Jonnde G5 Sahel to Njamena laamorgo CAAD

Mbatu G5 Sahel to Ndjamena ñannde 15 e 16 lewru ɗiɗaɓuru 2021, ngam  ndartude janngo dental ngal.
Mbatu G5 Sahel to Ndjamena ñannde 15 e 16 lewru ɗiɗaɓuru 2021, ngam ndartude janngo dental ngal. AFP - MICHELE CATTANI

 Horeeɓe leyɗe 5 Sahel, ɗen woni Moritani, Mali, Burkina Faso, Caad e Niijeer, jooɗoto e mbatu balɗe ɗiɗi to laamorgo Njamena. Tawdete e jonnde nden hooreejo Faransi Emmanuel Macron, kanko e horeejo dental leyɗe Erop.  Ko e wisiyoo-konferensi ɓe ɗiiɗo tawtortee sabu  ñawu koronawirisi. E ley ngal diisondiral, ɓe yewtan fii janngo  konukooɓe Barkaan to sahel. E ko honno konukooɓe ɗee leyɗe 5 sahel ngel goni haɓirde jihandiyankooɓe e nden nokkuure.Ngal kawrital waɗii hitaande caggal mbatu nganoongal to Pau Faransi laatike saababu beydugol teemeɗe jeegom konukooɓe e keerol hakkunde Mali, Niijer, Burkina Faso to sahel .E bi'ol Jean Yves Le Drian jaagorɗo halfinaaɗo huuwondiral Faransi leyɗe janane, nguu mbatu wonan beydugol gollidingol ɓamtaare hakkunde Faransi e ɗee leyɗe .Miccintinde, duuɓi jeetati hikka fedde konukooɓe Faransi  Barkhaan ina tawee e sahel ngam haɓugol  fantiyankooɓe walla sembenkooɓe.E ley majjum hooreeɓe konu Faransi hollitii wonnde ɓe pamɗinii semmbe yimɓe fedde diiwal lislaamuyanko, ɓe mbarii  horeeɓe AQmi.