បារាំង-បោះឆ្នោតតំបន់

ការបោះឆ្នោតតំបន់ត្រូវគំរាមដោយចំនួនអ្នកពុំទៅបោះឆ្នោតដែលនឹងច្រើនជាងកាលនៅវគ្គទី ១

ដោយ វីនស្តុន រតនា

អត្ថបទចុះផ្សាយកាលពីថ្ងៃទី 21/03/2010 កែប្រែលើកចុងក្រោយកាលពីថ្ងៃទី 22/03/2010 09:42 ម៉ោងសកល

នៅថ្ងៃអាទិត្យ ២១ មីនានេះ ប្រជាជនបារាំងត្រូវបោះឆ្នោតជ្រើសរើសទីប្រឹក្សាតំបន់សំរាប់រយៈពេល ៤ឆ្នាំ នៅវគ្គទីពីរ។ ជាវគ្គផ្តាច់ព្រ័ត្រដែលត្រូវបញ្ជាក់អះអាង ការមានប្រៀបខ្លាំង នៃគណបក្សឆ្វេងនិយមនានានាំមុខដោយ គណបក្សPS លើគណបក្សស្តាំនិយម។

សេចក្តីរាយការណ៍របស់វីនស្តុន រតនា

21/03/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

ប្រជាជនបារាំងទៅបោះឆ្នោតថ្នាក់តំបន់នៅជុំទី ២
(រូបថត៖ reuters)

លើកលែងតែGuadeloupeជាដែនដីបារាំង នៅឯនាយសមុទ្រដែលបានជ្រើសតាំងក្រុមប្រឹក្សាតំបន់ខ្លួន ចាប់ពីវគ្គ ទី១ថ្ងៃ ១៤មីនាម្ល៉េះ ២៥តំបន់ដែល នៅសេសសល់ផ្តល់នូវរូបសណ្ឋានផ្សេងៗគ្នាបី គឺការប្រយុទ្ធតទល់គ្នាចំនួនបីរវាងពួកអ្នកស្តាំនិយម និងពួកអ្នកឆ្វេងនិយម ការប្រយុទ្ធគ្នាជាត្រីកោណចំនួន ១៧ដែលក្នុងនេះ ចំនួន ១២តទល់នឹងគណបក្សរណសិរ្សជាតិFN និងការប្រយុទ្ធគ្នាជាចតុកោណចំនួនមានតែមួយ គឺនៅលើកោះCorseដែលអាចនឹងធ្លាក់ទៅក្នុងកណ្តាប់ដៃពួកឆ្វេងនិយម។

ទោះបីជាមានកំណែននៃគណបក្សនានាក្តី ក៏ចំនួន ៥៥%នៃអ្នកពុំទៅបោះឆ្នោត នៅវគ្គទី២ថ្ងៃ២១មីនានេះ ស្របតាមការស្ទង់មតិ មានច្រើនជាង កាលពីវគ្គទី១ថ្ងៃ១៤មីនា ៥៣,៦៤%ទៅទៀត។

ដោយបានទទួលសំឡេងឆ្នោត នៅវគ្គទី១បានតែ ២៦,០២%ដ៏ទាបបំផុត ចាប់ពីដើមរបបសាធារណរដ្ឋទី ៥មក ពួកស្តាំនិយមសង្ឃឹមកំរិតការខូចខាត ដោយរក្សាទុក យ៉ាងហោចណាស់ តំបន់ Alsace និងដោយដណ្តើមយកឱ្យបានមកវិញ តំបន់ឯនាយសមុទ្រLa Réunion និងGuyane។

ពួកឆ្វេងនិយមដែលប្រមូលបានសំឡេងឆ្នោតជាង ៥០% នៅវគ្គទី១ សង្ឃឹមថា នឹងដណ្តើមយកឱ្យបានសឹងតែទាំងអស់ តំបន់ទាំង ២២ លើកលែងតែតំបន់Bretagne និងLimousin។

ស្របតាមការស្ទង់មតិនៃវិជ្ជាឋាន CSAចុះផ្សាយក្នុងកាសែតLe Parisien នៅថ្ងៃសុក្រ ១៩មីនា ពួកឆ្វេងនិយមអាចនឹងទទួលសំឡេងឆ្នោតគាំទ្រខ្លួន ចំនួន៥៦%ទល់នឹង៣៦%សំរាប់ពួកស្តាំនិយម។ បញ្ជីឆ្នោតនៃគណបក្សស្តាំនិយមជ្រុល រណសិរ្សជាតិFNទទួលបានសំឡេងឆ្នោតគាំទ្រខ្លួនចំនួន ៧%បានកើនឡើងដល់ ១៤% ដោយគន់គិតដល់តំបន់ដែលខ្លួនតំណាងឱ្យ។

លោកនាយករដ្ឋមន្ត្រីFrançois Fillon ជាមេខ្លោងធំនៃពួកអ្នកស្តាំនិយមព្រមានប្រាប់ឱ្យប្រយ័ត្នចំពោះ “បក្សសម្ព័ន្ធឱកាសនិយម” នៅខាងឆ្វេង។ ជាចម្លើយតបវិញ លោកស្រីMartine Aubry ជាលេខាធិការទី ១នៃគណបក្សសង្គមនិយម PSបានថ្លែងការពារ “បក្សសម្ព័ន្ធរឹងមាំ” នៃពួកអ្នកឆ្វេងនិយមសាមគ្គីគ្នាជាទីដែលគ្មាននរណាខ្វែងគំនិតគ្នា ដោយលួចលាក់ទេ។

ការប្រយុទ្ធគ្នាខ្លាំងបំផុតរវាងពួកស្តាំនិយម និងពួកឆ្វេងនិយម គឺនៅតំបន់Alsace ជាមូលដ្ឋានជាប្រវត្តិសាស្ត្ររបស់ពួកស្តាំនិយម និងជាក្រយាតំណាំងនៃការបោះឆ្នោតតំបន់លើកនេះ។

ជ័យជំនះឆ្នោតរបស់ពួកឆ្វេងនិយម មានន័យថាជាការបដិសេធរបបគ្រប់គ្រងរបស់ពួកស្តាំនិយមភាគច្រើនកំពុងកាន់រដ្ឋអំណាច សព្វថ្ងៃ នៅប្រទេសបារាំង៕

ទាក់ទងនឹងប្រធានបទនេះ