Yagginanɗe ɗe "CEDEAO" fawi e dow Mali battinii e baŋŋe mbaɗɗateeri sanne

Ayropoor (boowal laaɗe wiirooje) Bamako [Natal yeru] Olivier Fourt/RFI

Yagginanɗe ɗe CEDEAO fawi e dow Mali no jokki addude caɗeele. Caɗeele taskaaɗe e baŋŋe yaha-ngarta. Laaɗe wiirooje ɗuuɗude  ndartinii golle mumen. No tawaa e majje "air France".  Gollooɓe e ɗen baŋŋe kollitii wonnde ɓe mbaasi ko ɗuuɗi. Boli BA waɗi tefoore.

E bi'ol El Hadj Aamadu Jara golloowo e suudu yeeyooru biyeeji , e o saha eɓe jonnitude soodooɓe maɓɓe biyeeji mumen. Ɗum ko soɗooɓe yahooɓe Dakar, Abijan e Akra. Sodooɓe maɓɓe biyeeji "air France" kañum yiiɗa rutteede kaalisi maɓɓe walla jonneede biyeeji awiyonji goɗɗe, yeeru "Turkish airline, Ethiopian airlines". Ɓe yiiɗi ko yaade holloya mettu-ɓernde maɓɓe to yeeso ammbasaad Faransi wonɗo Bamako.

Laat G. Njaay, topitiiɗo kisal awiyonje to boowal laaɗe wiirooje Mali, hollitii wonde "air Senegal", air Cote d'Ivoire, air Burkina".  ɗee fof ndarnii yaha-araaji mum e nder Mali. Hay "Sky Mali" darnii ɗanle mum yaasi Mali. Ɗum wonii sabu ustagol awiyonje arooje Mali e waasere golle gollanooɓe e ɗen awiyonje.

Iisa Darabo, gardiiɗo fedde ngenndi cuuɗi yeyooji biyeeji to Burkina Faso arti  e caɗeele ko faati e uddugol keeri Mali wonii sabu ɗuuɗuɓe yiɗuɓe ɗannaade Mali walla yaltuude e leydi ndii no ɓilii. Golle maɓɓe ndartiima. O noddii wonnde yo CEDEAO e hooreeɓe Mali njooɗo ɓe njeewata ɓe ndarna peeje ngam yaltude e ɗee cadeele.