Ɓee eggooɓe holto payi ? Ngal namdal ene haani. Sabu e leyɗe keewɗe so hare waɗi, hakkunde leƴƴi, walle so dillere waɗi yimɓe eggat, moloyoo gure goɗɗe. Ɗum francire innirta „Déplacés“. Ɓee egguɓe, walle mbiyen mooloyiiɓe nokkuure goɗɗe, so njettiima e ko waynu ngalluure ngonata ko e caɗeele. Hoɗorɗe ɗee wayata no haani ni, ñamele ɗe ko hono noon, hay taarorde nii ene gasa tawa alaa, golle noon haalaaka ni…
Ɗum waɗii min addude nde toɓɓere, wonno ene haani haalaade. E ñale cakkitiiɗi ɗii ni, Cicr woni „Comité international de la Croix rouge“, waɗii kanium maanditaare, maana exposition, holliri nate ngam siftorde „convention de Kampala“. Koo leyɗee keewɗe dennti, moni kala waɗii ciifol, wonande ene reena kala ko fewti e egguɓe e gure mum en sabu hare waɗii.
Yewtere nde njaadaten ko Aysata Caam e kadi Muhammadu Biram Sekk, ɓurɗo lollude inde Septik. Kamɓe ɗiɗo ɓe njeyaa e soos noobe oon exposition.
