អានតួអត្ថបទ
អ.ស.ប

លោកអង់តូនីញ៉ូ ហ្គូទែរស៍៖​បម្រែបម្រួល​អាកាសធាតុ​ជា​បញ្ហា​ដែល​ពិភពលោក​ត្រូវ​គិតគូរ​យ៉ាង​បន្ទាន់​បំផុត

United Nations Secretary General Guterres delivers opening address at General Assembly in New York
United Nations Secretary General Guterres delivers opening address at General Assembly in New York Reuters

នៅ​ថ្ងៃ​អង្គារ ទី២៥ កញ្ញា លោក​អគ្គលេខាធិការ​អង្គការសហប្រជាជាតិ អង់តូនីញ៉ូ ហ្គូទែរស៍ (Antonio Guterres) បាន​ថ្លែង​សុន្ទរកថា​បើក​មហាសន្និបាត​អង្គការសហប្រជាជាតិ​លើកទី៧៣ ក្នុង​ទីក្រុង​ញូយ៉ក សហរដ្ឋអាមេរិក។ នៅ​ក្នុង​សុន្ទរកថា​នោះ លោក ហ្គូទែរស៍ បាន​សម្តែង​ការ​សោកស្តាយ​ចំពោះ​ពិភពលោក​មួយ​ដែល​កំពុង​ធ្លាក់​ក្នុង​ភាព​វឹកវរ​កាន់​តែ​ខ្លាំង។ តែ​ក្នុង​ចំណោម​បញ្ហា​ដែល​ពិភពលោក​កំពុង​ជួប​ប្រទះ​សព្វថ្ងៃ លោក ហ្គូទែរស៍ បាន​ទាញ​សញ្ញាអាសន្ន​ពី​បម្រែបម្រួល​អាកាសធាតុ​ដែល​កំពុង​មាន​សន្ទុះ​យ៉ាង​លឿន។

ផ្សាយពាណិជ្ជកម្ម

« ជា​ដំបូង គេ​ត្រូវ​គិតគូរ​ពី​គ្រោះថ្នាក់​ដែល​កំពុង​គំរាមកំហែង​ដោយ​ផ្ទាល់​ដល់​ជីវិត​រស់នៅ​របស់​យើង នោះ​គឺ​ការ​ប្រែប្រួល​អាកាសធាតុ។ យើង​ទាំង​អស់​គ្នា​កំពុង​ស្ថិត​ក្នុង​ស្ថានភាព​ហានិភ័យ​មួយ។ ប្រសិន​បើ​យើង​មិន​នាំ​គ្នា​រួសរាន់​គិតគូរ​នៅ ២ឆ្នាំ​ខាង​មុខ​ទេ យើង​នឹង​បាត់បង់​ការ​ត្រួតពិនិត្យ​លើ​ស្ថានការណ៍​មួយ​នេះ។

បម្រែបម្រួល​អាកាសធាតុ​កំពុង​ធ្វើ​ដំណើរ​ទៅ​មុខ​លឿង​ជាង​យើង​ទៅ​ទៀត។ នៅ​ប៉ុន្មាន​សប្តាហ៍​មុន​នេះ ផ្ទាំងទឹកកក​ដ៏​ក្រាស់ខ្មឹក ល្បីឈ្មោះ និង​រឹងមាំ​ជាង​គេ​នៅ​ប៉ែកខាងជើង​កោះ Groenland ក្នុង​ទឹកដី​ដាណឺម៉ាក​បាន​ចាប់​ផ្តើម​ប្រេះ​ជា​លើកទី១។ ចំណែក​បរិមាណ​ឧស្ម័នពុល​កាបូនិក​នៅ​ក្នុង​បរិយាកាស​មិន​ដែល​ធា្លប់​ឡើង​ខ្ពស់​ដូច​ពេល​នេះ​ទេ​ក្នុង​រយៈពេល ៣លានឆ្នាំ​កន្លង​ទៅ។ ចរន្ត​មួយ​នេះ​កំពុង​បន្ត​ដំណើរ​ទៅ​មុខ ហើយ​ធ្ងន់ធ្ងរ​ជាង​នេះ​ទៅ​ទៀត​នោះ សកម្មភាព​របស់​យើង​ក្នុង​នាម​ជា​អ្នកដឹកនាំ​ពិភពលោក​នៅ​មិន​ទាន់​ឆ្លើយ​តប​នឹង​ស្ថានការណ៍។

យើង​ទាំង​អស់​គ្នា​ត្រូវ​តែ​ស្តាប់​ការ​ពន្យល់​បកស្រាយ​របស់​ក្រុម​អ្នកវិទ្យាសាស្រ្ត​នៅ​ទូទាំង​ពិភពលោក។ យើង​ទាំង​អស់​គ្នា​ត្រូវ​តែ​ក្រឡេក​មើល​ការ​ពិត​ដែល​នៅ​ចំពោះ​មុខ​យើង។ ហើយ​យើង​ទាំង​អស់​គ្នា​ត្រូវ​តែ​មាន​មហិច្ឆតា​ឲ្យ​ច្រើន​ជាង​នេះ ហើយ​បង្ហាញ​ចេញ​ពី​ភាព​បន្ទាន់​ជាង​មុន​ក្នុង​ការ​ដោះស្រាយ​បញ្ហា »៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

ទាញយកដោយឥតគិតថ្លៃ

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ