Kabaaru FESPAKO: alhaali cellal e kisal koolol ngol no teddinaa, Timmbi Bah gila Wagadugu
Saakitaama ñannde :
Sagarwol 27ɗaɓol koolol FESPACO hawrindiri e koronawis. Wurin, ko ɗum waɗi haa ngal kawrital sinemaa dirtinaa e nduu lewro 10ɓuru hitaande 2021. Ko wattii ɗon, ko rafi deenaagu wonungu Burkina Faso e leyɗe Sahel. Ko pehe honɗe laamiiɓe Burkina ƴettii ngam hiwgol tawaaɓe e FESPAKO 2021 ? Heɗoɗen jantoore Ibrahiima Timmbi BAH imminaaɗo rfi Fulfulde Wagadugu.
Gila ndee aseweere feƴƴonde ka yahruɗaa e nder Wagadugu fow, konunkooɓe no darnaa kamɓe e kaɓirɗe maɓɓe. Hiɓe ayni cuuɗi jaɓɓiiɗi FESPAKO ɗin fow. Sonna Aysa Wedrawogo no tawaa e salndu toppitiindu FESPAKO.
Ɗee peeje ɗe aardiiɓe Burkina Faso ɓami wonaa ɗoo haaɗi. Goɗɗe ɗen yo yowitii e dannditorɗi ñawu koronawiriis. Kala naatoowo e cuudu FESPAKO ndun ko maa o sooɗoo, o waɗtoo cuumol. Hertorɓe cellal no darnaa nokkeeli fow; ko non holliri Sonna Aysa Wedrawogo.
Hoɓɓe Fespako ɓen no weltorii ɗee pehe. Heɗoɗen seeditanɗe woɓɓe e maɓɓe.
Fii kala, anngal kisal e koronawirs no woodi Burkina Faso, yimɓe ɗuuɗuɓe tawaama e ngol koolol FESPAKO. Ɗee pehe ƴettaaɗe no tawaa e ko suusiniɓe argol. Ko ɗum holli Sonna Aysa Wedrawogo.
Faandaare ardiiɓe Wagadugu e oo Fespaco ko hollugol wonnde fii kala koronawiriis e kuliyankooɓe waɗii bononndaaji Burkina, gurɗam no woodi e leydi ndin. Ibrahiima Timmbi BAH wagadugu rfí.