Niijjeer: moy woni Muhammed Bazum?

Muhammed Bzum, hooreejo keso Niijeer
Muhammed Bzum, hooreejo keso Niijeer Niger Search

 Muhammed Bazum jibinaama ko e go’o lewru go'aɓuru hitaande ujuneere e teemeɗɗe jeenay e cappanɗe jeegom e wuro wi'eteengo, Bilabriin ley diiwal Diffa. Ko ɗon suudu maɓɓe eggi, yahi hoɗoyi Tesker e ley diiwal Zinder. Ko ton o heɓi bakkaloryaa makko. Caggal on, o heɓii bursu janngoyde to duɗal mawngal Sheekh Anta JOOP Dakar, ton o dañi seedagu walla (dipoloom) e ganndal filojofi politik e ndimaaku.E wartugol Mohamed Bazoun janngoyde Niijeer, o laatike janngiinowo filojofi. E on wakati omo tawanoo e pelle darniiɗe hakkeeji jannginooɓe .Mohamed Bazoum, no jogii duuɓi cappanɗe jeegom, ko kanko lomti Mahamadu Isufu e ardagol walde PNDS nde on laatii hooreejo leydi ndi e woteeji horeeyaaku Niijeer e lewru tataɓuru hitaande ujune ɗiɗi e sappo e go’o.Bazum ngardike jaagorɗe heewɗe hono, golleeji ley leydi, , ndeenaagu leydi ndi faa yottaade jaagorgal daraningal gollidal leydi Niiger e leyɗeele goɗɗe. O laatike Sarɗinkoojo cilli nayi Tesker e diiwal Zinder, omo tawanoo e sarɗinkooɓe sappo e nayo wootuɓe yamiroore e samingol laamu Hamma AamaduMiccintinde e hitaande ujuneere e teemeɗɗe jeenayi e cappanɗe jeenayi woni ko Mahammadu Isufu kañun e Mohammed Bazum e golliddiiɓe mum darni fedde politik PNDS.