សហរដ្ឋអាមេរិក-ឧបទ្វីបអាមេរិកឡាទីន

ទស្សនកិច្ចរបស់លោកស្រីHillary Clinton នៅអាមេរិកឡាទី

ដោយ សៀក សារិន

អត្ថបទចុះផ្សាយកាលពីថ្ងៃទី 02/03/2010 កែប្រែលើកចុងក្រោយកាលពីថ្ងៃទី 02/03/2010 15:23 ម៉ោងសកល

ទស្សនកិច្ចរបស់លោកស្រីHillary Clinton នៅអាមេរិកឡាទីនលើកនេះ ជាទស្សនកិច្ចមួយពោរពេញទៅដោយការលំបាកច្រើន ជាពិសេសដំណាក់ទស្សនកិច្ចនៅប្រទេស Brésilដែលទីក្រុងវ៉ាស៊ីនតោននិងទីក្រុងBrasiliaពុំចុះសម្រុងនឹងគ្នាពាក់ព័ន្ធបញ្ហានុយក្លេអ៊ែរអៀរ៉ង់។

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកស្រីរដ្ឋមន្ត្រីក្រសួងការបរទេសអាមេរិកHillary Clinton
(រូបថត : Hyungwon Kan/Reuters)

ទស្សនកិច្ចរបស់លោកស្រីHillary Clinton នៅអាមេរិកឡាទីនលើកនេះ ជួបនឹងការលំបាកច្រើន ដោយហេតុថាលោកស្រីរដ្ឋមន្ត្រីក្រសួងការបរទេសអាមេរិកត្រូវចេះថ្លែងនិយាយបញ្ចុះបញ្ជូលនិងពន្យល់ប្រទេសអាមេរិកឡាទីនដែលមានការខកចិត្តច្រើននឹងនយោបាយការបរទេសរបស់សហរដ្ឋអាមេរិកនៅឧបទ្វីបអាមេរិកឡាទីន ដែលទាំងនេះបានបណ្តាលឲ្យកើតមានភាពតានតឹងរវាងសហរដ្ឋអាមេរិកនិងប្រទេសអាមេរិកឡាទីន។

លោកស្រីHillary Clintonចាប់ធ្វើទស្សនកិច្ចកាលពីម្សិលមិញនៅតំបន់ឧបទ្វីបអាមេរិកឡាទីន។ ដំណាក់ទស្សនកិច្ចដែលលំបាកជាងគេគឺនៅប្រទេសBrésil ពីព្រោះថាគឺនៅទីនោះហើយដែលលោកស្រីHillary Clintonត្រូវចេះនិយាយបញ្ចុះបញ្ចូលឲ្យទីក្រុងBrasiliaគាំទ្រគោលជំហរនយោបាយរបស់សហរដ្ឋអាមេរិក។ សូមគូសបញ្ជាក់ថា ជិតមួយឆ្នាំហើយដែលលោកប្រធានាធិបតីអាមេរិកបារ៉ាក់អូបាម៉ាបានមានជំនួបជាមួយប្រទេសអាមេរិកឡាទីននៅជំនួបកំពូលតំបន់អាមេរិកនៅTrinité-et-Tobago។ ក៏ប៉ុន្តែចាប់ពីពេលនោះមក ប្រទេសអាមេរិកឡាទីនមានស្មារតីយល់ឃើញថា សហរដ្ឋអាមេរិកពុំសូវឲ្យតម្លៃមកលើពួកខ្លួនឡើយ។ នយោបាយការបរទេសអាមេរិកាំងច្រើនឲ្យសារៈសំខាន់ទៅលើបញ្ហាអាហ្វហ្កានិស្តង់និងអៀរ៉ង់ច្រើនជាងបញ្ហាអាមេរិកឡាទីនដែលជាប្រទេសជិតខាងរបស់សហរដ្ឋអាមេរិក។

ហេតុដូច្នេះហើយបានជាប្រទេសអាមេរិកឡាទីនមួយចំនួនចាប់មានទំនាក់ទំនងសេដ្ឋកិច្ចនិងនយោបាយជាមួយប្រទេសអឺរ៉ុប ជាពិសេសជាមួយទីក្រុងម៉ូស្គូនិងជាមួយទីក្រុងតេហេរ៉ង់។ មិនតែប៉ុណ្ណោះ បន្ទាត់នយោបាយថាមពល-សេដ្ឋកិច្ច(Axe Energético-Economique )មួយដ៏ពិតប្រាកដបានឃើញមានរូបរាងបន្តិចម្តងៗពោលគឺ បន្ទាត់នយោបាយថាមពល-សេដ្ឋកិច្ចRussie-Iran-Venezuela ដែលសុទ្ធជាប្រទេសប្រឆាំងនឹងសហរដ្ឋអាមេរិកខ្លាំងជាងគេ។

គួរកត់សម្គាល់ថា នាឱកាសទស្សនកិច្ចចំនួនប្រាំថ្ងៃរបស់លោកស្រីHillary Clinton នៅអាមេរិកឡាទីនដែលចាប់ធ្វើពីប្រទេសUruguay Argentine Chili Brésil CostaRica និងប្រទេសGuatemala លោកស្រីរដ្ឋមន្ត្រីក្រសួងការបរទេសអាមេរិក Hillary Clintonត្រូវចេះសម្ដែងឲ្យឃើញនូវសាមគ្គីភាពរបស់សហរដ្ឋអាមេរិកជាមួយប្រទេសអាមេរិកឡាទីន ជាពិសេសនៅខណៈដែលប្រទេសChili ដែលជាប្រទេសជិតខាងកំពុងតែទទួលរងគ្រោះជាទម្ងន់ដោយគ្រោះមហន្តរាយរញ្ជួយផែនដី។

ដំណាក់ទស្សនកិច្ចដែលមានការលំបាកជាងគេសម្រាប់លោកស្រីHillary Clinton គឺដំណាក់ទស្សនកិច្ចនៅប្រទេសBrésil និងនៅប្រទេសArgentine។ ដោយហេតុថា ភាពតានតឹងនៅតែកើតមានរវាងទីក្រុងវ៉ាស៊ីនតោននិងទីក្រុងBuenos Aires។ លោកស្រីប្រធានាធិបតីArgentine Cristina Kirchnerដែលកំពុងតែត្រូវប្រឈមមុខទល់នឹងវិបត្តិសេដ្ឋកិច្ចនិងហិរញ្ញវត្ថុដ៏សែនធ្ងន់ធ្ងរនៅArgentine ក៏នៅតែប្រើពាក្យសំដីយ៉ាងខ្លាំងៗប្រឆាំងនឹងសហរដ្ឋអាមេរិក។ ហើយលោកស្រីCristina Kirchnerមានទំនាក់ទំនងយ៉ាងស្និទ្ធផងទៀតជាមួយប្រមុខដឹកនាំនៃប្រទេសVénézuéla លោកHugo Chavezដែលពុំចូលចិត្តសហរដ្ឋអាមេរិក។ ក៏ប៉ុន្តែលោកស្រី Hillary Clintonបានសរសើរគោលជំហររបស់លោកស្រីCristina Kirchnerក្នុងបញ្ហានុយក្លេអ៊ែរអៀរ៉ង់ដែលទាំងនេះខុសផ្ទុយទាំងស្រុងពីឥរិយាបថរបស់ប្រធានាធិបតីBrésil លោកLula ដែលមានទំនាក់ទំនងយ៉ាងល្អជាមួយលោកប្រធានាធិបតីអៀរ៉ង់Ahmadinejadដែលកំពុងតែធ្វើផ្គើនសហរដ្ឋអាមេរិកនិងសហគមន៍អន្តរជាតិពាក់ព័ន្ធនឹងបញ្ហានុយក្លេអ៊ែរ។

នាឱកាសទស្សនកិច្ចរបស់លោកស្រី Hillary Clintonនៅទីក្រុងBrasilia លោកស្រីរដ្ឋមន្ត្រីក្រសួងការបរទេសអាមេរិកត្រូវខិតខំនិយាយពន្យល់ឲ្យភាគី Brésilយល់ព្រមតាមសហរដ្ឋអាមេរិកក្នុងការដាក់សម្ពាធឲ្យទីក្រុងតេហេរ៉ង់បញ្ឈប់កម្មវិធីផលិតអាវុធនុយក្លេអ៊ែររបស់ខ្លួន។ ដោយហេតុថាបច្ចុប្បន្ននេះប្រទេសBrésilជាសមាជិកនៃក្រុមប្រឹក្សាសន្តិសុខនៃអង្គការសហប្រជាជាតិសម្រាប់រយៈកាលពីរឆ្នាំ។ ហើយសហរដ្ឋអាមេរិកត្រូវការសំឡេងគាំទ្ររបស់ប្រទេស Brésilដើម្បីអាចដាក់ទណ្ឌកម្មទៅលើប្រទេសអៀរ៉ង់ពាក់ព័ន្ធនឹងកម្មវិធីផលិតអាវុធនុយក្លេអ៊ែរ៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា