អានតួអត្ថបទ
ហ្វីលីពីន

ហ្វីលីពីន​រង​ការ​វាយ​ប្រហារ​ដោយ​ព្យុះ​Hagapit

Dans la ville portuaire de Tacloban, dans le centre de l'archipel des Philippines, les dégâts humains et matériels du typhon Haiyan sont considérables.
Dans la ville portuaire de Tacloban, dans le centre de l'archipel des Philippines, les dégâts humains et matériels du typhon Haiyan sont considérables. Reuters TV

នៅ​ថ្ងៃ​អាទិត្យ​នេះ​ ព្យុះ​ទីហ្វុង​ឈ្មោះ​ Hagupit​ បាន​វាយ​ប្រហារ​ប្រទេស​ហ្វីលីពីន​ដូច​ការ​ព្យាករ​ទុក​ ហើយ​ផ្ទះ​របស់​សហគមន៍​នេសាទ​ត្រូវ​បាន​ហែកហួរ​ដោយ​ព្យុះ​មួយ​នេះ​ នៅ​ក្នុង​ភាគ​ខាង​កើត​ប្រទេស​ហ្វីលីពីន​។ ​ការ​មក​ដល់​នៃ​ព្យុះ​ទីហ្វុង​Hagupi​t បាន​បង្ករ​ជា​ការ​លំបាក​ទៅ​លើ​មនុស្ស​រាប់លាន​នាក់​ ដោយ​សារ​តែ​ការ​វាយ​ប្រហារ​របស់​វា។

ផ្សាយពាណិជ្ជកម្ម

ព្យុះ​ទីហ្វុង​ ដែល​បកបោក​មកពី​សមុទ្រ​ប៉ាស៊ីហ្វិក​នៅ​ពេល​នេះ​ បាន​បកបោក​ចំ​ប្រទេស​ហ្វីលីពីន​ហើយ​ កាល​ពី​យប់​ថ្ងៃ​សៅរ៍ ​ជាមួយ​នឹង​ល្បឿន​ប្រមាណ​២១០គីឡូម៉ែត្រ​ក្នុង​មួយ​ម៉ោង។ ​ព្យុះ​ទីហ្វុង​Hagupit​ បាន​វាយប្រហារ​លើ​តំបន់​សាម៉ា ​ដែលមាន​ប្រជា​នេសាទ​ភាគ​ច្រើន​រស់នៅ​ទីនោះ។​ នេះ​បើតាម​ការ​បញ្ជាក់​របស់​ទីភ្នាក់ងារ​ឧតុនិយម​របស់​ហ្វីលីពីន។

កម្លាំង​ខ្យល់​បាន​ធ្វើឱ្យ​ Hagupit​ ក្លាយ​ជា​ព្យុះ​ដ៏​មាន​ឥទ្ធិពល​បំផុត​ក្នុងការ​វាយប្រហារ​ប្រទេស​ហ្វីលីពីន​នៅ​ដំណាច់​ឆ្នាំនេះ​ ពោល​គឺ​វា​មាន​ឥទ្ធិពល​លើស​ពី​ព្យុះ​ទីហ្វុង​មួយ​ ដែល​បាន​កើតឡើង​នៅក្នុង​ខែ​កក្កដា ​ហើយ​បាន​សម្លាប់​មនុស្ស​ជាង ​100 នាក់។ ​លោក ស្តេហ្វានី​ អ៊ុយ តាន​ ជា​អភិបាល​ក្រុង​សាម៉ា​បាន​បញ្ចាក់​ថា​ ដំបូល​ផ្ទះ​បាន​ហើរ​ចេញ​ដោយសារ​កម្លាំង​ខ្យល់​ ហើយ​ដើម​ឈើ​បាន​ដួល​រលំ​ និង​បង្ករ​ជា​ទឹក​ជំនន់ ​រួមទាំង​ការ​បាក់​ដី​ផងដែរ។

គួរ​បញ្ជាក់​ថា​កាល​ពី​ឆ្នាំ​មុន​ព្យុះ​ទីហ្វុង​ហាយ​យ៉ាន​ បាន​សម្លាប់​ជីវិត​មនុស្ស​ប្រមាន​៧៣៥០នាក់​ ហើយ​ពេល​នេះដែរ​ រដ្ឋាភិបាល​ក៏បាន​ជម្លៀស​ប្រជាជន​ ដើម្បី​បង្ការ​ពី​ការ​វាយប្រហារ​ដោយ​ព្យុះ​Hagupit​នេះ។ ​Hagupit​ ត្រូវ​បាន​ព្យាករ​ថា​ វា​នឹង​មាន​ឥទ្ធិពល​លើ​ប្រទេស​ហ្វីលីពីន​ក្នុង​រយៈពេល​បី​ថ្ងៃ ​ដោយ​ចាប់​គិតពី​ថ្ងៃ​សៅរ៍​ ហើយ​វា​នឹង​បក​កាត់​តំបន់​ក្រីក្រ​របស់​ប្រទេស​នេះ ​ពោល​គឺ​​ភាគ​កណ្តាល​របស់​ហ្វីលីពីន​ ហើយ​វា​នឹង​នាំមក​ជាមួយ​នូវ​ភ្លៀង​ធ្លាក់​ខ្លាំង​ក្នុង​តំបន់​មួយ​ចំនួន​ទៀត​ ដូចជា​ទីក្រុង​ម៉ានីល​ជាដើម។

អ្វី​ដែលជា​បញ្ហា​សម្រាប់​ប្រទេស​ហ្វីលីពីន​ នោះ​គឺ​ព្យុះ​ថ្មី​នេះ​បាន​វាយប្រហារ​ចំ​ដំបន់​មួយ​ដែល​ធ្លាប់​ទទួល​រង​ការ​វាយប្រហារ​ ដោយ​ព្យុះ​ហាយ​យ៉ាន​កាល​ពី​១៣ខែ​មុន​ ពោល​គឺ​ប្រជាពលរដ្ឋ​ប្រមាណ​១០លាន​នាក់​ ដែល​នៅក្នុង​តំបន់​នោះ​កំពុងតែ​ងើប​ឡើង​វិញ​ក្រោយ​ពី​ការ​វាយ​ប្រហារ​របស់​ហាយ​យ៉ាន​ ហើយ​ក៏​ជួប​នឹង​ព្យុះទីហ្វុង​ថ្មី​មួយទៀត​នៅ​ឆ្នាំនេះ។​ យ៉ាងណាមិញ​ រហូត​មកដល់​ពេលនេះ​មិនទាន់​មាន​ការ​បញ្ចាក់​ណា​មួយ​ពី​ចំនួន​មនុស្ស​ដែល​ស្លាប់​ និង​រងរបួស ​ដោយ​ការ​វាយ​ប្រហារ​ដោយ​ព្យុះ​ទីហ្វុង​Hagupit​នេះ ​នៅឡើយ​ទេ៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ