Niijeer: Konunkooɓe 16 waraama e fiyannde nde Boko Haram waɗi to wuro Baruwa

Niijeer, hooreejo leydi  Basum Mohammed no  Baruwa
Niijeer, hooreejo leydi Basum Mohammed no Baruwa © Niger Presidency

16 konunkooɓe waramaa e nder hawannde waɗunde talaata hecci-hanki. Ko Boko Haram waɗi nde to soɓɓundu fuɗnaage worgo leydi ndin. Ɗum ko nokkuure nde woɗɗaa Najeriya. Ko ɗum holliti jaagorɗo halfinaaɗo ndeenaagu. E nder fiyannde nden 50 jihandiyankooɓe waraama kadi. Ko ɗuuɗi e kaɓirɗe maɓɓe jaɓitaama. Jantoore abdulaay JALLO

Jeeyngal

Koonunkooɓe sappo e jeegom waraama e njanngu waɗaangu hecci-hanki e talaata. Waɗi ndee fiyande ko goomu jihadiyankooɓe jeyaaɓe e fedde Boko Haram'en to wuro Baruwa leydi Niijeer. Ko non holliri e nder cimtol jaagorɗo halfinaaɗo ndeenaangu leydi ndin, Alkasum Indatu. Kono kadi e ngun janngu njeenayo gañaama e dadiiɓe ɓen e ko ɓuri jihadiyankooɓe cappanɗe njowo waraama e kadi kaɓirɗe maɓɓe ɗuuɗuɗe jaɓitaama. Ko ɗum woni fiyande arane waɗaande e dow ngoo wuro Baruwa caggal nde ujune jeegom yimɓe eggunooɓe ɓen arti  e nden nokkuure gila ñannde noogay lewru jeegaɓuru. E wi’ide ardiiɓe diiwal ngal ko ɓuri ujune noogay e jeegom yimbe dogunooɓe fattoyii e diiwe goɗɗe artii  e nder wurooji sappo e jeenay wano Baruwa.

E siftinde ñande sappo e jeegom nduu lewru ndu gonnɗen ko jaasaani siwilɓe cappanɗe tato e njeeɗiɗo waranooma. E ɓen no tawaa sukaaɓe e  rewɓe ko ɓuri sappo.

Lombu ooɗo aplikasion e nder noddirgal maa