Ko hommbo woni Kolonel Mamadi Dummbiya, ciwliiɗo laamu Gine?

Kolonel Mamadi DUMBUYA
Kolonel Mamadi DUMBUYA © @ RFI Mandenkan

Gomu konunkoɓe ɓurɓe jogaade alaaji kaɓirɗi no wi  e gardagol kolonel Mamadi Dumbuya, kamɓe caabi sammeere lamu waɗude to Gine, hanki jowi lewru jenayaɓuru hitannde nde gonɗen. Hol gonɗo Mamadi Dummbuya, oo gorko gardiɗo ɓe konunkoɓe ? Amadou Baro BA.

Jeeyngal

 Ko faati e saammineere laamu, woowunoo yi'eede ko Generalɓe ardotoo, kono e ngo'ol ɗoo ko koloneljo ardii ɗee golle hanki to Gine.  ko Mamadi Dummbuya o wi'etee. Ko oo gorko waɗi hollitol yeeso telewisiyon leydi ndii. Kono kadi ko e nder mejaaje renndo hanki, ñannde jowi lewru 6ɓuru ngam hollude wonnde ɓe samminii lamu Alfaa konde, ɓe ndartini golle laamu ngau, ɓe guddii keeri leydi ndii. Iwdi Letinan Kolonel Mamadi Dummbuya ko Kankan, rewo fuɗnaage Gine. Ko Leesiyoneerjo kiɗɗo konu Fransi, Mamadi Dummbuya nodditaa Gine ko e hitannde 2018, ngam arddade ngoomu konunkoɓe Doole Heeriiɗe, no wi'ee Guropeman Doole Heeriiɗe. E heblooji makko o waɗi duɗal no wi ecole d'application Infanteri to senegal. Caagal Senegaal o janngii Israyel,  Librewill, Gabon, kono kadi to Faransi. O waɗii  ngal meccal ko ɓuri duɓɓi sappo e joyi. Komandan Mamadi Dummbuya, o gardiɗo ɓe konunkoɓe cuumiiɓe, wona ngandaɗo no fewi, ɓiɓɓe Gine,  maajagol konunooɓe ɓe e hitannde 2018. 

Lombu ooɗo aplikasion e nder noddirgal maa