Mali: Gud Lok Jonatan arii ƴewtagol pehe ɗe Kolonel Assimi Goyta deeƴinay leydi ndin

Hooreejo Najeriya kiɗɗo on, Gud Lok Jonatan,  arii Mali e innde CEDEAO
Hooreejo Najeriya kiɗɗo on, Gud Lok Jonatan, arii Mali e innde CEDEAO © AFP - Annie Risemberg

Imminaaɗo CEDEAO hewtii hanki Bamako. Gud Lok Jonatan no ari ƴeewugol si pehe ɗe Kolonel Asimi GOYTA ƴetti waaway artirde ciwilɓe ka laamu hakkudewu Mali. Heɗoɗen jantoore Ibrahiima Timmbi BAH.

Jeeyngal

Gud Lok Jonhatan hewtii Mali bimmbi ñannde Kolonel Asimi GOYTA toɗɗi Shogel Mayga ardagol guwerneman laamu hakkunndewu. O taskoto eɓɓooje ɗe Kolonel Goyta e jaagorɗo makko arano e wonndiiɓe makko ƴetti, e ɗe o fodi ngam artirgol laamu potal Mali.

Pelle heewɗe, wano tentinii CEDEAO, Dental Leyɗe Afrik, wondude e leyɗe alɗuɗe ɗen  wano Amerik, Faransi taƴii naɓidal maɓɓe e Mali, sabu ndee samminere laamu.

CEDEAO na lamndinoo Mali toɗɗagol jaagorɗo arano ciwiljo e waɗugol suɓgo e nder lebbi 18.  Kolonel Assimi Goyta toɗɗike jaagorɗo on, o waɗii fodoore wonnde o jonnitay siwilɓe ɓen laamu caggal suɓngo laaɓugo. O aadike fahin, wonnde guwerneman mo Mali saatii heɓude on , ƴetay pehe artirayɗe pottal malinaaɓe.

On guwerneman mo Sogel Mayga waɗata na habaa, hay si tawii anndaaka ko hondetuma o laatoto. E nder M5, fedde makko suɓiinde mo ngam laatagol jaagorɗo arano, kawral ngal na famɗi e nder mayre fewdo ɗoo.

Ardu sakkitiindu Gud Lok Jonatan Mali yahraano na haaniri. Si o ruttiki e ngol laawol ɗoo, hooreeɓe CEDEAO fedde leyɗe hirnaange Afrik waɗay mbatu ñannde 19 6ɓuru Ganaa.