ប្រទេសក្រិក-សេដ្ឋកិច្ច-ហិរញ្ញវត្ថុ

ផែនការត្បិតត្បៀតនិងភាពតានតឹងនៅប្រទេសក្រិក

ដោយ សៀក សារិន

អត្ថបទចុះផ្សាយកាលពីថ្ងៃទី 06/03/2010 កែប្រែលើកចុងក្រោយកាលពីថ្ងៃទី 06/03/2010 13:59 ម៉ោងសកល

ប្រជាជនក្រិករាប់ម៉ឺននាក់បាននាំគ្នាចុះថ្នល់កាលពីថ្ងៃសុក្រទី៥មីនាដើម្បីសម្ដែងការប្រឆាំងនឹងវិធានការត្បិតត្បៀតរបស់រដ្ឋាភិបាល នៅខណៈដែលសភាកំពុងបោះឆ្នោតគាំទ្រវិធានការថ្មីរបស់រដ្ឋាភិបាលក្រិក។

សូមចុចខាងក្រោមដើម្បីស្ដាប់៖

បទអន្តរាគមន៍របស់ សៀក សារិន

06/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកGeorges Papandréou នាយករដ្ឋមន្ត្រីនៃប្រទេសក្រិក
(រូបថត : AFP)

ប្រជាជនក្រិកនាំគ្នាធ្វើបាតុកម្មប្រឆាំងនឹងវិធានការត្បិតត្បៀតថ្មីរបស់រដ្ឋាភិបាលបែបនេះ មកពីគេយល់ឃើញថា ពួកគេជាប្រជាពលករក្រីក្រខិតខំធ្វើការយ៉ាងសែនវេទនា ទទួលបានប្រាក់បៀវត្សរ៍តិចតួចសម្រាប់ចិញ្ចឹមគ្រួសារ។ វិបត្តិហិរញ្ញវត្ថុដែលកំពុងកើតមាននៅប្រទេសក្រិកបច្ចុប្បន្ននេះគឺបណ្តាលមកពីមានទង្វើពុករលួយរបស់អ្នកដឹកនាំប្រទេស។ ដូច្នេះមានមូលហេតុអ្វីត្រូវឲ្យពួកគេមករងទទួលការបង់ខាតបែបនេះដោយវិធានការត្បិតត្បៀតថ្មីរបស់រដ្ឋាភិបាលដែលបង្ខំឲ្យពូកគេទទួលបង់ពន្ធបន្ថែមលើប្រេងឥន្ធនៈ ទទួលការដំឡើងពន្ធលើតម្លៃបន្ថែមTVA ទទួលការកាត់បន្ថយប្រាក់ខែ។ វិធានការទាំងអម្បាលមាណនេះហើយដែលប្រជាពលករក្រិកយល់ឃើញថា ជាវិធានការអយុត្តិធម៌។ ដូច្នេះ អ្នកដែលត្រូវទទួលការខាតបង់នៅពេលនេះគឺអ្នកដឺកនាំក្រិក ពុំមែនប្រជាជនក្រិកក្រីក្រដែលរស់ទាំងត្រដរទាំងប្រផិតប្រផើយនោះឡើយ។ គួរកត់សម្គាល់ថា បាតុកម្មនៅប្រទេសក្រិកកាលពីម្សិលមិញបានបណ្តាលឲ្យមានការប្រយុទ្ធតទល់គ្នាជាច្រើនកន្លែងរវាងបាតុករនិងនគរបាលក្រិក។ ហើយកូដកម្មជាតិមួយនឹងត្រូវកើតមាននៅថ្ងៃព្រហស្បតិ៍សប្តាហ៍ក្រោយ។

លោកស្រីនាយករដ្ឋមន្ត្រីអាល្លឺម៉ង់Angela Merkelបានទទួលជួបពិភាក្សាកាលពីថ្ងៃសុក្រទី៥មីនាជាមួយលោកនាយករដ្ឋមន្ត្រីក្រិកGeorges Papandréou នៅទីក្រុងប៊ែរឡាំង។ ជាផ្លូវការ ជំនួបនេះធ្វើឡើងដើម្បីជំរាបឲ្យអ្នកដឹកនាំអាល្លឺម៉ង់ជ្រាបដឹងពី”ផែនការត្បិតត្បៀត”របស់ទីក្រុងAthènesដែលចង់បានការគាំទ្រនយោបាយពីសំណាក់ប្រទេសអាល្លឺម៉ង់ សហភាពអឺរ៉ុប និងពីសហគមន៍អន្តរជាតិ។ ដូចការប្រកាសរបស់លោកនាយករដ្ឋមន្ត្រីក្រិកGeorges Papandréouមុននឹងអញ្ជើញដល់ទីក្រុងប៊ែរឡាំងថា លោកអញ្ជើញមកប្រទេសអាល្លឺម៉ង់នេះ គឺចង់បានការគាំទ្រនយោបាយ ពុំមែនចង់បានប្រាក់ជំនួយឡើយ។ ឆ្លៀតឱកាសនោះ លោករដ្ឋមន្ត្រីក្រសួងសេដ្ឋកិច្ចអាល្លឺម៉ង់ក៏ប្រកាសភ្លាមភ្លែតវាយសំពងថា “លោកនាយករដ្ឋមន្ត្រីក្រិកGeorges Papandréouថ្លែងថាលោកពុំចង់បានប្រាក់ជំនួយឡើយ។ ដូច្នេះរដ្ឋាភិបាលអាល្លឺម៉ង់ក៏ពុំត្រូវឲ្យមួយកាក់មួយសេនសោះឡើយទៅរដ្ឋាភិបាលក្រិក។

អ្នកដឹកនាំអាល្លឺម៉ង់ភាគច្រើន ហើយប្រជាជនអាល្លឺម៉ង់មានដល់ទៅ៨០%ប្រឆាំងជំទាស់ពុំឲ្យផ្តល់ជំនួយឲ្យរដ្ឋាភិបាលនៃប្រទេសក្រិក។ ដោយគេយល់ថា ស្ថានភាពហិរញ្ញវត្ថុក្រិកដែលធ្លាក់ដល់ស្ថានបាតាលបែបនេះគឺបណ្តាលមកពីទង្វើពុករលួយ ទង្វើភូតភរក្លែងបន្លំសព្វបែបយ៉ាងរបស់អ្នកដឹកនាំក្រិក ជាពិសេសពាក់ព័ន្ធនឹងបញ្ជីគណនេយ្យ។

ជាសរុប អ្នកដឹកនាំអឺរ៉ុបបានសម្ដែងឲ្យដឹងពីការទុកចិត្តរបស់គេទៅលើវិធានការត្បិតត្បៀតរបស់រដ្ឋាភិបាលក្រិក ហើយគេសង្ឃឹមថា វិធានការត្បិតត្បៀតនេះនឹងអាចជួយអូសទាញប្រទេសក្រិកឲ្យចេញផុតពីវិបត្តិហិរញ្ញវត្ថុដ៏សែនវេទនានេះ។

លោកនាយករដ្ឋមន្ត្រីក្រិកGeorges Papandréouបានទទួលការគាំទ្រនយោបាយ ក៏ប៉ុន្តែគ្មានទទួលបានការសន្យាឬជំនួយហិរញ្ញវត្ថុអ្វីឡើយ ក្រោយពីមានជំនួបជាមួយលោកប្រធានEurogroupeJean-Claude Junckerនៅទីក្រុងLuxembourg និង លោកស្រីនាយករដ្ឋមន្ត្រីអាល្លឺម៉ង់Angela Merkelនៅទីក្រុងប៊ែរឡាំង៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ