Isa ga babban shafi

Mun samu cikakkiyar nasarar murkushe ISIS a Syria - SDF

Wasu dakarun kungiyar SDF ta hadin gwiwa tsakanin ‘yan tawayen Syria da mayakan Kurdawa da Amurkawa ke marawa baya.
Wasu dakarun kungiyar SDF ta hadin gwiwa tsakanin ‘yan tawayen Syria da mayakan Kurdawa da Amurkawa ke marawa baya. AP/Maya Alleruzzo

Rundunar hadakar ‘yan tawayen Syria da mayakan Kurdawa ta SDF da Amurkawa ke marawa baya, ta yi shelar samun cikakkiyar nasarar murkushe mayakan ISIS a kasar ta Syria.

Talla

Nasarar na nufin kawo karshen yakin shekaru 4 da mayakan na SDF suka shafe suna gwabzawa da ISIS, kungiyar da ta mamaye yankuna masu fadin gaske a kasar ta Syria da kuma Iraqi.

Da safiyar wannan Asabar kakakin mayakan ‘yan tawayen Syria Mustafa Bali, ya yi shelar samun nasarar ta shafinsa na twitter.

Kafin sanarwar a ranar Juma’a ma’aikatar tsaron Amurka ta bada tabbacin cewa, dakarun hadin gwiwar sun yi nasarar kwace duk wani yanki da a baya ke karkashin ikon kungiyar ta ISIS a Syria.

Kungiyar ISIS ko ISIL reshe ne daga kungiyar al-Qaeda, wadda ta bayyana a kasar Iraqi cikin shekarar 2006, inda ta rika kaiwa sojojin Amurka da kawayensu hare-hare musamman a Bagadaza babban birnin kasar ta Iraqi, shekaru 3 bayan mamaye kasar da sojin Amurka suka yi.

Bayan nasarar korar mayakan ISIL daga Bagadaza sai suka kafa cibiya mai karfi a Mosul, birni na biyu mafi girma a kasar ta Iraqi, inda daga nan kai hare-hare zuwa sauran sassan kasar.

A shekarar 2010, kungiyar ta bayyana Abu Bakr al-Baghdadi a matsayin shugabanta, wanda ya jagoranci hare-hare masu muni kan yankunan Iraqi da Syria, wadanda suka rutsa da fararen hula da dama.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.