អាស៊ាន ព្រំដែនកម្ពុជា-ថៃ

អគ្គលេខាធិការអាស៊ានឆ្លើយបំភ្លឺនាយករដ្ឋមន្ត្រីខ្មែរ

ដោយ លាង ដឺលុច

អត្ថបទចុះផ្សាយកាលពីថ្ងៃទី 10/03/2010 កែប្រែលើកចុងក្រោយកាលពីថ្ងៃទី 10/03/2010 12:40 ម៉ោងសកល

ក្រោយពីមានប្រតិកម្មរបស់លោកនាយករដ្ឋមន្ត្រីខ្មែរហ៊ុន សែន និងរដ្ឋមន្ត្រីការបរទេសលោកហោ ណាំហុង អគ្គលេខាធិការអាស៊ាន លោកសូរិន ពិតសូវ៉ានបានធ្វើលិខិតឆ្លើយបំភ្លឺប្រាប់ថ្នាក់ដឹកនាំកម្ពុជាថា លោកត្រូវបានកាសែតដកស្រង់សម្តីខុស។

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកសូរិន ពិតសូវ៉ាន អគ្គលេខាធិការអាស៊ាន
(រូបថត៖reuters)

កាលពីសប្តាហ៍មុន អគ្គលេខាធិការអាស៊ានត្រូវបានទីភ្នាក់ងារព័ត៌មានប៊ែរណាម៉ា Bernamaដកស្រង់សម្តីថា ការធ្វើសមយុទ្ធយោធារបស់កម្ពុជា គឺជាការបង្ហាញសញ្ញាអាក្រក់ទៅកាន់ពិភពលោកថា តំបន់អាស៊ានមិនមានស្ថេរភាព។

នៅក្នុងលិខិតឆ្លើយបំភ្លឺនាយករដ្ឋមន្ត្រី និងប្រមុខការទូតខ្មែរ លោកសូរិន ពិតសូវ៉ានបានសរសេរថា ខ្ញុំសូមធានាអះអាងជូនសម្តេចថា គ្រប់ពេលទាំងអស់ ខ្ញុំតែងតែមានចេតនាលើកស្ទួយ និងគោរពនូវបទដ្ឋាននៃភាពសុច្ចរិត និងការទទួលខុសត្រូវខ្ពស់បំផុតរបស់អគ្គលេខាធិការដ្ឋានអាស៊ាន ដែលមេដឹកនាំអាស៊ានបានប្រគល់អោយរូបខ្ញុំ ជាអ្នកទទួលបន្ទុក។ ខ្ញុំពុំមានបំណង ហើយក៏ពុំបាននិយាយទៅលើសមយុទ្ធយោធាជាក់លាក់ណា នៅកម្ពុជាដែលខ្ញុំពុំបានដឹងនៅពេលនោះទេ។

លោកសូរិនបញ្ជាក់ថា លោកមានការសោកស្តាយយ៉ាងជ្រាលជ្រៅ ដែលការអត្ថាធិប្បាយរបស់លោកបានបង្កអោយមានការយល់ខុស និងការមិនស្រួលក្នុងចិត្តយ៉ាងខ្លាំង៕

ទាក់ទងនឹងប្រធានបទនេះ