Najeriya: diiwal Kaduna fiyanɗe ɗiɗi wonii sabu yimɓe sappo e go'o maayii

Natal yeru
Natal yeru AFP/File

Nijeria, waooɓe bone warii yimɓe sappo e go’o e piyanɗe  ɗiɗi hanki e diiwal Kaduna. No e  ɓen waraaɓe durooɓe tato. jantoore Abdullay JALLO

Jeeyngal

Nijeria, yimɓe sappo e go’o tawaa e maɓɓe durooɓe mbaraama hanki e dow piyanɗe ɗiɗi e diiwal Kaduna e soɓɓiire leydi ndi. Ɗum non ko yimɓe joggiiɓe kaɓirde waɗɗi ɗin njannguuji si en tugniima e kollitol komisere halfinaaɗo geɗe kisal  nder Kaduna Samuel Aruwan e cimtol ngol o banngini. E wi’i makko  ɗin banndiiji sunnii juulirde nasaarankooɓe e galleeji heewɗi wano non durooɓe tato mbaraama to Marraban Jos ɗon ɗo ɓe wujji na’i heewɗi.

E siftinde tan ɗii duuɓi njawtuɗi waɗooɓe bonne no waɗa njannguuji e soɓɓiire-gorgaare e ka wuddu leydi Najeriya. E ɗum ɓe waruno yimɓe heewɓe e yogga e koɗooli nokku oo ɗon ɗo janngooɓe teemeɗɗe ka duɗe mawɗe ciwlaa gila lewru sappo e ɗiɗaɓuru ngam ƴamude sottaari. Ɗin banndiiji tawaaka e pelle murtruɓe walla kuliankooɓe, kono heewɓe no hulli to ɓen fayniyankooɓe no tawee e maɓɓe.