អាមេរិក-ដើមបូព៌ា

លោកGeorge Mitchell បេសកជនពិសេសអាមេរិកទៅដើមបូព៌ា

ដោយ សៀក សារិន

អត្ថបទចុះផ្សាយកាលពីថ្ងៃទី 21/03/2010 កែប្រែលើកចុងក្រោយកាលពីថ្ងៃទី 21/03/2010 12:51 ម៉ោងសកល

បេសកជនពិសេសអាមេរិកសម្រាប់តំបន់ដើមបូព៌ាលោកGeorge Mitchell បានអញ្ជើញទៅដល់ប្រទេសអ៊ីស្រាអែលដើម្បីជំរុញឲ្យអភិក្រមសន្តិភាពមានសន្ទុះលឿនទៅមុខ។

បទអន្តរាគមន៍របស់សៀក សារិន

21/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

បេសកជនពិសេសអាមេរិកសម្រាប់តំបន់ដើមបូព៌ាលោកGeorge Mitchell
(រូបថត : AFP)

នៅថ្ងៃអាទិត្យទី២១មីនានេះ បេសកជនពិសេសអាមេរិកសម្រាប់តំបន់ដើមបូព៌ាលោកGeorge Mitchellនឹងត្រូវមានជំនួបពិភាក្សាជាមួយលោកនាយករដ្ឋមន្ត្រីអ៊ីស្រាអែលBenyamin Netanyahu លោករដ្ឋមន្ត្រីក្រសួងការពារជាតិEhud Barak ហើយនិងអគ្គលេខាធិការនៃអង្គការសហប្រជាជាតិលោកបានគីមូនដែលកំពុងនៅជួយស្វែងរកសន្តិភាពឲ្យប៉ាលេស្ទីននិងអ៊ីស្រាអែល។ ហើយនៅថ្ងៃចន្ទស្អែក លោកGeorge Mitchellនឹងត្រូវអញ្ជើញទៅJordanie ដើម្បីជួបពិភាក្សាជាមួយប្រធានរដ្ឋអំណាចប៉ាលេស្ទីនលោកMahmoud Abbas។

ការអញ្ជើញទៅតំបន់ដើមបូព៌ារបស់លោកGeorge Mitchellធ្លាក់ចំពេលដែលទំនាក់ទំនងអាមរិក-អ៊ីស្រាអែលកំពុងជួបនឹងវិបត្តិ។ ហើយភាពតានតឹងក៏បានធ្លាក់ចុះមួយកម្រិត ក្រោយពីមានការពិភាក្សាតាមរយៈទូរស័ព្ទរវាង លោកស្រីរដ្ឋមន្ត្រីក្រសួងការបរទេសអាមេរិកHillarry Clintonនិងលោកនាយករដ្ឋមន្ត្រីអ៊ីស្រាអែល Benyamin Netanyahu។

លោកស្រីរដ្ឋមន្ត្រីក្រសួងការបរទេសអាមេរិកHillarry Clinton បានថ្លែងបញ្ជាក់ប្រាប់ លោកនាយករដ្ឋមន្ត្រីអ៊ីស្រាអែល Benyamin Netanyahuពីសារៈសំខាន់និងការចាំបាច់ដែលលោកនាយករដ្ឋមន្ត្រីអ៊ីស្រាអែលត្រូវតែទទួលជួបពិភាក្សាជាមួយបេសកជនពិសេសអាមេរិកសម្រាប់តំបន់ដើមបូព៌ាលោកGeorge Mitchell។ ហើយលោកស្រីHillary Clinton ក៏បានផងទៀតគូសបញ្ជាក់ប្រាប់លោកBenyamin Netanyauhu ពីកំហឹងក្រេវក្រោធរបស់ទីក្រុងវ៉ាស៊ីនតោននៅចំពោះមុខការបន្តធ្វើអាណានិគមកិច្ចរបស់អ៊ីស្រាអែលនៅទីក្រុងJérusalem ប៉ែកខាងកើតដែលសហរដ្ឋអាមេរិកចាត់ទុកថាជាទង្វើផ្គើនទីក្រុងវ៉ាស៊ីនតោន។ បន្ថែមពីលើនេះ លោកស្រីHillary Clinton ក៏បានប្រាប់ឲ្យដឹងពីប្រតិកម្មរបស់ក្រុមQuartette ដែលមានជំនួបនៅពេលថ្មីៗកន្លងទៅនេះ។

ក្រុមQuartetteសម្រាប់តំបន់ដើមបូព៌ាបានសម្ដែងឲ្យឃើញនូវការគាំទ្រយ៉ាងមុតមាំរបស់ខ្លួនក្នុងការបង្កើតឲ្យមានរដ្ឋប៉ាលេស្ទីនមួយនៅតំបន់ដើមបូព៌ាដែលមានលក្ខណៈត្រឹមត្រូវនិងឯករាជ្យ។ នេះជាការប្រកាសបញ្ជាក់ឲ្យដឹងដោយអគ្គលេខាធិការនៃអង្គការសហប្រជាជាតិលោកបានគីមូននៅថ្ងៃសៅរ៍ម្សិលមិញ នាឱកាសអញ្ជើញទៅតំបន់Ramallah និងតំបន់Cisjordanie ។ លោកបានគីមូនបានបញ្ជាក់ប្រាប់ទៀតថា ក្រុមQuartetteដែលក្នុងនោះមានអង្គការសហប្រជាជាតិ សហរដ្ឋអាមេរិក សហភាពអឺរ៉ុប និងប្រទេសរុស្ស៊ីបានថ្កោលទោសយ៉ាងខ្លាំងក្លាទៅលើទង្វើអាណានិគមកិច្ចរបស់អ៊ីស្រាអែលក្នុងការសាងសង់១ ៦០០លំនៅដ្ឋាននៅទីក្រុងJérusalem ប៉ែកខាងកើតដែលជាទង្វើល្មើសនឹងច្បាប់អន្តរជាតិ។

គោលជំហររបស់ក្រុមQuartette ហើយនិងការអំពាវនាវបង្កើតឲ្យមានរដ្ឋប៉ាលេស្ទីនមួយចាប់ពីពេលនេះទៅទល់ឆ្នាំ២០១២បានបណ្តាលឲ្យភាគីប៉ាលេស្ទីនមានការពេញចិត្ត។ ក៏ប៉ុន្តែភាគីអ៊ីស្រាអែល តាមរយៈប្រមុខការទូតរបស់ខ្លួនលោកAvigdor Liebermanបានបញ្ជាក់ឲ្យដឹងថាការដាក់បង្ខំនូវប្រក្រតីទិនខ្វះភាពប្រាកដនិយមបែបនេះជាការពុំត្រឹមត្រូវឡើយ។

បានជាសហរដ្ឋអាមេរិកបញ្ជូនបេសកជនពិសេសលោកGeorge Mitchellទៅតំបន់ដើមបូព៌ានៅពេលនេះ មកពីទីក្រុងវ៉ាស៊ីនតោនឃើញកិច្ចចរចាផ្ទាល់រវាងអ៊ីស្រាអែលនិងប៉ាលេស្ទីនដើម្បីស្វែងរកសន្តិភាពដែលបានជាប់គាំងស្ទះតាំងពីចុងឆ្នាំ២០០៨មកទល់ពេលនេះហាក់ដូចជារកច្រកចេញពុំឃើញឡើយ។ ហើយទីក្រុងវ៉ាស៊ីនតោនក៏ងាកមករិះរកជំរុញអភិក្រមសន្តិភាពអ៊ីស្រាអែល-ប៉ាលេស្ទីនតាមរយៈកិច្ចចរចាមិនចំពោះក្រោមការដឹកនាំរបស់លោកGeorge Mitchellវិញ។ ម្យ៉ាងទៀត ការបន្តធ្វើអាណានិគមកិច្ចសាងសង់១ ៦០០លំនៅដ្ឋានដោយអ៊ីស្រាអែលនៅទីក្រុងJérusalem ប៉ែកខាងកើតនៅពេលថ្មីៗកន្លងទៅនេះ ក៏ជាកត្តាមួយទៀតមកជួយជំរុញឲ្យសហរដ្ឋអាមេរិក បញ្ជូនបេសកជនពិសេសរបស់ខ្លួន លោកGeorge Mitchellទៅតំបន់ដើមបូព៌ានៅពេលនេះ។ ដូច្នេះឃើញថា បេសកជនពិសេសអាមេរិកលោកGeorge Mitchellពិតជាមានតួនាទីនិងមានបេសកកម្មដ៏សំខាន់ក្នុងការស្វែងរកសន្តិភាពជូនប្រជាជនប៉ាលេស្ទីននិងអ៊ីស្រាអែល ហើយនិងជូនប្រជាជនដើមបូព៌ាទាំងមូល៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

20/04/2010 12:39 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ