Siidi Brahim Ulde Sidati, hooreejo jooniijo toppitiiɗo pelle Azawad (CMA) waraama hannde Bamako

Sidi Brahim Uld Sidati, hooreejo CMA nde o siifi kawral jam e kaaldigal ɓiɓɓe Mali, Aljeer asewe 20 6ɓuru Bamako.
Sidi Brahim Uld Sidati, hooreejo CMA nde o siifi kawral jam e kaaldigal ɓiɓɓe Mali, Aljeer asewe 20 6ɓuru Bamako. REUTERS/Stringer

Siidi Brahim Ulde Sidati, hooreejo jooniijo toppitiiɗo  pelle Azawad (CMA) maayii hannde e nder kilinik wonɗo Bamako.  Ko hannde bimbi law, o felllaa ka  damal galle makko.

Jeeyngal

Sidi Brahim Uld Sidati, no wonnoo e yeeso galle makko, hannde e taalata bimbi law, nde wonɓe e motooru ari haa fewndo makko,  gooto e ɗiɗooɓe waɗɗiiɓe ndu felli.  Ɗum hewti kanko hooreejo CMA e neɗɗo gooto mo o wonndunoo.

Fellaaɓe ɓen doginaa naɓaa e kilinik wonɗo to laamorgo Bamako. O jaɓɓaa kisan e bulok operee. Kono kanko Sidi Brahiim ulde Sidiati o hisaali e battane gaañannde nden.

E bi’ol gooto e hiɓɓiiɓe mo, yimɓe ɗiɗo wonnooɓe ɓen e hoore ndun motooru, arnoo ko warugol mo.

Sidi  Brahim wonno koolaaɗo kuuɓal fedde aarabuyankoore Azawaad (MAA). Iwdi makko ko to soɓɓundu hirnaage nano Mali. O jeynike (joynik) CMA, nden fedde renndinde denndaangal pelle haɓaynooɗe laamu Bamako. Ko e innde denndaangal ɗen pelle o siifunoo kawral “JAM” e yaafondiral ɓiɓɓe Mali waɗunoongal Aljee ñannde 20 lewru 6ɓuru 2015.