Kabaaru FESPAKO: RFI Fulfulde weeɓitanii mikroo mum yoga e tawtoraaɓe koolol ngol
Saakitaama ñannde :
Koolol 27ɓol Fespako hommbete janngo e asewe. Ko filmuuji 17 woni e foolondirde fii deeseewal mawngal ngal. Ɗin mbodooji no yewti kala ko fewndi e Afrik: baŋŋe politik, wonndiigu, hakkeeji neɗanke e kiwal taariindi. Ɗum addii sinemayanko’en hollugol sinema Afrik no yahrude yeeso. Heɗoɗen jantoore Ibrahiima Timmbi Bah, imminaaɗo amen Wagadugu.
“E nder ɗii duuɓi gaaninji ɗin ɗoo, sinema Afrik dañi ɓamtaare”. Ɗii, ko konnguɗi yoga e yimɓe hertorɓe sinema tawaaɓe e ngol koolol FESPAKO. Mammadu Jaa, senegalnaajo laatinɗo “filmu Baamun Nafi”, hollii wonnde sinema Afrik no yaaji.
Afrik no jogii taariikaaji mawɗi waawuɗi yahdude filmuuji lolluɗi. ko ɗum si Seydu Sammba Tuure sinemankoojo, wi’i wonnde, ko anngal feere haɗi Afrik wonde hoore e oo fannu.
Hikka ko filmuuji 17 woni e foolotirde fii deeseewal mawngal fespako ngal. Ɗii mbodooji, no yewti kala ko fewndi Afrik: wano politik, renndo, hakkeeji neɗanke walla kiwal taariindi. E nder ɗin ko Afriknaaɓe woni yewtude fii Afrik. Ɗum weltini Maam Cuub dilloowo e baŋŋe sinema.
Ngam newingol ɓamtaare sinema Afrik, Baaba Maal naalankeejo lolluɗo Senegaali, no ñaagi Afriknaaɓe ɓen toppitagol gannde kese ɗen....
Suukaaɓe ɗuuɗuɓe no janngude sinema e teknolooji e nder iniwersiteeji Afrik e ɗii duuɓi gaaninji ɗoo. Yoga e maɓɓe laatike haralleeɓe kelɗuɓe ka baŋŋe sinema. Ibrahiima Timmbi BAH Wagadugu rfi..
#fespaco #fespako #pinal #burkina_faso