Isa ga babban shafi
Iran

Rouhani na ziyarar aiki a India

Shugaban kasar Iran Hassan Rohani tare da Firaministan India Narendra Modi.
Shugaban kasar Iran Hassan Rohani tare da Firaministan India Narendra Modi. REUTERS

Shugaban Iran Hassan Rohani ya fara ziyarar aiki ta tsawon kwanaki uku a India domin habaka kasuwanci da kuma musayar fasaha a bangaren makamashi tsakanin kasashen biyu.

Talla

Ziyarar shugaban ta farko zuwa India tun bayan hawansa mulki za ta dauke shi tsawon kwanaki 3 ta yadda za su tattauna muhimman batutuwa da suka shafi huldar kasuwancin da ke tsakaninsu kafin komawarsa gida a ranar Alhamis din makon nan.

Akwai dai kyakkyawar alaka a tsakanin kasashen biyu, tun daga lokacin da Firaministan India Nerendra Modi ya ziyarci Iran a shekara ta 2016, inda shugabannin biyu suka kaddamar da gina wata tashar jiragen ruwa a Chabahar kudu maso gabashi Iran.

Haka zalika India na daga cikin jerin manyan kasashe uku da ke ci gaba da sayen man fetur din Iran ko a lokacin da takunkuman Amurka ke tsaka da aiki  akan Iran.

A lokuta da dama dai kasashen biyu kawayen juna kan tsoma baki kan al'amuran cikin gidan junansu kamar yadda ya faru a bara Inda jagoran addinin Iran Ayatollahi Khamene'i ya tsoma baki kan takaddamar yankin Kashmir da India.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.