ថៃ

ថាក់ស៊ីនត្រូវអាជ្ញាធរអារ៉ាប់រួមបណ្តេញចេញពីប្រទេស?

ដោយ សេង ឌីណា

អត្ថបទចុះផ្សាយកាលពីថ្ងៃទី 13/03/2010 កែប្រែលើកចុងក្រោយកាលពីថ្ងៃទី 13/03/2010 12:41 ម៉ោងសកល

នៅថ្ងៃសៅរ៍ ទី១៣ មីនា ២០១០នេះ រដ្ឋាភិបាលថៃបានប្រកាសថា ថាក់ស៊ីនត្រូវបានអាជ្ញាធរអារ៉ាប់រួមបណ្តេញចេញពីប្រទេស ហើយបានធ្វើដំណើរទៅដល់ខេត្តសៀមរាប ប្រទេសកម្ពុជាហើយ។ ក៏ប៉ុន្តែ លោកថាក់ស៊ីនខ្លួនឯងផ្ទាល់បានបដិសេធថា មិនមានការបណ្តេញចេញនេះទេ។ មន្រ្តីរដ្ឋាភិបាលកម្ពុជាក៏បានបដិសេធដែរថា ថាក់ស៊ីនមិនមកកម្ពុជាទេ។

សូមចុចខាងក្រោម ដើម្បីស្តាប់៖

ការពន្យល់របស់ សេង ឌីណា

13/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

ក្រុមអាវក្រហម កំពុងធ្វើដំណើរតាមផ្លូវឆ្ពោះទៅទីក្រុងបាងកក ថ្ងៃទី១៣ មីនា ២០១០
(រូបថត៖ Reuters)

លេខារបស់លោកកាស៊ីត រដ្ឋមន្រ្តីការបរទេសថៃ បានអះអាងថា រដ្ឋាភិបាលអារ៉ាប់រួម បានសម្រេចបណ្តេញលោកថាក់ស៊ីនចេញពីប្រទេស ក្នុងហេតុផលថា គាត់បានយកទឹកដីឌុយបៃ មកធ្វើជាសេនាធិការនយោបាយ ដើម្បីវាយប្រហារលើរដ្ឋាភិបាលថៃ ដែលជាការរំលោភទៅលើការសន្យាពីមុន។

លេខារូបនេះ បានថែមទាំងពន្លយពាក្យថា លោកថាក់ស៊ីន បានធ្វើដំណើរតាមយន្តហោះឯកជនរបស់លោក មកចុះចត នៅខេត្តសៀមរាប កាលពីព្រឹកថ្ងៃសៅរ៍។

ក៏ប៉ុន្តែ មន្រ្តីរដ្ឋាភិបាលកម្ពុជាបានបដិសេធថា ព័ត៌មាននេះ មិនមែនជារឿងពិតទេ។

លោកណុប៉ាដន ដែលជាមេធាវីរបស់លោកថាក់ស៊ីន ក៏បានបដិសេធផងដែរថា លោកថាក់ស៊ីន គ្មានគម្រោងធ្វើដំណើរទៅប្រទេសកម្ពុជាទេ នៅពេលនេះ ហើយលោកថាក់ស៊ីន ក៏មិនត្រូវបានអាជ្ញាធរអារ៉ាប់រួម បណ្តេញចេញដូចការអះអាងរបស់រដ្ឋាភិបាលថៃនោះដែរ។

លោកថាក់ស៊ីន បានសរសេរនៅលើវែបសៃត៍របស់គាត់ថា គាត់នឹងចាកចេញពីឌុយបៃ នៅថ្ងៃនេះ ហើយធ្វើដំណើរទៅអឺរ៉ុប។ ក៏ប៉ុន្តែ ការចាកចេញនេះ គឺទៅដើម្បីជួបកូនតែប៉ុណ្ណោះ ហើយគ្មានរឿងបណ្តេញចេញណាមួយនោះទេ។

រូបលោកថាក់ស៊ីន នៅលើខ្នងអាវរបស់បាតុករ
(រូបថត៖ Reuters)

គេនៅមិនទាន់ដឹងថា តើលោកថាក់ស៊ីន នឹងទៅប្រទេសណាមួយ នៅអឺរ៉ុបនៅឡើយទេ។ ប៉ុន្តែ កាសែតថៃបានចុះផ្សាយ កាលពីប៉ុន្មានថ្ងៃមុននេះថា កូនស្រីរបស់លោកថាក់ស៊ីនម្នាក់ បានចាកចេញពីប្រទេសថៃ ទៅកាន់ប្រទេសអាឡឺម៉ង់ នៅមុនពេលពួកអាវក្រហមធ្វើបាតុកម្មទម្លាក់រដ្ឋាភិបាល។

នៅថ្ងៃសៅរ៍នេះ គឺជាថ្ងៃទី២ នៃបាតុកម្មរបស់ពួកអាវក្រហម។ យោងតាមទីភ្នាក់ងារសារព័ត៌មានបារាំង (អា អែហ្វ ប៉េ) បានឲ្យដឹងថា ពួកអាវក្រហមរាប់ម៉ឺននាក់ បានចាប់ផ្តើមធ្វើដំណើរចេញពីតាមខេត្ត ឆ្ពោះមកទីក្រុងបាងកកហើយ។

កាសែតដឺណេស្ហិន (The Nation) របស់ថៃ ក៏បានចុះផ្សាយផងដែរថា ពួកអាវក្រហមរាប់ពាន់នាក់ បានចាប់ផ្តើមមកដល់ទីក្រុងបាងកកខ្លះៗហើយ នៅរសៀលថ្ងៃសៅរ៍នេះ។

មេដឹកនាំអាវក្រហមបានអះអាងថា នៅយប់ថ្ងៃសៅរ៍នេះ បាតុករ ដែលមកទីតាមខេត្ត នឹងមានចំនួនរហូតដល់ទៅ៦០ម៉ឺននាក់ ហើយនឹងមានអ្នកបន្តធ្វើដំណើរមកទៀត នៅថ្ងៃអាទិត្យស្អែក ដែលជាថ្ងៃបាតុកម្មធំ។

ក៏ប៉ុន្តែ មន្រ្តីរដ្ឋាភិបាលថៃបានធ្វើការប៉ាន់ស្មានថា បាតុករ ដែលធ្វើដំណើរមកបាងកក នៅថ្ងៃសៅរ៍នេះ នឹងមានចំនួនមិនលើសពី ៧ម៉ឺននាក់នោះទេ។

គួរបញ្ជាក់ថា ពួកអាវក្រហម ដែលគាំទ្រលោកថាក់ស៊ីន បានប្រកាសថា ពួកគេនឹងប្រមូលគ្នាឲ្យបានជាង១លាននាក់ មកធ្វើបាតុកម្មផ្តួលរំលំរដ្ឋាភិបាលអាភិស៊ីត។ រហូតមកទល់ពេលនេះ ចំនួនបាតុករ ហាក់ដូចជា នៅមានតិចតួចណាស់ ធៀបនឹងការគ្រោងទុកនេះ។

ចំនួនអ្នកចេញមកធ្វើបាតុកម្ម គឺជាគន្លឹះ នៃជ័យជំនះរបស់ពួកអាវក្រហម ក្នុងការផ្តួលរំលំរដ្ឋាភិបាលអាភិស៊ីត។ ប្រសិនបើចំនួនបាតុករ មានតិចតួច រដ្ឋាភិបាល និងអ្នកគាំទ្ររដ្ឋាភិបាលអាភិស៊ីត អាចនឹងសើចចំអកឲ្យពួកអាវក្រហមទៀតផង៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ