Marok Aljeriya

Aljernaaɓe tato maayii e ley bummbuuje, Aljeriya no tuumi Marok wargol ɓee yimɓe maɓɓe

Raayaaji Marok e Aljeriya
Raayaaji Marok e Aljeriya AFP - RYAD KRAMDI,FADEL SENNA

Jiiɓaare ina ɓeydii hakkunde Aljeriya e Marok e ɗee balde. Ɗum ko caggal nde Aljeriya tuumi Marok warde ɓiɓɓe mum tato e aaynande yannde e otowal maɓɓe. Marok yeddii ɗee tuume.Jantoore Omaar Mammadu SOW.

Jeeyngal

Aljeriya habrii e alarbaare hanki wonde ɓiɓɓe maɓɓe tato mbaraama e fiyannde nde ɓe tuumi Marok. Naa mbi'en wonnde tekkere ina ɓeydoo luuɓde hakkunde ɗee leyɗe ɗiɗe ɗe ngayngu kam e ɓinngu mbaabaagu laatii hakkunde mumen e oo ɗoo saha. Nde ŋakkeende beldigall taskaama ko ɓooyi. Ko gila e duuɓi dutal, e alhaali ngal diiwal wi'etengal Sahara Okkidental, ngal Marok fawi junngo e dow 80 temederewel ndiin leydi tummbiindi hakkunde maɓɓe.

Ɓee aljerinaaɓe waraaɓe ko otowal maɓɓe boombaa tawi eɓe immi Nuwakshott, Moritani, eɓe tiinndii Wargila hakkunde Moritani e Marok Ko oo kabaaru aglle laamorɗo Algeriya saakiti. Ɓe mbii nguu njanngu waɗii gila ñannde altineere ƴaɓɓiinde ndee. Ardiiɓe Aljeriya ɓee kollitii wonnde sikke alana ɗum,  ko Marok waɗi ndee bonande. Leydi Marok to baŋŋe mum, ko kikiiɗe hanki ɓami konngol, ɓe wi'i ɓe njaɓataa hay saha goto naanneede e wolde etee ɓe njeddii ɗen tuume.

Lombu ooɗo aplikasion e nder noddirgal maa