Kasamansi: Tiindondiral hakkunde kono e murtuɓe MFDC

Natal Yeru  (9/ 02/ 2021).
Natal Yeru (9/ 02/ 2021). © Charlotte Idrac

Kasamanse, e nder Senegaal, konunkooɓe ɓen na Jokki hare nden hakkunde maɓɓe e murtuɓe MFDC. Hanki ɓe ngaɗii piyanɗe e dow daakorɗe  salndu murtuɓe Mfdc ndu Sesar Atut Bajat ardii ka keerol hakkunde Senegal e Gine Bisaawo.

Jeeyngal

Kono jogiiɗo konngol konunku  nguu jonnaali tanñoral e mum. Tiindondire ɗen na jokki e oon nokku ɗon, faandaare nden ko wallude egguɓe ɓen no artira ka maɓɓe caggal nde ɓe dogunoo ɗin fitinaaji.

Kasamane ko nokkuure wonnde, gila hitaande ujunere e teemedde jeenay e cappanɗe jeetati e ɗiɗi murtuɓe ɓee MFDC no jokki hare hakkunde maɓɓe e dadiiɓe laamu ngun. Faandaare maɓɓe ko jeytaare walla hettugol hoore maɓɓe. Ɗii ɗuuɓi jawtuɗi woɓɓe e ɓee dadiiɓe murtuɓe wonduɓe e salndu MFDC ndu Sesar Atut Bajat ardii no daakii e gure wonuɗe e keerol Gine Bisaawo e Senegaal, wonduɓe e Saalif Saajo no hakkunde Senegaal e Gambiya.

E siftinde ka maayɗe lewru go’oburu  pelɓondire ( fellindiro) teskanooma hakkunde konunkooɓe ɓen e dadiiɓe lumndiiɓe MFDC. Ɗum ko ngam wallude eggunooɓe ɓen no ruttora ka maɓɓe.

E hitaaande ujune ɗiɗe e sappo e jeetati ko jaasaani yimɓe sappo e nayo warano e ladde ndee tako diiwal Siginshor.