Mali: Bah Ndaawo e Muktaar Waan jonnitii laamu maɓɓe

Natal yeru
Natal yeru AFP - MICHELE CATTANI

Hooreejo laamu hakkundewu e hooreejo jaagorɓe jonnitii laamu maɓɓe. Ɗum ko caggal jaggeede ɓe gila altine. Lebbi jeenay caggal ciwlagol laamu waɗi Mali, hono mum ɗimmitii. Ko gollidiiɗo, gorko jooma-dooleejo on e neɗɗo tawaaɗo e goomu imminaaɓe winndere anndini kabaaru on

Jeeyngal

Ɓe jonnitii laamu, yeeso imminaaɓe winndere wonɓe Mali fewndo ɗoo. Ko ɗum holliti Baaba Siise, diiseteeɗo Kolonel Assimi. e Bi'ol maɓɓe, hino yawteede no ɓee hooreeɓe laamu hakkundewu follaaɓe, jogaaɓe gila altine to daaka Kati accitiree e no guwerneman keso joɗɗiniree.

  Teral imminaaɓe winndere mo wowlaali innde mum goonginanii nultondiraaɗo AFP, jonnitugol laamu Bah Ndaawo hooreejo laamu hakkundewu nguu.

  Ɓee immaaɓe yahiino hannde bimmbi to daakorde kadi, nokkuure woɗɗornde kilooji 15 Bamako. Ko ɗon ɓee ɗiɗo jogaa gila ɓe nanngaa.

Kolonel Assimi Goyta hollitiino hanki wonnde, o jaɓitii laamu e juuɗe maɓɓe.Himo tuumiri ɓe suɓagol guwerneman keso diisaaki mo.

Gila duuɓi Mali no e anngal deeƴere hella dawro? Ɗum no tawtii anngal kisal e ndeenaagu.