ស.រ.អា

លោកបារ៉ាក អូបាម៉ាលើកទឹកចិត្តសមាជិកសភានៃគណបក្សប្រជាធិតេយ្យឲ្យបោះឆ្នោតគាំទ្រគម្រោងកំណែទម្រង់ប្រព័ន្ធសុខាភិបាល

ដោយ វីនស្តុន រតនា

អត្ថបទចុះផ្សាយកាលពីថ្ងៃទី 21/03/2010 កែប្រែលើកចុងក្រោយកាលពីថ្ងៃទី 21/03/2010 14:31 ម៉ោងសកល

នៅថ្ងៃសៅរ៍ ល្ងាចមិញ នៅក្នុងអគាររដ្ឋសភា Capitole លោកប្រធានាធិបតីអាមេរិកាំង បារ៉ាក អូបាម៉ា បានថ្លែងនៅពីមុខអ្នកតំណាងរាស្រ្តប្រជាធិបតេយ្យថា ៖ « រាល់អ្វីៗ នៅក្នុងកណ្តាប់ដៃអស់ លោកអ្នកហើយ- ដល់ពេលត្រូវតែអនុម័តគម្រោងកំណែទម្រង់ប្រព័ន្ធសុខាភិបាលដើម្បីអាមេរិក- ហើយខ្ញុំជឿជាក់ថា អស់លោក អ្នកនឹងធ្វើការ នេះ នៅថ្ងៃអាទិត្យ »។

សូមចុចខាងក្រោមនេះដើម្បីស្តាប់៖

Jean-Louis Pourtetរាយការណ៍ពីទីក្រុង Washington ប្រែសម្រួលដោយវីនស្តុន រតនា

21/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

លោកBarack Obama ជួបសមាជិកតំណាងរាស្រ្តប្រជាធិបតេយ្យដើម្បីពិភាក្សាស្តីពីកំណែទម្រង់វិស័យសុខាភិបាលអាមេរិក
(រូបថត៖reuters)

ដោយមានភាពក្លៀវក្លាឡើងវិញដូចកាលជំនាន់នៅជាបេក្ខជនប្រធានាធិបតី លោកបារ៉ាក អូបាម៉ាប្រកបដោយវោហារកោសល្យ បានថ្លែងទៅកាន់ប្រជាជនអាមេរិកាំងផង ទៅកាន់សមាជិកសភានៃគណបក្សរបស់ខ្លួនផង។

ចំពោះប្រជាជនអាមេរិកាំងដែល៤៨%ប្រឆាំងនឹងកំណែទម្រង់ប្រព័ន្ធសុខាភិបាល ដ្បិតគេពុំជឿទៅលើផលបុណ្យកុសលនៃកំណែទម្រង់នេះទេ លោកអូបាម៉ាបានសង្កត់ធ្ងន់ទៅលើអត្ថប្រយោជន៍នៃកំណែទម្រង់ គឺវាផ្តល់នូវការធានារ៉ាប់រង នៅពេលឈឺថ្កាត់សំរាប់ទាំងអស់គ្នា រួមទាំងជនជាតិអាមេរិកាំង៣០លាននាក់ដែល សព្វថ្ងៃគ្មានបានជំនួយឩបត្ថម្ភអ្វីសោះ នៅពេលខ្លួនឈឺថ្កាត់ហើយនិងចំណាយទៅលើវិស័យសុខាភិបាលទាបជាងមុនដែលនឹងអនុញ្ញាតអាចឱ្យកាត់បន្ថយឩនភាព។

គាត់បានតឿនក្រើនអ្នកតំណាងរាស្ត្រប្រជាធិបតេយ្យឱ្យបង្ហាញនូវភាពអង់អាចក្លាហានខាងនយោបាយ។ ចំពោះសមាជិកសភាមួយក្តាប់តូចដែលនៅពុំទាន់ដាច់ស្រេចចិត្តនៅឡើយ លោកអូបាម៉ាបានថ្លែងថា ជួនកាលគេត្រូវធ្វើការប្រថុយប្រថានគឺធ្វើឱ្យពួកអ្នកបោះឆ្នោតឱ្យខ្លួនមិនសប្បាយចិត្ត ដើម្បីផលប្រយោជន៍ជនភាគច្រើន ប៉ុន្តែនៅមានអ្នកតំណាងរាស្ត្រប្រជាធិបតេយ្យ៧នាក់ទៀតដែលនៅរួញរានៅឡើយ ក្នុងការធ្វើអត្តឃាតកម្មនយោបាយនេះ។

ពួកបាតុករជាអ្នកប្រឆាំងនឹងកំណែទម្រង់ ប្រមូលផ្តុំគ្នានៅពីមុខអគាររដ្ឋសភា ដើម្បីរំលឹកប្រាប់អំពីគ្រោះថ្នាក់នៃការបោះឆ្នោតគាំទ្រច្បាប់កំណែទម្រង់។ដោយស្រែកសង្ឃកដាក់លោកប្រធានាធិបតី នៅពេលគាត់អញ្ជើញមកដល់អគាររដ្ឋសភាCapitole ពួកបាតុករលើកគ្រវីផ្ទាំងបដាប្រកបដោយពាក្យថា៖ “ ចូរសម្លាប់ចោលទៅកំណែទម្រង់” និង “ ចូរកុំប៉ះពាល់កាបូបលុយខ្ញុំ”។

ក្នុងចន្លោះពេលប៉ុន្មានម៉ោងទៀតពីការបោះឆ្នោតប្រឆាំង ឬគាំទ្រ ពួកអ្នកប្រជាធិបតេយ្យទំនងជាមានសុទិដ្ឋិនិយម។ ឥស្សរជនលំដាប់ថា្នក់លេខពីរ នៃសភាអ្នកតំណាងអះអាងថា គេមានសំលេងឆ្នោតចាំបាច់ទាំង ២១៦ ដើម្បីដាក់ឲ្យអនុម័តយល់ព្រម ដោយនីតិវិធីមួយដ៏ពិបាកស្មុគស្មាញបំផុតនូវកំណែទម្រង់ដែលត្រូវបានអនុម័តយល់ព្រម ដោយព្រឹទ្ធសភានៅមុនពេលប្រារព្ធបុណ្យណូអែលឆ្នាំទៅ ២០០៩៕

ទាក់ទងនឹងប្រធានបទនេះ