Ecopi: fiyannde weeyo woni sabu maaygol siwilɓe e nder falnde Tiigre

To Ecopii, siwilɓe sappo e njeeɗiɗo maayi "Mai Tsebri" e nder diiwal tiigre e nder fiyannde weeyo nde dronwal waɗi altine e nokkuure nden. Ko ɗum mojobe neɗɗiyankooje wonuɗe Tigre holliti.Faatumata SI SAAWAANE

[Natal yeru] Yasuyoshi CHIBA AFP/Archivos

E bi’ol Dental leyɗe adunaaru "ONU", fiyande weeyo nde doroonwal waɗiino e aljuma yawtunde e nder daaka fattiiɓe ka saare Dedebit.

Siwilɓe ɗuuɗuɓe tampii, woɓɓe e maɓɓe maayii caggal mum. Ɗum wonii sabu mojobe adunayankooje ɗen dartinnde balle mum neɗɗiyankooje e nder nokkure nden.

"Dedebit e Mai Tsebri" ko ca’e wonnɗe e nder worgo hirnaange diiwal Tigre. Diwal ka hare woni e waɗude gila lebbi sappo e nayi hakkunde laamu leydi ndin e laamu hinngu falnde Tigre. Jeyaaɓe e fedde TPLF, ardiinde Ecopii duuɓi cappanɗe tati ado Abiiy Ahmed hooreejo jaagorɗo  Ecopi hettude hooreyaaku leydi ndin.

E hollitol mojobere neɗɗiyankoore, fiyande nden "Mai Tsebri" e altine wonunde sabu yimɓe sappo e jeenay maayde, ko e nder mbaylaari waɗi. doroonje ɗen hewti e nokkure nden , yiili seeɗa si ɓe acciti bommbuuje  ɗen.

Siftinnde, Abiiy Ahmed naɓuno e lewru sappo e go’aɓure hitaande 2019 konu e nder Tigre ngam haɓude hooreeɓe lumdiiɓe laamu makko gila leɓɓi ɗuuɗuɗi.

Ɗee hare waɗuɗe e nder ɗii leɓɓi jeenay, wonii sabu ujune yimɓe maayde.

E bi’ol ONI, ko timmi ujune 400 tigrenaaɓe no tampiri heege.