Jihaadiyankooɓe nogayon maayi e fiyannde to rewo Burkina Faso

natal yeru
natal yeru PASCAL GUYOT / AFP

Koo yata jihaadiyankooɓe nogayon maayi, dakoorɗe maɓɓe nay bonna e wolde nde konukooɓe Burkina faso fuɗɗi waɗude joyi lewru nduu e rewo  leydi ndi. Non hollitiri horeeɓe konu leydi  ndi e winndannde. Minati DIALLO

Jeeyngal

Joyi lewru nduu konu leydi ndi fuɗɗi gollal e haɓude e jihaadiyankooɓe kañun e kuliyankooɓe e rewo Burkina Faso winndii hooreeɓe konu ngu. 

 

Ko yata jihaadiyankooɓe nogayon maayi kañun e daakorɗe maɓɓe nayi bonnaama e o basi, paleeji maɓɓe haala, kaɓɓorɗe, kure faa yotaande mobilaaji e motooje maɓɓe ɓantaama. Jokini winndannde nde.

Ndimaaku woni innde ko konu ngu hokki gollal ngal ɓe ngoni e waɗude. Konukooɓe hertoriiɓe wolde, konu ley kañun e laaɗe ana tawa e oo basii ndimaaku  jokkuɗo lebbi ngarooji ɗi.

Oo kabaru anditinaama balɗe seeɗan nde siwil en taton maayi kañun konukooɓe taton barmi e tuffol njammba e diiwal rewo leydi ndi.

Ndi leydi ana wonndi e piyanɗe mawɗe yimɓe guɓɓe jaahadiyankooɓe GSIM e EIGS ana ɓuri duuɓi jowi. Ƴiwde e hitaande ujunaaji ɗiɗi e sappo e joyi ko ɓuri ujuneere e teemeɗe taton ɓiɓɓe leydi ndi maayi e ɗe kippanɗe, ko ɓuri miliyon ɓiɓɓe wurooji ɗi eggi e bonneeji ɗi.