Mali: Faransi e leyɗe Erop hollii mettu-ɓernde maɓɓe e samminere laamu waɗunde ndee

Hooreejo Faransi Emmaniyel Makron  e nder yewtere jaaynirɗe, Biriksel e nder kawral UE, 25 5ɓuru 2021.
Hooreejo Faransi Emmaniyel Makron e nder yewtere jaaynirɗe, Biriksel e nder kawral UE, 25 5ɓuru 2021. REUTERS - POOL

Faransi holli mettu-ɓernde mum, ɓe ƴamii mbatu heñiingu ngoomu kisal ngu Dental Leyɗe Adunaaru.

Jeeyngal

Faransi ƴamii hannnde e talaata, yo mbatu, ngoomu kisal ngu Dental Leyɗe Adunaaru jooɗo e battane alhaali Mali, caggal doole ɗe konunkooɓe ɓee waɗi ɗen. Ko ɗum holliti Le Diriyan, jaagorɗo Faransi halfinaaɗo huuwondiral hakkunde Faransi e leyɗe janane, e nder konngol ngol o waɗi to suudu mbatirdu Faransi

Hooreejo leydi Faransi Emmaniyel Makron kañum sifike oo alhaali e bi'ol makko ko ciwlere e  nder ciwlere laamu. O wi'i Faransi jaɓaali ko waɗi koo.

Alman e Beretaniya kamɓe kadi, ɓe hollii wonnde ɓe jaɓaani ko waɗi koo Mali, ɓe ƴamii ko nanngaaɓe ɓen, Hooreejo jaagorɓe, e hooreejo laamu hakkundewu, accite kisan.