Mali: Lappol konu sikkitaangol ngol tuubaakooɓe woni e mum yi'aama e laawol no yahra hakkundeere leydi ndii

Kononkoojo Malinaajo no darii yeeso saarde-kommbaawal to "Ayropoor international" Moodibo-Keyta, Bamako, 29 3ɓuru 2012. [Natal yeru] © AP - Rebecca Blackwell

Gilla balɗe, mobilaji ɗi tubakoɓe ɓorniɓe comci konunkoɓe teskama immade Bamako fewde  hakkudeere MALI. Ko holɓe wonni ɓen ? Namɗe hewɗe no ngoodi. Aamadu Baro Bah waɗii tefoore e oo alhaaali keɗoɗen mo.

Caagal nde Leyɗe 15, no tawaa e majje Kanadaa e Faransi mbaaɗno hollitol e yonteere yawtude ndee ngam hollude mettu-ɓernde maɓɓe e naatugol merseneerɓe  Riisnaɓe e nder Mali, hannde naamɗe ɗuuɗuɗe no mbaaɗee, si ɗum ko ngooga wala wonaa. E dow kabaaruji ɗi men keɓi,  woodii mobilaaji / otooje immiiɗe Bamako, fewde hakkudeere Mali. E bi’ol seedeeɓe,  ɓe rfi fulfulde jokkodiri , fodde mobilaji 26, immiima Bamako jamma altine no weeta talata, fewde wuddu Mali. Ɓe kollii ko e njaamdi ɗiɗi jamma, ɗi mobilaaji ɗi tubaakooɓe goni e mum dewii e lawool "route natianle 6", to Konobugu. E talata jamma kadi no weeta Alarba, fodde mobilaaji 53, nji'aama, e nder majji no tawee kamiyonje nawooje konunkooɓe tubaakooɓe e kaɓirɗe. E kabaaruji ɗi men heɓi, mobilaaji ɗii immii ko Bamako, laamorde Mali, e njamdi 22, pawɗi silmaaji 40, fewde hakkudeere Mali. Ko njiilɓi e hakkilaaji ɗi e oo saaha, woni ko waawi saabaade mobilaaji, ɗi tubaakooɓe ɓorniɓe comci konunkooɓe immoo Bamako feɓcere jamma tiindaade wuddu Mali ? Ko saabi ɓe ƴettaani laaɗe wiirooje ? Ko naame mawɗe. Ko merseneerɓe Wagner en walla ko woɓɓe ? Ko laaɓi koo e mum, ko wonnde konunkooɓe  immiiɗe caagal leydi wano Takuba e Barkan kutortaako honi ɗi mobilaaji. No annda wonnde, ɓe immotaako feccere jamma Bamako tiidaade hakkkudeere Mali e nder mobilaaji konunkooɓe Mali. Ko konunkooɓe Ruusnaaɓe ? Walla Ko merseneerɓe Wagner ? Ko naamɗe ɗe njaabawol mum heɓaaka taw.