Yontere nde Rfi fulfulde bismii e nder yewtere Ko mbiiɗon ko biyeteedo Aysata Jalloh. O debbo jaareteeɗo duuɓi tiapantati jeyaa ko Mauritanie. O darni to ndiin Leydi, fedde wiyetende Leader training center. Waɗimo darnude nde fedde ko mbela ekkinde sukaaɓe Mauritanie e heblande ɗum’en haa gummo e jonde, mbatta kadi hakkile e darnde nde poti daraande e nder leydi mum’en. Nde fedde gila darnaa e hitande ujunnaji ɗidi e sapo e jeetati, waɗii golle baɗɗi fayida to Mauritanie. Ɗum addi Total Mauritanie totude njooɓaari moolnaande Allah mawɗo fedde nde Aysata Jallo. O ari e yewtere Ko Mbiiɗon ngam haalde holko saabi o darni nde fedde.
