អាមេរិក-ដើមបូព៌ា

ទស្សនកិច្ចរបស់លោក Joe Biden នៅអ៊ីស្រាអែល និងនៅដែនដីប៉ាលេស្ទីន

ដោយ សៀក សារិន

អត្ថបទចុះផ្សាយកាលពីថ្ងៃទី 09/03/2010 កែប្រែលើកចុងក្រោយកាលពីថ្ងៃទី 09/03/2010 14:20 ម៉ោងសកល

លោកអនុប្រធានាធិបតីអាមេរិកJoe Biden អញ្ជើញទៅដើមបូព៌ា។ ការផ្តើមធ្វើទស្សនកិច្ចនេះធ្លាក់ចំពេលដែលទីក្រុងវ៉ាស៊ីនតោនបានប្រកាសឲ្យដឹងពីការរៀបចំឲ្យមានកិច្ចចរចាមិនចំពោះរវាងអ៊ីស្រាអែលនិងប៉ាលេស្ទីន។

សូមចុចខាងក្រោមដើម្បីស្ដាប់៖

បទអន្តរាគមន៍របស់សៀក សារិន

09/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកអនុប្រធានាធិបតីអាមេរិកJoe Biden
( រូបថត៖ Reuters )

នៅខណៈដែលលោកអនុប្រធានាធិបតីអាមេរិកJoe Bidenអញ្ជើញដល់ដើមបូព៌ា បេសកជនពិសេសអាមេរិកាំងលោកGeorge Mitchell ឯណោះក៏បានវិលត្រឡប់មកទីក្រុងវ៉ាស៊ីតោនវិញ ដើម្បីធ្វើរបាយការណ៍ជំរាបលោកស្រីរដ្ឋមន្ត្រីក្រសួងការបរទេសHillary Clinton មុននឹងអញ្ជើញទៅដើមបូព៌ាទៀតនៅសប្តាហ៍ក្រោយ។ លោកGeorge Mitchell បានបញ្ជាក់ឲ្យដឹងពីកិច្ចព្រមេព្រៀងជាគោលការណ៍ដែលទទួលបានពីភាគីអ៊ីស្រាអែលនិងភាគីប៉ាលេស្ទីនក្នុងការរៀបចំឲ្យមានកិច្ចចរចាមិនចំពោះ ដោយសហរដ្ឋអាមេរិកសង្ឃឹមថាទាំងនេះនឹងជួយបើកច្រករកផ្លូវសម្រាប់ពេលអនាគត។ នៅពេលអនាគតដែលទីក្រុងវ៉ាស៊ីនតោនចង់ឲ្យមាននូវកិច្ចចរចាមួយដោយផ្ទាល់រវាងរាល់ភាគីពាក់ព័ន្ធ។

សូមគូសបញ្ជាក់ថា កាលពីប៉ុន្មានសប្តាហ៍មុន លោកប្រធានាធិបតីអាមេរិកបារ៉ាក់អូបាម៉ាធ្លាប់បានបញ្ជូនលោកស្រីរដ្ឋមន្ត្រីក្រសួងការបរទេសHillary Clinton ទៅដើមបូព៌ារួចម្តងហើយដើម្បីរិះរកដំណោះស្រាយឲ្យវិបត្តិអ៊ីស្រាអែល-ប៉ាលេស្ទីន។ លើកនេះ លោកអូបាម៉ាបានបញ្ជូនលោកអនុប្រធានាធិបតីអាមេរិកJoe Biden ដោយទីក្រុងវ៉ាស៊ីនតោនចង់សង្កត់បញ្ជាក់ឲ្យឃើញពីសារៈសំខាន់ដែលសហរដ្ឋអាមេរិកឲ្យទៅលើសំណុំរឿងនេះ។ ហើយនៅទីបញ្ចប់គឺ លោកប្រធានាធិបតីអាមេរិកបារ៉ាក់អូបាម៉ាខ្លួនឯងផ្ទាល់តែម្តងដែលត្រូវអញ្ជើញទៅដើមបូព៌ា។ ក៏ប៉ុន្តែ បើមើលទៅស្ថានការណ៍បច្ចុប្បន្ន គេហាក់ដូចជាគ្មានសង្ឃឹមឡើយថា លោកអូបាម៉ាអាចនឹងអញ្ជើញទៅតំបន់ដើមបូព៌ានៅពេលអនាគតឆាប់ៗខាងមុខនេះ។

បើយោងតាមរបាយការណ៍ផ្ទៃក្នុងនៃក្រសួងការបរទេសអ៊ីស្រាអែលនៅពេលថ្មីៗនេះបានបង្ហាញឲ្យដឹងថា អ៊ីស្រាអែលនៅពុំទាន់មានជំនឿពិតប្រាកដនៅឡើយទៅលើសហរដ្ឋអាមេរិកក្នុងការជំរុញអភិក្រមសន្តិភាពអ៊ីស្រាអែល-ប៉ាលេស្ទីន។ សម្រាប់រដ្ឋអំណាចអ៊ីស្រាអែល លោកប្រធានាធិបតីអាមេរិកបារ៉ាក់អូបាម៉ាមានកង្វល់ខ្វល់ខ្វាយពីនយោបាយផ្ទៃក្នុងអាមេរិកាំងច្រើនជាងបញ្ហាដើមបូព៌ា ហើយទាំងនេះអ៊ីស្រាអែលពុំនិយាយពីគោលជំហររបស់សហរដ្ឋអាមេរិកដែលខិតចូលជិតប៉ាលេស្ទីនកាន់តែខ្លាំងឡើងៗ។ ដូច្នេះបានសេចក្តីថា ទស្សនៈរបស់អ៊ីស្រាអែល និងអាមេរិកាំងពាក់ព័ន្ធនឹងបញ្ហាដើមបូព៌ាមានគម្លាតឃ្លាតពីគ្នាកាន់តែឆ្ងាយទៅៗ។ ហើយការចាប់មានកិច្ចចរចានឹងគ្នាឡើងវិញរវាងអ៊ីស្រាអែលនិងប៉ាលេស្ទីនទោះបីជាមិនចំពោះក៏ដោយ ក៏អាចធ្វើឲ្យរដ្ឋាភិបាលចម្រុះអ៊ីស្រាអែលរបស់លោកនាយករដ្ឋមន្ត្រីBenyamin Netanyahu ស្គាល់ការបែកបាក់ប្រេះឆាជាពុំខាន។

ចំណែកឯពួកប៉ាលេស្ទីនវិញ គេបានឲ្យសញ្ញាភ្លើងខៀវទៅលោកMahmoud Abbas ឲ្យធ្វើកិច្ចចរចាមិនចំពោះផ្ទាល់ជាមួយអ៊ីស្រាអែលតាមសំណើរបស់ទីក្រុងវ៉ាស៊ីនតោន។ សេចក្តីសម្រេចចិត្តនេះនឹងអនុញ្ញាតឲ្យចាប់មានឡើងវិញនូវអភិក្រមសន្តិភាពដែលបានផ្អាកឈប់អស់រយៈ១៤ខែ។

គួរកត់សម្គាល់ថា ចាប់តាំងពីមានសង្គ្រាមនៅតំបន់Gaza នៅខែធ្នូឆ្នាំ២០០៨មក ពួកប៉ាលេស្ទីនបានបដិសេធពុំព្រមមានកិច្ចចរចាជាមួយអ៊ីស្រាអែលឡើយ។ ហើយទោះបីជាបច្ចុប្បន្ននេះ ប៉ាលេស្ទីនបានឆ្លើយយល់ព្រមចរចាជាមួយអ៊ីស្រាអែល ក៏ឆ្លើយយល់ព្រមទាំងទើសទាំងទាល់ដែរ។ លោកប្រធានរដ្ឋអំណាចប៉ាលេស្ទីនបានដាក់តំណត់រយៈកាល៤ខែសម្រាប់វិនិច្ឆ័យទៅលើភាពស្មោះត្រង់នៃកិច្ចចរចានេះ។ ហើយលោក Mahmoud Abbas ក៏គ្មានជំនួបឡើយជាមួយលោកនាយករដ្ឋមន្ត្រី Benyamin Netanyahu។ កិច្ចចរចាដោយមិនចំពោះផ្ទាល់នេះ ប្រព្រឹត្តទៅតាមរយៈបេសកជនពិសេសអាមេរិកលោកGeorge Mitchellដែលធ្វើដំណើរទៅមករវាងទីក្រុងJérusalemនិងRamallah។

សូមគូសបញ្ជាក់ថា មានក្រុមប៉ាលេស្ទីនHamas ជាច្រើនបានបរិហាពីកិច្ចចរចានេះ។ ហើយលោកMahmoud Abbasផងទៀតក៏ត្រូវខិតខំពន្យល់បញ្ចុះបញ្ចូលពួកប៉ាលេស្ទីនFatah ខ្លះដែលនៅរួញរាឲ្យយល់ព្រមតាមជំហររបស់ខ្លួន។ រីឯសំណុំរឿងទីមួយដែលត្រូវលើកយកមកដោះស្រាយគឺបញ្ហាព្រំដែនរវាងអ៊ីស្រាអែលនិងអនាគតរដ្ឋប៉ាលេស្ទីន។

ចំណែកឯ លោកនាយករដ្ឋមន្ត្រីអ៊ីស្រាអែល Benyamin Netanyahuវិញ បានថ្លែងឲ្យដឹងរួចជាស្រេចថា គេពុំបោះបង់ចោលឡើយព្រំដែនជាមួយប្រទេសJordanie។ លោកប្រធានរដ្ឋអំណាចប៉ាលេស្ទីនវិញបានប្រកាសប្រាប់ថា កិច្ចព្រព្រៀងអ្វីៗក៏សម្រេចពុំបានឡើយ បើគ្មានទីក្រុងJérusalem ប៉ែកខាងកើតសម្រាប់ប៉ាលេស្ទីនទេនោះ៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា