉ង់។

ក៏ប៉ុន្តែ ក្រុមប្រឹក្សាសន្តិសុខទំនងជាមិនអាចអនុម័តទណ្ឌកម្មនេះបានទេ ពីព្រោះថា ចិន ដែលមានសិទ្ធិវ៉េតូ ជំទាស់នឹងការដាក់ទណ្ឌកម្មនេះ។

អៀរ៉ង់បានប្រកាសថានឹងសាងសង់មជ្ឈមណ្ឌលនុយក្លេអ៊ែរ ១០កន្លែងទៀត នៅឆ្នាំ២០១១

ការដែលចិនជំទាស់បែបនេះ ប្រហែលជាមានមូលហេតុពីរ៖

ទី១ ចិនចង់ឆ្លៀតយកសំណុំរឿងនុយក្លេអ៊ែរអៀរ៉ង់នេះ បង្ហាញអាមេរិកថា ចិនក៏ជាអ្នកកាន់កូនសោរ នៅក្នុងសំណុំរឿងអន្តរជាតិធំៗដែរ។ នៅក្នុងសំណុំរឿង ដូចជា អៀរ៉ង់នេះ អាមេរិកត្រូវការចិនជាចាំបាច់។ ដូច្នេះ បើអាមេរិកចង់ឲ្យចិនជួយសម្រួលក្នុងសំណុំរឿងនេះ អាមេរិកត្រូវតែបន្ទន់ជំហររបស់ខ្លួនដែរ ក្នុងសំណុំរឿងផ្សេងទៀត ដូចជា រឿងទីបេ រឿងសិទ្ធិមនុស្ស ។ល។

ទី២ ចិនមានកិច្ចការរកស៊ីច្រើនជាមួយអៀរ៉ង់។ អៀរ៉ង់ គឺជាអ្នកផ្គត់ផ្គង់ប្រេងដ៏ធំរបស់ចិន។ ចិនក៏មានទុនវិនិយោគច្រើន នៅអៀរ៉ង់ដែរ។ ប្រសិនបើក្រុមប្រឹក្សាសន្តិសុខអ.ស.ប. ដាក់ទណ្ឌកម្មលើអៀរ៉ង់ ចិននឹងត្រូវបាត់បង់ចំណូលយ៉ាងច្រើនពីវិនិយោគទុននៅអៀរ៉ង់ ហើយអៀរ៉ង់ក៏នឹងឈប់លក់ប្រេងទៅឲ្យចិនដែរ។

លោកស្រីគ្លីនតុន រដ្ឋមន្រ្តីការបរទេសអាមេរិក ដែលពេលនេះ កំពុងធ្វើទស្សនកិច្ច នៅប្រទេសអារ៉ាប៊ី សាអ៊ូឌីត បានស្នើសុំឲ្យអារ៉ាប៊ី សាអ៊ូឌីត ជួយនិយាយជាមួយចិន ធានាផ្គត់ផ្គង់ប្រេងឲ្យចិន ប្រសិនបើអៀរ៉ង់ឈប់លក់ប្រេងឲ្យ។ ធ្វើបែបនេះ ដើម្បីឲ្យចិនឈប់ប្រឆាំងនឹងការដាក់ទណ្ឌកម្មលើអៀរ៉ង់។ ក៏ប៉ុន្តែ នៅព្រឹកថ្ងៃអង្គារនេះ រដ្ឋមន្រ្តីការបរទេសអារ៉ាប៊ី សាអ៊ូឌីត បានថ្លែងថា ចិន គឺជាប្រទេស ដែលមានការទទួលខុសត្រូវ មិនចាំបាច់អារ៉ាប៊ី សាអ៊ូឌីត ទៅផ្តល់យោបល់ថា ត្រូវយ៉ាងម៉េច នៅក្នុងសំណុំរឿងនុយក្លេអ៊ែរអៀរ៉ង់នោះទេ។

ប្រសិនបើមិនមានចិនគាំទ្រទេ ការដាក់ទណ្ឌកម្មលើអៀរ៉ង់នឹងមិនអាចធ្វើទៅបានទេ លើកលើងតែធ្វើក្រៅក្របខ័ណ្ឌក្រុមប្រឹក្សាសន្តិសុខអ.ស.ប.។ ក៏ប៉ុន្តែ បើធ្វើក្រៅក្របខ័ណ្ឌក្រុមប្រឹក្សាសន្តិសុខ ហើយគ្មានការចូលរួមពីចិន ទណ្ឌកម្មនេះក៏នឹងមិនមានប្រសិទ្ធិភាពដែរ ពីព្រោះ ចិនជាប្រទេសដែលមានទំនាក់ទំនងពាណិជ្ជកម្មច្រើន ជាមួយអៀរ៉ង់៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ