Isa ga babban shafi
Nijar

'Yan adawa na zanga-zanga a Nijar

'Yan adawa sun mamaye harabar Majalisa a Yamai
'Yan adawa sun mamaye harabar Majalisa a Yamai

Gungun ‘yan adawa a Nijar sun fito suna zanga-zanga a yau a birnin Yamai ta kin jinin gwamnatin shugaba Mahamadou Issoufou tare da neman ganin an ba bangaren shari’a ‘yanci.

Talla

‘Yan adawar kuma na kukan tsadar rayuwa da matsalar cin hanci da rashawa da rashin tafiyar da gwamnati ta hanyar da ta dace.

Masu zanga-zangar dai sun mamaye harabar majalisa a Yamai suna yayata cewa “Tayi Tauri, ka fice ya isa haka nan”.

Bukatun masu zanga-zangar kuma sun hada da neman a saki fursunonin siyasa da aka cafke a shekarar 2015 kan zargin yunkurin juyin mulki, sannan sun bukaci ficewar dakarun Faransa da Amurka da Jamus da suka kafa sansanonin yakar ‘yan ta’adda a Mali da Libya.

Zanga-zangar dai ta yi karo da wadda aka taba gudanarwa a watan Janairu da ke nuna goyon baya ga jagorancin shugaba Mahamadou Issoufou.
 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.