Sarlon: Cumu Susan's Bay galluure wonnde sera Friton

haccande cumu waɗungi to galluure sera saare Firiton e nder Sarlon,  25 lewru 3ɓuru 2021
haccande cumu waɗungi to galluure sera saare Firiton e nder Sarlon, 25 lewru 3ɓuru 2021 © afp.com - Saidu BAH

Sarlon, ko timmi ujune njeeɗiɗi yimɓe hoɗunooɓe e saare Susan's Bay wonunde Firiton ka laamorngo leydi, ɓe cuuɗi mum sumi yontere yawtunde, no hatonjini e ballal. Ko ɗum hooreejo nojoɓere toppitiinde boneeji ngenndi Sarlon holli e talaata.

Jeeyngal

Ko ñannde 24 nduu lewru, saare ɓurnde mawnude, wi'eteende Susan's Bay wonunde e daade maayo Atlantik sumii.  Hooreeɓe ɓen hollii wonnde hay gooto maayaali, kono yimɓe 409 barmi, ɓuri ujune 7 yimɓe boniraama.

Debbo no paytoo e nder tunte battane cumu to saare Susan's Bay, Sarlon 25 /3/2021
Debbo no paytoo e nder tunte battane cumu to saare Susan's Bay, Sarlon 25 /3/2021 © afp.com - Saidu BAH

E ɓi’ol nojoɓere toppitiinde boneeji ngenndi, yimɓe 73 e nder teemederewel (%) ko e yaasi woni e waalude fewndo ɗoo. Yimɓe 16 e nder teemeedere no fattii e kawte. Guwerneman on moƴƴini koɗanɗe 53, o walliriiɓe ndiyam yimɓe ujune 5.

E bi’ol Mariyama Kargbo kennguujo jooɗiiɗo Susan's Bay gila duuɓi noogay holli woonde emmbere ndiyam e ñaameteeji ko ɓe faaboraa kon yonataa. Koɗanɗe ɗe ɓe waɗanaa ɗen no wuli sanne.

Sarlon  fii kala no jogii jaaman, e jawle nder leydi (oogirɗe), haɗaali taweede ɓe e leyɗe ɓurɗe waasude e adunaaru ndun.

Hare waɗunooɗe hitaande 1991 haa 2002 wonuno sabu yimɓe 120.000 maayude, ɗum no woni sabu ɓeydugol ngal baasal ton. No ɓeydii e ɗum kadi, ñawu ebola natannoongu e nder leydi ndin hakkunde hitaande 2014 e 2016.