Burkina Faso: fiyanɗe ɗen ɓeydiima

Natal yeru
Natal yeru © ISSOUF SANOGO / AFP

Gila hitaande ujune ɗiɗi e sappo e jowi, Burkina Faso no e caɗeele ko faati e njannguuji walla fiyanɗe kuliyankooɓe woni.

Jeeyngal

Ko ɓuri heewde e ɗin njannguuji no taskaa to baŋŋe soɓɓiire e hirnaange leydi ndii. Ñannde tati jowaɓirdu yimɓe cappanɗe tato mbaranooma e fiyande waɗaande e dow wuro wongo e fuɗnaange leydi ndii. Ndee fiyande waɗaa ko caggal yontere nde tubaakooɓe oropnaaɓe tato mbaraa e ngal diiwal. Ñannde noogay e jeeɗiɗi lewru nayaɓuru ko famɗi fof, yimɓe sappo e jeetato waranooma e njanguuji ɗiɗi waɗaaɗi e dow gure komin (leegal) Seytenga e soɓɓiire Burkina Faso haa heewɓe eggi nden nokkuure. E ndu lewru ñannde sappo e jeetati kadi kuliyankooɓe mboomuno yimɓe sappo e njowo caggal fiyannde nde ɓe waɗi e dow galle ɗon ɗo ɓe waɗaynoo innde -boobo.

Ko ɓuri hewɗe e ɗee fiyanɗe  e wi’i de pelle ɗe wonaa laamuyankooje to Burkina Faso ko goomu jihadiyankooɓe tawaaɓe e fedde alkaa'ida e kadi Etat dawla lislaamu to Sahara. Gila nden ko yoni yimɓe ujunere e teemeɗɗe tato waraama ko ɓuri miliyon gooto yimɓe eggii, si en tugniima e bi'ol ɗen pelle ɗe wonaa laamuyankooje.