អាស៊ី

សេដ្ឋកិច្ចអាស៊ីផ្តើមខូចខាត ដ្បិតយន្តហោះចេញចូលអឺរ៉ុបមិនបាន

ដោយ ហ្សង់-ហ្វ្រង់ស័រ តាន់

អត្ថបទចុះផ្សាយកាលពីថ្ងៃទី 20/04/2010 កែប្រែលើកចុងក្រោយកាលពីថ្ងៃទី 20/04/2010 12:46 ម៉ោងសកល

ប្រាំមួយថ្ងៃកន្លងមកហើយ ដែលចរាចរណ៍ផ្លូវអាកាសអន្តរជាតិ មានដំណើរការរអាក់រអួល សឹងថា គ្មានទាល់តែសោះជើងយន្តហោះមកកាន់ និងទៅពីទ្វីបអឺរ៉ុប ដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។ បណ្តើរៗ ការគាំងដំណើរចរាចរណ៍ផ្លូវអាកាសមកកាន់ និងទៅពីទ្វីបអឺរ៉ុប បានផ្តើមប៉ះពាល់ខ្លាំងដល់សេដ្ឋកិច្ចអាស៊ី។

បទអន្តរាគមន៍របស់តាន់ ហ្សង់-ហ្រ្វង់ស័រ

20/04/2010

បោះពុម្ពអត្ថបទ

ផ្ញើអត្ថបទ

ប្រតិកម្មចំពោះអត្ថបទ

ចរាចរណ៍ផ្លូវអាកាសអន្តរជាតិក្នុងប្រទេសអាល្លឺម៉ង់មានដំណើរការរអាក់រអួលដោយហេតុតែដុំពពកផ្សែងដែលបង្កប់ទៅដោយផេះភ្នំភ្លើងនៃប្រទេសIslande។
(រូបថត៖reuters)

ទទួលរងការប៉ះពាល់ខ្លាំងជាងគេ គឺក្រុមហ៊ុនអាកាសចរណ៍អាស៊ី ដែលជាសរុប ខាត៤០លានដុល្លារក្នុងមួយថ្ងៃ នេះបើយោងទៅតាមសមាគមដឹកជញ្ជូនផ្លូវអាកាសអាស៊ី និងប៉ាស៊ីហ្វិក ហៅកាត់ថា AAPA។ ម្ល៉ោះហើយ បានជាប៉ុន្មានថ្ងៃចុងក្រោយនេះ AAPA បានបង្ខំឲ្យធ្វើការសិក្សា និងពិនិត្យមើលឡើងវិញជាបន្ទាន់ ទៅលើស្ថានភាពទូទៅ ពីព្រោះសមាគមនេះយល់ឃើញថា វិធានការបង្ការរបស់បណ្តាប្រទេសអឺរ៉ុបមានលក្ខណៈតឹងតែងជ្រុលហួស។

ទោះជាប្រទេសអឺរ៉ុបខ្លះបានផ្តើមបើកដែនអាកាសរបស់ខ្លួនបណ្តើរៗក៏ដោយ ក៏ស្ថានភាពនៅតែបន្តឋិតក្នុងវិបត្តិ តទៅទៀត ពីព្រោះដុំពពកផ្សែងដែលបង្កប់ទៅដោយផេះភ្នំភ្លើង អាចធ្វើឲ្យគាំងម៉ាស៊ីនយន្តហោះ ហើយដរាបណា សន្តិសុខនៅតែធានាមិនបានទេ ដរាបនោះបណ្តារដ្ឋាភិបាលអឺរ៉ុបនឹងមិនអនុញ្ញាតឲ្យយន្តហោះធ្វើការហោះហើរឆ្លងកាត់ដែនអាកាសនៃប្រទេសពួកគេវិញ ដូចមុនទេ។

ការគាំងដំណើរចរាចរណ៍ផ្លូវអាកាស ក៏បានផ្តើមជះឥទ្ធិពលអាក្រក់ដែរ ទៅលើក្រុមហ៊ុនអាស៊ីមួយចំនួនដែលរកស៊ីជាមួយអឺរ៉ុប។ មានជាបឋម ឧស្សាហកម្មវាយនភណ្ឌ។ នៅប្រទេស Bangladesh សម្លៀកបំពាក់រាប់សិបតោនត្រូវបានស្តុកចោល រង់ចាំការដឹកជញ្ជូនទៅកាន់អឺរ៉ុប។ ម្ចាស់ក្រុមហ៊ុនកំពុងបារម្ភក្រែងអ្នកដែលបានចុះកិច្ចសន្យាហើយ បែរជាបដិសេធមិនព្រមទទួលទំនិញ ដោយហេតុតែមានការយឺតយ៉ាវ។

ដោយឡែក នៅចិន ជាពិសេសនៅខេត្តGuangdong ប៉ែកខាងត្បូងនៃប្រទេស រោងចក្រកាត់ដេរជាច្រើនចាប់ផ្តើមបន្ថយសកម្មភាពរបស់គេ ដោយហេតុតែការយឺតយ៉ាវខ្លាំងក្នុងការដឹកជញ្ជូនសម្លៀកបំពាក់តាមផ្លូវអាកាសទៅកាន់អឺរ៉ុប។

ផ្សារTsukijiដែលជាផ្សារត្រីSaumonធំជាងគេនៅទីក្រុងTokyo មានវិបត្តិគ្មានត្រីSaumonមកពីប្រទេសNorvège
(រូបថត៖reuters)

នៅប្រទេសជប៉ុន អស់មានត្រីSaumon ធ្វើSushi

ប្រជាជនជប៉ុនដែលចូលចិត្តបរិភោគត្រីឆៅ ត្រូវការនាំត្រីSaumon ៩០ភាគរយ ពីប្រទេសក្រៅ ជាអាទិ៍មកពីប្រទេសNorvège ពីព្រោះត្រីSaumon ដែលនេសាទបាននៅជប៉ុនមានចំនួនមិនគ្រប់គ្រាន់ទេ ដើម្បីយកមកធ្វើSushi។

ឧទាហរណ៍ ជាច្រើនថ្ងៃកន្លងមកហើយ នៅផ្សារTsukiji ដែលជាផ្សារត្រីSaumon ធំជាងគេនៅទីក្រុងTokyo អ្នកលក់ក៏ដូចអ្នកទិញត្រី នាំគ្នាត្អូញត្អែរ ពីព្រោះគ្មានត្រីSaumonមកពីប្រទេសNorvège។

ដោយហេតុតែគ្មានជើងយន្តហោះមកពីអឺរ៉ុប ក្រុមហ៊ុនជប៉ុនSaihoku ដែលទិញត្រីSaumon២ពាន់តោនក្នុងមួយឆ្នាំៗ ពីប្រទេសNorvège បានខាតប្រាក់អស់ជិត ៣០ម៉ឺនដុល្លារ ក្នុងអំឡុងពេលប្រាំមួយថ្ងៃចុងក្រោយនេះ។

ដោយឡែក ក្រុមហ៊ុនNissan នឹងបិទរោងចក្រចំនួនបី នៅថ្ងៃស្អែកនេះ មួយនៅជាយក្រុងTokyo និងពីរទៀតនៅប៉ែកខាងត្បូងនៃប្រទេស។ មូលហេតុគឺមកពីNissan ទិញគ្រឿងឡានខ្លះដូចជា Systèmes d’air comprimé ជាដើម មកពីប្រទេសIrlande សម្រាប់រថយន្ត modèle Cube Murano និង Rogue។ ដោយហេតុតែអស់Systèmes d’air comprimé ហ្នឹង ដ្បិតគ្មានជើងយន្តហោះមកពីអឺរ៉ុប ទើបក្រុមហ៊ុនNissan គ្មានជម្រើសអ្វីផ្សេងក្រៅពីបិទរោងចក្រខ្លះ ចោលមួយរយៈ។

រីឯ ក្រុមហ៊ុនSamsung នៅកូរ៉េខាងត្បូងវិញ គេកំពុងតែមួម៉ៅចិត្តខ្លាំង ពីព្រោះ ការដឹកជញ្ជូនទៅកាន់អឺរ៉ុប ទូរស័ព្ទដៃចំនួន២០ម៉ឺនគ្រឿងដែលមានតម្លៃជាទឹកប្រាក់ប្រមាណ៣០លានដុល្លារ ត្រូវបានអាក់ខាន។

ទាំងនេះស្តែងឲ្យឃើញថា ការបិទដែនអាកាសអឺរ៉ុបប៉ុន្មានថ្ងៃចុងក្រោយនេះ ដោយហេតុតែដុំពពកផ្សែងបង្កប់ទៅដោយផេះភ្នំភ្លើងនៃប្រទេសIslande គឺជាវិបត្តិសេដ្ឋកិច្ចមួយថ្មី ដែលកំពុងជះចំហាយរបស់វាទៅដល់អាស៊ី៕

ព្រឹត្តិការណ៍ប្រចំាថ្ងៃ

FMI

FMI បារម្ភការកើនឡើងខ្ពស់នៃប្រាក់បំណុលសាធារណៈ

មូលនិធិរូបិយវត្ថុអន្តរជាតិ( FMI ) បានព្រមានកាលពីថ្ងៃអង្គារម្សិលមិញថា វិបត្តិហិរញ្ញវត្ថុពិភពលោកអាចឈានចូលដល់វគ្គមួយថ្មី។ វគ្គថ្មីដែលគេសម្គាល់ឃើញមានប្រាក់បំណុលរបស់រដ្ឋកើនកាន់តែច្រើនឡើងៗ។

21/04/2010 12:55 ម៉ោងសកល

បទវិភាគរបស់ សៀក សារិន

អឺរ៉ុប

ចរាចរណ៍ផ្លូវអាកាសបន្តជាប់គំាង ដោយសារ ដុំពពកផ្សែង និងផេះភ្នំភ្លើង

ថ្ងៃចន្ទ ទី១៩ មេសានេះ ឈានចូលដល់ថ្ងៃទី ៥ហើយ ដែលព្រលានយន្តហោះមួយចំនួនធំៗនៅក្នុងប្រទេសអឺរ៉ុប មានដំណើរការយ៉ាងរអាក់រអួល និងខ្លះទៀត កំពុងបន្តបិទទ្វារ។ ភាពរអាក់រអួល ដោយសារដុំពពកផ្សែង និងផេះភ្នំភ្លើង ដែលផ្ទុះនៅក្នុងប្រទេស Islande កាលពីថ្ងៃពុធ ទី១៤ មេសា។

19/04/2010 14:18 ម៉ោងសកល

បទអន្តរាគមន៍របស់គួច គន្ធារ៉ា

ដើមបូព៌ា-អ៊ីស្រាអែល-ប៉ាលេស្ទីន

អ៊ីស្រាអែលចង់ប្តូរឥរិយាបថក្នុងបញ្ហាអាណានិគមកិច្ច

នៅពេលថ្មីៗនេះ លោករដ្ឋមន្ត្រីក្រសួងហិរញ្ញវត្ថុអ៊ីស្រាអែលបានព្រមានថា អ៊ីស្រាអែលអាចនឹងប្តូរប្រែឥរិយាបថរបស់ខ្លួនក្នុងការសាងសង់លំនៅដ្ឋានថ្មីនៅតំបន់Cisjordanie បើប្រសិនជាភាគីប៉ាលេស្ទីនពុំព្រមចាប់ធ្វើការចរចាឡើងវិញដើម្បីស្វែងរកសន្តិភាពទេនោះ។

18/04/2010 16:11 ម៉ោងសកល

បទវិភាគរបស់សៀក សារិន

ថៃ-វិបត្តិនយោបាយ

ពួកអ្នកដឹកនាំអាវក្រហមនឹងយល់ព្រមប្រគល់ខ្លួនឲ្យអាជ្ញាធរថៃ

ពួកអ្នកដឹកនាំចលនាអាវក្រហមបានប្រកាសឲ្យដឹងនៅថ្ងៃសៅរ៍នេះថា គេនៅតែបន្តប្រយុទ្ធប្រឆាំងនឹងរដ្ឋាភិបាលអភិស៊ីត ហើយទន្ទឹមគ្នានេះ គេបានប្រកាសទៀតថា គេនឹងយល់ព្រមប្រគល់ខ្លួនឲ្យនគរបាលថៃ ក៏ប៉ុន្តែនៅក្រោយថ្ងៃ១៥ឧសភា។

17/04/2010 15:19 ម៉ោងសកល

បទអន្តរាគមន៍របស់សៀក សារិន

វិបត្តិថៃ

ចូលឆ្នាំចប់ ស្ថានភាពតានតឹងឡើងវិញ

នៅថ្ងៃសុក្រនេះ ដែលជាទិវាចុងក្រោយនៃបុណ្យចូលឆ្នាំថ្មី កងកម្លាំងរក្សាសន្តិសុខថៃបានធ្វើប្រតិបត្តិការក្រសោបចាប់ពួកមេដឹកនាំអាវក្រហម នៅសណ្ឋាគារមួយ ក្នុងទីក្រុងបាងកក។ ក៏ប៉ុន្តែពួកមេដឹកនាំចលនាបាតុកម្ម បានរត់គេចខ្លួនទាន់។ ប្រតិបត្តិការនេះ បានធ្វើឲ្យស្ថានភាពទូទៅតានតឹងឡើងវិញខ្លាំង។ ការប្រឈមមុខដាក់គ្នារវាងពួកបាតុករអាវក្រហមនិងរដ្ឋាភិបាលអាភីស៊ីត អាចនឹងបង្កឲ្យមានអំពើហិង្សាកើតឡើងវិញគ្រប់ពេលវេលា។

16/04/2010 14:03 ម៉ោងសកល

បទអន្តរាគមន៍របស់តាន់ ហ្សង់-ហ្រ្វង់ស័រ

ដើមបូព៌ា-អ៊ីស្រាអែល

ទស្សនកិច្ចនៃប្រធានាធិបតីអ៊ីស្រាអែលនៅប្រទេសបារាំង

លោកប្រធានាធិបតីអ៊ីស្រាអែលShimon Peresកំពុងបំពេញទស្សនកិច្ចចំនួនបីថ្ងៃនៅប្រទេសបារាំង នៅខណៈដែលប្រទេសអ៊ីស្រាអែលកំពុងស្គាល់ភាពឯកានៅលើឆាកអន្តរជាតិ។

14/04/2010 14:21 ម៉ោងសកល

បទអន្តរាគមន៍របស់ សៀក សារិន

អាមេរិក-ជំនួបកំពូលនុយក្លេអ៊ែរ

ជំនួបកំពូល ស្ដីពី ការគំរាម នៃអាវុធ នុយក្លេអ៊ែរ

សហរដ្ឋអាមេរិកប្រកាសឲ្យដឹងថា ការគំរាមប្រើអាវុធនុយក្លេអ៊ែរដោយពួកភេរវជនមានកាន់តែខ្លាំងឡើងៗ។ ហើយទីក្រុងវ៉ាស៊ីនតោនបានស្វាគមន៍សរសើរដល់សេចក្តីសម្រេចចិត្តរបស់ប្រទេសអ៊ុយក្រែនដែលបានយល់ព្រមកំទេចស្តុកនៃជាតិ Uranium ចម្រើនធាតុដើម្បីរក្សាសន្តិសុខ កុំឲ្យវត្ថុធាតុទាំងនោះធ្លាក់ទៅក្នុងដៃរបស់ពួកភេរវជន។

13/04/2010 13:55 ម៉ោងសកល

បទវិភាគរបស់ សៀក សារិន

ថៃ

ពួកអាវក្រហមហែសពគ្នីគ្នាគេ

២ ថ្ងៃ ក្រោយពីមានការវាយប្រហារគ្នាយ៉ាងហិង្សារវាងបាតុករអាវក្រហម និងទាហាន កាលពីថ្ងៃសៅរ៍ ទី១០ មេសា ដែលបានបណ្តាលឲ្យស្លាប់មនុស្ស ២១នាក់ និងរបួសជិត ៩០០នាក់មក។ នៅថ្ងៃទី១២ មេសានេះ ពួកអាវបានធ្វើបុណ្យសពឲ្យគ្នីគ្នាគេ។

12/04/2010 15:31 ម៉ោងសកល

បទវិភាគរបស់ គួច គន្ធារ៉ា

ថៃ

ចំនួនអ្នកស្លាប់កើនឡើងដល់ ២១នាក់ ក្នុងការបង្រ្កាបបាតុកម្មអាវក្រហម

ក្រោយពីបានដកថយកាលពីក្បាលព្រលប់ ទាហាន និងប៉ូលិសថៃ បានសម្រុកចូលបង្រ្កាបពួកអាវក្រហមជាថ្មីម្តងទៀត នៅពេលយប់។ ការប្រយុទ្ធគ្នារវាងបាតុករ និងទាហាន បានបណ្តាលឲ្យស្លាប់មនុស្ស ២១នាក់ និងរបួស ជាង ៨០០។ ក្នុងចំណោមអ្នកស្លាប់ក៏មានអ្នកកាសែតជនជាតិជប៉ុនម្នាក់ដែរ។

11/04/2010 14:42 ម៉ោងសកល

បទវិភាគរបស់ សេង ឌីណា

ទាក់ទងនឹងប្រធានបទនេះ