Burkina Faso: Ko timmi 140 yimɓe waraama e hawannde ɓurnde warde gila 2015

Burkina Faso hawannde waɗii e asewe 5 lewru jeegaɓuru
Burkina Faso hawannde waɗii e asewe 5 lewru jeegaɓuru © Issoufou Sanogo

Hooreejo leydi Burkina Faso, hollitii wonnde, konuuli kisal e ndeenaagu no hoore koyɗe majji, ngam ɗaɓɓitude yaggina waɗuɓe ɗee bone.

Jeeyngal

Ko ɓuri famɗude woo, 138 neɗɗo waraama aljuna jemma e nder wuro wi'eteengo Solhan, taweteengo e nder falnde sahel, to worgo leydi ndin.

Hooreejo leydi Rok Kiristiyan Kabore yamirii balɗe tati sunaare ngenndi e nder leydi nden fow.

Ko hella njamndi 2 jemma, yimɓe jogiiɓe kaɓorɗe wobbani Solhan, e hollitol halfinaaɓe ndeenaagu leydi ndin. hawannde nden ko adii huulannde, ko yarlitiiɓe hiwooɓe leydi ɗe konu ngon woni e huutorde fii haɓugol kuliyankooɓe ɓen. 

Ko caggal ɗum arɓe ɓen fuɗɗi huulande hoɗiyankooɓe ɓen. E nokku to asooɓe kaŋŋe woni. Ɓe konki damal e damal wano si tawii ko woɓɓe ɓe wonnoo e ɗaɓɓitude, udiituɗo kala ɓe fella. Waɗu ɓuri njamɗe ɗiɗe ko adaa faabo arde.

Limoore mayɓe ɓen no heewi

E asewe  nyalorma, limoore  waraaɓe ɓen no heewi sanne. Fureeji jeyaaɗi  fow. sukaaɓe e mawɓe hay gooto accaaka.

Hollitol halfinaaɗe kisal wollii wonnde waraaɓe ɓen no jeyaa e  hakkunde lebbi jeettati haa duuɓi 45. Kono 80% e maɓɓe ko sukaaɓe.  

Waɗuɓe fiyannde nden sunnii koɗanɗe e jeere wuro ngoo ado ɓe yahude. Ɓe hootidi e motooji buy, ɓe sunni heddii ɗin.