Tuunus ( Tinisi)

Tuunus: ujune yimɓe seppii ka laawi hollugol mettu-ɓernde maɓɓe e pehe ɗe hooreejo leydi ƴetti

Seppo e dow laawi Tuunus liddu hooreejo leydi on, Qays Sayyed, 14  11ɓuru  2021.
Seppo e dow laawi Tuunus liddu hooreejo leydi on, Qays Sayyed, 14 11ɓuru 2021. © ZOUBEIR SOUISSI/REUTERS

Tuunus: ko ɓuri yimɓe ujune yaltii waɗugol seppooji hanki e alat. Ɗum ko fii hollugol mettu-ɓernde maɓɓe sabu pehe ɗe oo hooreejo leydi ƴetti. No tawaa e ɗen follugol Qays Sayyed hooreejo jaagorɗo. Ummu BAH

Jeeyngal

Hari ɓee seppooɓe no hollude e nder ɗii koonnguɗi maɓɓe wonnde, yimɓe ɓen faalaaka ko lamnɗo on waɗi kon. Ɓiɓɓe leydi ndin dartoto ko laamu ngun jaɗitaa kon. Ko ɗum wonnoo ewnaade ɓee seppiyankooɓe. Ko hakkunde ujunere e ujunee ɗiɗi yaltunooɓe fii ɗin seppooji. E nder ɗee ɗoworɗe maɓɓe hino winndinoo ko Qays  woni e waɗude kon naɓirii Tinisii ɓaawo. E ɓe faalaaka hannde kadi laamu njaggu. Internoteɓe hollitii wonnde otooje buuy haɗano hewutugol ka galluure Bardo. Nokku ka suudu sarɗiyannkooru ndun woni ɗon.

Ñannde noogay e ɗiɗi lewru jeenayaɓuru e ndee hitaande ɗoo e ɓaawo lebbi ɗiɗi wonugol e nder jiɓi-liɓi oo lamnɗo ƴetti pehe. Ɗen pehe ƴettaaɗe ko ittugol hooreejo jaagorɗo on, dartingol golleeji suudu sarɗiyannkooru ndun e jattugol doole cuuɗi ñaawirɗi.

Lombu ooɗo aplikasion e nder noddirgal maa