អាមេរិក-អ៊ីស្រាអែល

ទំនាក់ទំនងអាមេរិក-អ៊ីស្រាអែល

ដោយ សៀក សារិន

អត្ថបទចុះផ្សាយកាលពីថ្ងៃទី 11/03/2010 កែប្រែលើកចុងក្រោយកាលពីថ្ងៃទី 11/03/2010 12:53 ម៉ោងសកល

ការបន្តធ្វើអាណានិគមកិច្ចដោយសាងសង់១ ៦០០លំនៅដ្ឋាននៅទីក្រុងJérusalemប៉ែកខាងកើតបានបណ្តាលឲ្យទីក្រុងវ៉ាស៊ីនតោនកើតមានក្តីក្រេវក្រោធយ៉ាងខ្លាំង។ តើទំនាក់ទំនងអាមេរិក-អ៊ីស្រាអែលអាចនឹងទទួលរងផលវិបាកយ៉ាងណាដែរ?

សូមចុចខាងក្រោមនេះដើម្បីស្ដាប់៖

បទអន្តរាគមន៍របស់ សៀក សារិន

11/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកនាយករដ្ឋមន្ត្រីអ៊ីស្រាអែលBenyamin Netanyahu
(រូបថត : AFP)

ពន្លឺនៃក្តីសង្ឃឹមព្រឹមៗដែលបង្កឡើងដោយការចាប់មានកិច្ចចរចាមិនចំពោះរវាងអ៊ីស្រាអែល-ប៉ាលេស្ទីនដើម្បីស្វែងរកសន្តិភាពបានលេចចេញជារូបរាងពុំទាន់បានស្រួលបួលផង ស្រាប់តែមានការគំរាមចង់មកធ្វើឲ្យរលត់សូន្យសុងវិញទៅហើយ។ ទាំងនេះ ក៏ពីព្រោះតែនៅខណៈដែលលោកអនុប្រធានាធិបតីអាមេរិកJoe Biden ជួបពិភាក្សាជាមួយលោកនាយករដ្ឋមន្ត្រីអ៊ីស្រាអែលBenyamin Netanyahu ដើម្បីជំរុញអភិក្រមសន្តិភាពនៅដើមបូព៌ា ស្រាប់តែលោករដ្ឋមន្ត្រីក្រសួងមហាផ្ទៃEli Yishaiប្រកាសឲ្យដឹងថា អ៊ីស្រាអែលនឹងបន្តធ្វើអាណានិគមកិច្ចដោយសាងសង់១ ៦០០លំនៅដ្ឋាននៅទីក្រុងJérusalemប៉ែកខាងកើត។ តំបន់ទីក្រុងJérusalemប៉ែកខាងកើតនេះជាតំបន់ដែលមានជនជាតិអារ៉ាប់ភាគច្រើនរស់នៅ ហើយបានត្រូវកងកម្លាំងអ៊ីស្រាអែលវាយយកចងភ្ជាប់ធ្វើជាដែនដីរបស់ខ្លួន។ មូលហេតុនេះបានបណ្តាលឲ្យលោកអនុប្រធានាធិបតីអាមេរិកJoe Bidenខឹងក្រវក្រោធយ៉ាងខ្លាំង។ ដូច្នេះហើយបានជាលោកJoe Biden អញ្ជើញទៅពិធីជប់លៀងពេលល្ងាចជាមួយ លោកនាយករដ្ឋមន្ត្រីអ៊ីស្រាអែលBenyamin Netanyahu ដោយធ្វើឲ្យគេរង់ចាំដល់ទៅជាងមួយម៉ោង ដើម្បីសម្ដែងឲ្យដឹងពីការពុំពេញចិត្តរបស់លោក។

ការប្រកាសដោយអ៊ីស្រាអែលធ្វើអាណានិគមកិច្ចដោយសាងសង់១ ៦០០លំនៅដ្ឋាននៅទីក្រុងJérusalemប៉ែកខាងកើតនៅពេលនេះ ពុំមែនជាការចៃដន្យឡើយ។ ដោយហេតុថា ឬមួយកម្លាំងនយោបាយនៅក្នុងជួររដ្ឋាភិបាលចម្រុះអ៊ីស្រាអែលបានស្គាល់ការប្រែប្រួល។ រដ្ឋាភិបាលចម្រុះអ៊ីស្រាអែលដែលមានការចូលរួមពីសំណាក់អ្នកជាតិនិយមជ្រុលនិងអ្នកកាន់សាសនាJuifប្រហែលជាចង់បង្ហាញឲ្យឃើញថាពួកគេលែងស្ដាប់តាមលោកនាយករដ្ឋមន្ត្រីអ៊ីស្រាអែលBenyamin Netanyahuទៀតហើយ។

ឬមួយក៏គេចង់បង្ហាញឲ្យឃើញថា ទំនាក់ទំនងអាមេរិក-អ៊ីស្រាអែលជាទំនាក់ទំនងមានដំណើរការល្អ ចេះអត់ឱនគ្នាដែលអនុញ្ញាតឲ្យអ៊ីស្រាអែលធ្វើអ្វីក៏បានស្រេចតែនឹងចិត្ត។

គួរកត់សម្គាល់ថា ទំនាក់ទំនងអាមេរិក-អ៊ីស្រាអែលតែងមានសភាពល្អូកល្អើននឹងគ្នាជានិច្ច។ តាំងពីសម័យលោកប្រធានាធិបតីអាមេរិកប្រជាធិបតេយ្យBill Cliton ក៏ដូចជានៅសម័យលោកប្រធានាធិបតីអាមេរិកសាធារណរដ្ឋ George W Bush។ ក៏ប៉ុន្តែ ដល់សម័យលោកបារ៉ាក់អូបាម៉ា អ្វីៗក៏បានស្គាល់ការប្រែប្រួល។ កាលពីខែឧសភាកន្លងទៅនេះ នាឱកាសជំនួបទីមួយជាមួយលោកនាយករដ្ឋមន្ត្រីអ៊ីស្រាអែលBenyamin Netanyahu លោកប្រធានាធិបតីអាមេរិកបារ៉ាក់អូបាម៉ាបានសម្តែងឲ្យឃើញនូវឥរិយាបថរឹងមាំរបស់អាមេរិកជាមួយអ៊ីស្រាអែលដែលជាឥរិយាបថមួយដែលគេពុំធ្លាប់ឃើញមានសោះឡើយ។ ជាពិសេសពាក់ព័ន្ធនឹងការបន្តធ្វើអាណានិគមកិច្ចអ៊ីស្រាអែលដែលសហរដ្ឋអាមេរិកបានសម្ដែងការប្រឆាំងយ៉ាងមុតមាំ។

សូមគូសបញ្ជាក់ថា ឥឡូវនេះ លោកនាយករដ្ឋមន្ត្រីអ៊ីស្រាអែលBenyamin Netanyahuបានយល់ព្រមព្យួរផ្អាកការធ្វើអាណានិគមកិច្ចទៅលើតំបន់Cisjordanieហើយនិងបាននិយាយផងទៀតពីការបង្កើតរដ្ឋប៉ាលេស្ទីនដែលកាលពីពេលមុនលោកBenyamin Netanyahuពុំដែលនិយាយសោះឡើយពីរដ្ឋប៉ាលេស្ទីន។ ដូច្នេះការចែកផ្លូវគ្នាដើររវាងសហរដ្ឋអាមេរិកនិងប្រទេសអ៊ីស្រាអែលនៅពុំទាន់ជាបច្ចុប្បន្នភាពនៅឡើយ។

នៅថ្ងៃព្រហស្បតិ៍នេះ លោករដ្ឋមន្ត្រីក្រសួងកសិកម្មដែលមកពីគណបក្សពលករអ៊ីស្រាអែលបានប្រកាសឲ្យដឹងថា បក្សពលករអ៊ីស្រាអែលត្រូវតែដើរចេញពីរដ្ឋាភិបាលចម្រុះរបស់លោកនាយករដ្ឋមន្ត្រីអ៊ីស្រាអែលBenyamin Netanyahu។ តាមរយៈវិទ្យុកងកម្លាំងយោធាអ៊ីស្រាអែល លោកបានថ្លែងបញ្ជាក់ទៀតថាបក្សពលករមានការលំបាកកាន់តែខ្លាំងឡើងៗក្នុងកិច្ចសហការជាមួយរដ្ឋាភិបាលចម្រុះរបស់លោកនាយករដ្ឋមន្ត្រី Benyamin Netanyahu។ ដោយហេតុថា បក្សពលករចូលសហការជាមួយរដ្ឋាភិបាលចម្រុះក៏ពីព្រោះតែគេចង់ជំរុញអភិក្រមសន្តិភាពជាមួយប៉ាលេស្ទីន។ ដូច្នេះកំហឹងក្រេវក្រោធរបស់លោកអនុប្រធានាធិបតីអាមេរិកJoe Bidenពិតជាការមួយសមហេតុសមផលណាស់។ ហើយនេះពិតជាកំហុសមួយដែលបានប្រព្រឹត្តដោយអ៊ីស្រាអែល៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ