Isa ga babban shafi
Wasanni

Sarri ya amince da tayin komawa Juventus

Kocin Chelsea Maurizio Sarri.
Kocin Chelsea Maurizio Sarri. REUTERS/Hannah McKay

Mai horas da kungiyar Chelsea Maurizio Sarri, ya amince da tayin komawa Juventus don maiye gurbin kocinta Massimiliano Allegri, bayan kammala karkare kakar wasa ta bana, inda Chelsea za ta fafata da Arsenal a wasan karshe na gasar Europa.

Talla

Juventus ta samu nasarar cimma yarjejeniya da Sarri, bayan da Kocin Manchester City Pep Guardiola ya ki amincewa da tayin Juventus din na karbar aikin horas da yan wasanta, ko da yake daga bisani itama Juventus ta musanta rahotannin da suke ce ta tuntubi Guardiola.

A baya dai, kungiyar ta Juventus ta yi kokarin cimma yarjejeniya da tsohon kocin Chelsea Antonio Conte ko kuma tsohon kocin Manchester United Jose Mourinho, amma hakarta ta gaza cimma ruwa.

Sai dai a yanzu tuni ciniki ya fada tsakanin Maurizio Sarri da kungiyar ta Juventus, wanda za ta rika biyansa euro miliyan 6 da dubu 100 a shekara, a karkashin yarjejeniyar da za ta shafe shekaru 3.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.