Isa ga babban shafi
Wasanni

Real Madrid ta lallasa Barcelona a wasan El Clasico

Vinicius Junior dan wasan gaba na Real Madrid yayin murnar jefa kwallon farko a ragar Barcelona, yayin fafatawar wasan El Clasico.
Vinicius Junior dan wasan gaba na Real Madrid yayin murnar jefa kwallon farko a ragar Barcelona, yayin fafatawar wasan El Clasico. REUTERS/Juan Medina

Real Madrid ta lallasa Barcelona da kwallaye 2-0, yayin fafatawar El Clasico da suka yi jiya lahadi a gasar La Liga ta Spain.

Talla

‘Yan wasan Real Madrid masu masaukin baki Vinicius Junior da Mariano Diaz ne suka ci kwallayen, yayin wasan da fafata a filin wasa na Santiago Bernabeu.

Nasarar dai ta karawa kungiyar ta Madrid kwarin gwiwar burin lashe kofin gasar La Liga na bana duk da cewa yayi wuri a yi hasashen zakarar gasar ta bana. Zalika doke Barcelonan, ya ragewa kungiyar ta Real Madrid radadin kayen da ta sha a hannun Manchester City, yayin fafatawarsu a gasar cin kofin Zakarun Nahiyar Turai.

Yanzu haka dai Real Madrid ke jan ragamar gasar La Liga damaki 56, yayinda Barcelona ke niye damaki 55, sai Kuma Sevilla a matsayi na 3 damaki 46.

Bincike ya nuna cewar akalla mutane miliyan 80 kan kalli irin wannan karawar kai tsaye lokacin da ake yin ta a kasashen duniya.

Tarihi ya nuna cewar sau 180 aka fafata tsakanin Barceloana da Real Madrid a gasar La Liga, inda Madrid ta samu nasara sau 72 Barcelona ma sau 72, suka kuma yi kunnen kunnen doki 36.

A jimlace kuma Real Madrid da Barcelona sun hadu sau 243, Madrid ta samu nasara sau 95, Barcelona kuma sau 96, yayainda kuma suka tashi kunnen doki sau 52.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.