រុស្ស៊ី-កម្ពុជា

ស្តង់ពិព័រណ៍របស់ខ្មែរយើង

ដោយ កែវ ឆាយា

អត្ថបទចុះផ្សាយកាលពីថ្ងៃទី 15/03/2010 កែប្រែលើកចុងក្រោយកាលពីថ្ងៃទី 15/03/2010 15:11 ម៉ោងសកល

កម្ពុជាកំពុងចូលរួមក្នុងពិព័រណ៍ទីផ្សារទេសចរណ៍អន្តរជាតិ TourMarketហៅកាត់ថា ITM-ឆ្នាំ ២០១០ដែលប្រព្រឹត្តធ្វើនៅទីក្រុងម៉ូស្គូ រយៈពេល៤ថ្ងៃពីថ្ងៃ១៣ដល់១៦មិនាស្អែក ដោយមានការចូលរួមនៃ៦៨ប្រទេសដែលល្បីខាងវិស័យទេសចរណ៍។ នេះជាលើកទី២ដែលក្រសួងទេសចរណ៍កម្ពុជាវត្តមានក្នុងពិព៍រណ៍ITMហើយលើកនេះ គឺតាមសេចក្តីអញ្ជើញរបស់ក្រសួងទេសចរណ៍រុស្ស៊ីតែម្តង។ មូលហេតុដែលញ៉ាំងឲ្យកម្ពុជា តាំងបង្ហាញស្តង់ពិព័រណ៍ខ្លួននៅទីនេះជាថ្មី គឺដោយសារពីមួយឆ្នាំទៅមួយឆ្នាំ ចំនួនអ្នកទេសចររុស្ស៊ីដែលទៅទស្សនាប្រទេសកម្ពុជាចេះតែបន្តកើនឡើងសូម្បីមានវិបត្តិសេដ្ឋកិច្ចសកលក្តី។

សេចក្តីរាយការណ៍របស់ កែវ ឆាយា

15/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

ពិព័រណ៍ទេសចរណ៍ខ្មែរ នៅរុស្ស៊ី

ស្ថិតនៅខាងឆ្វេងជាប់នឹងស្តង់ពិព័រណ៍របស់ថៃ ហើយនៅខាងស្តាំគឺជាប់នឹងស្តង់ពិព័រណ៍ឥណ្ឌូណេស៊ី។ មិនមែនចៃដន្យទេដើម្បីជួលស្តង់ដែលមានផ្ទៃក្រឡាតែ២៥ម^២សំរាប់រយៈពេល៤ថ្ងៃនៃពិព័រណ៍ក្រសួងទេសចរណ៍ខ្មែរហ៊ានបង់ប្រាក់ជិត២ម៉ឺនដុល្លារអាមេរិកឯណោះ។ ពីព្រោះផ្លែផ្កាដែលត្រូវទទួលបានមុខជាធំធាត់ជាងឆ្ងាយ។ ជាក់ ស្តែងប្រាក់ចំណាយបែបនេះប្រមាណ១ម៉ឺន៦ពាន់$។ កាលពីឆ្នាំមុនបានទាក់ទាញអតិថិជនរុស្ស៊ីឲ្យទៅទស្សនាកម្ពុជាក្នុងឆ្នាំ២០០៩កន្លងទៅកើនចំនួនបាន១៤,៥ %ពីជិត១ម៉ឺន៧ពាន់ដល់ជិត២ម៉ឺននាក់តែម្តងទាំងក្រោមចំហាយនៃវិបត្តិសេដ្ឋកិច្ចទៅផង។ គ្រាន់តែក្នុង១ខែមករាឆ្នាំនេះគឺបានកើនឡើងដល់៥៨,៤%ដល់ជាង៤.៧០០នាក់ទៅហើយទំនោរនេះនាំឲ្យកើតឡើងនូវក្តីរំពឹងថាជាតុល្យាការឆ្នាំ២០១០ចំនួនទេសចររុស្ស៊ីដែលទៅកាន់ស្រុកខ្មែរអាចវាត់ដល់៥ម៉ឺននាក់ឯណោះ។ អ្វីដែលគួរឲ្យកត់សំគាល់គឺថាទស្សនិកជនរុស្ស៊ីកម្រដើររំលងស្តង់ខ្មែរណាស់គេតែងឈរគយគន់មើលផ្ទាំងរូបធំៗដែលបង្ហាញរមណីយដ្ឋានប្លែកៗនៅស្រុកយើងដោយថែមទាំងសុំCatalogueទេសចរណ៍ខ្មែរយើងទៅសិក្សាផង ក្រោយពីគេឮមិត្តភ័ក្ត្រគេសរសើរអំពីប្រាសាទអង្គររបស់ខ្មែរដែលល្បីជាអច្ឆរិយវត្ថុទី៧លើពិភពលោក។ មានទាំងតំណាងក្រុមហ៊ុនទូរទស្សន៍រុស្ស៊ីខ្លះបានទទួលថាសDVDរបស់ក្រសួងទេសចរណ៍ខ្មែរយកទៅចាក់ផ្សាយបន្តជួយឃោសនាឲ្យសម្រស់ស្រុកយើងទៅផង។ ក្នុងក្របខ័ណ្ឌពិព័រណ៍ក៏មានតំណាងជាង១០ក្រុមហ៊ុនទេសចរណ៍រុស្ស៊ីបានមកចរចាជាមួយប្រធានគណៈប្រតិភូខ្មែរយើងគឺលោកប៉ាក់សុខុមដែលជាអនុរដ្ឋលេខាធិការក្រសួងទេសចរណ៍ដែលបានលើកឡើងពីបាវចនានៃវិស័យទេសចរណ័ខ្មែរគឺថា“ ទីក្រុងស្អាតរមណីយដ្ឋានស្អាត សេវាល្អ “។ សំណូមពរចង់ឲ្យមានជើងយន្តហោះត្រង់ភ្លឹងតែម្តងរវាងក្រុងម៉ូស្គូនិងភ្នំពេញដើម្បីសំរួលដល់ការធ្វើនៃពួកទេសចររុស្ស៊ីទៅកាន់ស្រុកខ្មែរ។ តាមសំដីលោកផ្លុងធឿន អគ្គនាយករង ទេសចរណ៍ខ្មែរពិតជាស្ថិរភាពនយោបាយដែលជាកត្តាចំបងជុំរុញដល់ការកើនឡើងនៃទេសចរបរទេសបាន២%ទៀត ក្នងឆ្នាំ២០០៩កន្លងទៅលុះដល់ជាង២លាន១សែន៦ម៉ឹននាក់ខុសពីនៅប្រទេសថៃដែលដោយមកពីអស្ថិរភាពនយោបាយបានធ្លាក់ចុះអស់៤០%ឯណោះ បានឈរពន្យល់ភ្ញៀវក៏ទាំងមន្ត្រីឯទៀតនៃក្រសួងទេសចរណ៍គឺលោកប្រាក់ ណារ៉ាន លោក ម៉ម ម៉ានីរដ្ឋ លោក វ៉ន មុនីវឌ្ឍនៈព្រមទាំងខាងក្រុមហ៊ុនទេសចរណ័កម្ពុជាដែលសំរាប់គេរុស្ស៊ីជាទីផ្សារទេសចរណ៍ថ្មីគឺ លោក គង់ សារិន លោក ហូ វណ្ឌី លោក អាង គឹមអៀង និង លោក ឈរ យូរ៉េនឌី៕