Sudan: yimɓe njeeɗiɗo waraama, tato barmii e nder fiyannde waɗude Ley Darfuur

© Sébastien Németh/RFI

Leydi Sudan, fedde nde wonaa laamuyankoore tambiinde koɗanɗe egguɓe anndinii e cimtol, wonnde yimɓe njeeɗiɗo mbaraama, tato barmuɓe e piyande waɗunde ley Darfuur to hirnaange leydi Sudan.

Jeeyngal

Ɗum non murtuɓe joggiiɓe fetelaaji ɓorniiɓe comci konunkooɓe waɗi ɗum e bi'ol nden fedde. Ñannde noogay e go’o lewru jeetaɓuru hitaande ujune ɗiɗe sappo e jeenay ɓe darnuno laamu hakundewu to Sudan. Ɗum non ko ɗuubi nayi e leɓɓi joyi wonno happu maggu, so ɗum yawtii si subngooji  ɗii waɗee.

Caggal ɗum konunkooɓe Sudan holliri hanki hiɓe jonitii Eccopi kasooɓe cappanɗe tato e go’o konu maɓɓe. Gila leɓɓi, hare no taskaa e keerol hakkunde Sudan e Eccopi, ɗum non caggal nde arɗiiɓe Sudan wi’i wonnde hiɓe fawii jungo e hitaande ujune ɗiɗi e noogay e nokkuure wonnde ka keerol maɓɓe e Eccopi. E ɗum arɗiiɓe Eccopi tuumuno dadiiɓe Sudan wonde hiɓe fawi junngo e daaka konunkooɓe laamu nguu e nder leydi maɓɓe. Arɗiiibe Eccopi non yeddii ɗum.