CEDEAO kammbii yaggingol konunkooɓe Mali si ɗoftaaki lajal wooteeji e si addii merseneerɓe Wagner

Hasumi Masawuudu 16 2ɓuru 2016.  jaagorɗo halfinaaɗo huuwondiral Niijeer e leyɗe janane
Hasumi Masawuudu 16 2ɓuru 2016. jaagorɗo halfinaaɗo huuwondiral Niijeer e leyɗe janane ISSOUF SANOGO / AFP

Lewru ɗiɗaɓuru, hittaande 2022, suɓngooji ɗin no haani laataade, si tawii naa ɗum, men hawtindiray men e denndaangal mofte winndere men fawa yaggine e dow konunkooɓe Mali. Men tentini yo kaaydiiri ɗowordi laaɓudi pos holle, fii yo  suɓngooji ɗin yahe e mum.ɗiɗi on, men jaɓataa e nder ndee falnde amen, yo merseneerɓe aru ukkitoo, aru ɓeyda bonnugol alhaali kisal ngal.  Ko ɗum waɗi CEDAO no salii ɗee faale siifugol ahodal e oo sosiyete Wagner, merseneerɓe ruusinkooɓe. Ɗum no laaɓi pos. Ɗoo kadi men jeertinii. Men waawa jaɓude yo konunkooɓe Mali addan men huunde wonnde kadi, merseneeɓe hoɓɓe e nder ndee nokkuure men.Cedeao jaɓataa yo Merseneerɓe ruusinkooɓe aru e ndee falnde amen. Ɗum ko ɓeydugol bonnugol alhaali kisal e ndeenaagu nokkuure nden.Pellet argol ɓee no waawi bonnude dental G5 Sahel ngal, ɓayri men jaɓataa woodegol ɓee yimɓe. Kononkooɓe Mali ɓen no haani ittitugol ngoo miijo kisan si tawii ɗum ko goonga. Men jaɓataa sifa ngal ahodal, men jaɓataa yimɓe ɓe newnanaaka, merseneerɓe jananɓe ara ɓeyda bonnugol alhaali ndeenaagu nokkuure nden, Alhaali meeɗuɗo hulɓinagol.