Jiiɓoldu no Konaakiri: Hooreejo leydi ndin nanngaama, Kolonel Dummbuya yaltii ka tele

Galle laamu Gine, Seekutureya, Konakiri (Natal yeru).
Galle laamu Gine, Seekutureya, Konakiri (Natal yeru). fr.ambaguinee.org

Kiɓɓu mawngu no taskaa e nder laamordo Gine gila hannde bimmbi. Ciwlagol laamu no laawol, Alfa Konde nanngaama.

Jeeyngal

Caggal nde widiyoo  jinndi e mejaaje renndo holluɗo Kolonel Dummbuya e konunkooɓe woɓɓe no wonndi Alfa Konde hooreejo leydi on, o yaltii ka tele Gine, o ɓannginii wonnde ko kanko woni jooma dooleejo leydi ndin hannde.

Hino ɗoo ko o haali e nder ngon mbodo jinndugo e nder mejaaje renndo.

« Ginenaaɓe rewɓe e worɓe, hawtaaɓe leydi am tedduɓe, alhaali renndo e dawro e faggudu leydi ndin, bonugol tugaale laamu leydi ndin, huutorgol ñaawoore leydi, yaaɓugol hakkeeji ɓiɓɓe leydi ndin, anngal teddingol sarɗiijii demokarasiiji ɗin, bonnugol ngalu leydi ndin,   baasal ɓiɓɓe leydi e ngeenaaje bonɗe, waɗii haa konu ngun e nder dental noddirteengal CNRD ( Nguumu Ngenndi ngam Fewnugol e  Ɓamtugol leydi ndin). Kononkooɓe  waɗii ko waɗii haa konu ngun waɗii ko waɗii ɓe kon. Ɓe liɓii laamu ngun, ɓe nanngii  laamoɗo. O wi’i caggal nd emen nanngi laamɗo on, ɓe wenngii doosngal wallal dustuuru leydi ndin e uddugol keeri leydi ndin, njoordi e weeyo. Men noddii banndiraaɓe amen konunkooɓe ɓen e pottal e ngootaagu. Fii nootagol e faleeji dagiiɗi jamaa on. Meɗen torii kala e maɓɓe yo heddo ka daakorɓe maɓɓe, ɓe jokkitoo golle maɓɓe ɗen. » 

Lombu ooɗo aplikasion e nder noddirgal maa